Svavar Máni Geislason

Það mætti segja að þetta sé ein besta geim mynd allra tíma þrátt fyrir að þetta sé verulega ný mynd. Ryan Gosling er meira og minna einn í myndinni og hann gerir það svo sannarlega með prýði, það getur ekki hver sem er haldið uppi mynd en að sjá hann vingast við geimveru að nafni Rocky var algjör skemmtun og upplifunin var gríðarleg.

Þessi mynd kom algjörlega á óvart. Ég vissi lítið sem ekkert um hana áður en ég fór á hana. Ég hafði séð trailerinn og mér fannst hann góður. Robert pattinson og Zendaya eru flott saman sem par sem eru að fara að gifta sig og glundroðinn sem myndast þegar annað þeirra lætur frá sér leyndarmál sem hinn aðilinn vissi ekkert um.

Að fylgjast með Jaafar Jackson gefa frænda sínum Michael Jackson aftur líf með frammistöðu sinni í þessari mynd var aðdáunarvert að fylgjast með. Hann var með taktana og sýndi fram á að hann gæti ekki einungis dansað og sungið heldur einnig leikið þar sem þetta var fyrsta mynd leikarans. Colman Domingo stal hins vegar heldur betur senunni sem Joseph Jackson faðir Michael jackson og gæti verið að þessi mynd gæfi honum hans þriðju óskarstilnefningu.

Það er alltaf jafn áhugavert þegar leikstjórar gera sína fyrstu mynd eftir að hafa gert stuttmynd um sama efni. Það að Kane Parsons hafi fengið tvo óskarsverðlauna leikara í bland við Mark Duplass (creep) Lukita Maxwell (Shrinking) og Finn Bennett. Er algjör klassi. Umhverfi myndarinnar er stórt og mikið eins og völundarhús sem lætur áhorfandanum líða óþægilega sem hryllingsmyndir af þessu tagi eiga að gera.