The Riot Club (2014)

Þeir Alistair og Miles eru nýliðar í Oxford-háskóla sem er boðið að taka sæti í tíu manna skólaklúbbi sem kallast The Riot Club, en í hann geta eingöngu forríkir nemendur gengið. Á einu örlagaríku drykkjukvöldi munu meðlimir þessa klúbbs síðan sýna fram á úr hverju þeir eru raunverulega gerðir. Segja má að hér sé skyggnst á bak við tjöldin í veröld einstaklinga sem eru fæddir til forréttinda í krafti auðs og valda foreldra sinna og telja sig geta komist upp með hvað sem er. En hvað gerist þegar þeir ganga nokkrum skrefum of langt?