Gagnrýni eftir:
Ali G Indahouse0 af 0 fannst gagnrýnin hjálpleg
Það kom mér mjög á óvart að skoða umfjallanirnar um þessa mynd og sjá þær allar gefa henni a.m.k. 2 stjörnur! Ali G inda house fylgir þeirri reglu sem langflestar myndir sem byggðar eru á sjónvarpsþáttum gera: ódýrt og innihaldslaust trikk til þess að græða sem mesta peninga. Ég hef gaman af þáttunum hans þar sem vitleysan þarf ekki að vera í neinu samhengi þar sem þetta eru allt sjálfstæðir sketchar. En að reyna að setja þennan húmor inn í söguþráð með samhengi er hægara sagt en gert, og aðstandendum Ali G mistekst algjörlega! Ég hef sjálfur nokkuð gaman af dökkum og grófum húmor, en það þýðir ekki að dekkra og grófara þýði endilega betra. Þessi mynd fer einfaldlega út í fyrirsjáanlega smekkleysu og ég hló örsjaldan að bröndurunum í henni. Ég afræð öllum sem ég þekki að sjá þessa mynd.