Snake Eyes (1998)

Brian de Palma er meistari sem á sínar góðu og vondu stundir. Meðal þeirra vondu eru t.d. Bonfire of the Vanities, en Snake Eyes, þrátt fyrir fyrirlitningu gagnrýnenda, er eitt af meistaraverkunum. Nicolas Cage leikur klikkaða og spillta löggu sem drukknar í samsæriskenningum og fölskum frásögnum þegar varnarmálaráðherra USA er myrtur á box-leik. Litanotkun De Palma er fullkomin (ljóskan í hvítri dragt, sú rauðhærða í eldrauðum kjól) og finnst leikstjóranum greinilega mjög gaman að leika sér með nýja leikfangið sitt, stedicam vélina. Fyrstu 20 mínúturnar eru brilliant. Flott myndataka, góður leikur, skemmtilegt plott sem fellur um sjálft sig í endanum gera þessa mynd að frábærri skemmtun. Mæli með henni hiklaust!

Þriller frá Brian De Palma sem gerist á einu kvöldi á hnefaleikabardaga í Atlantic City. Nicholas Cage leikur lögreglumann sem reynir að komast að sannleikanum um morð sem er framið á þessu kvöldi og skilar mjög traustri frammistöðu. Gary Sinise er einnig góður í sínu hlutverki. Handritið er bara þokkalegt en fléttan hefði mátt koma meira á óvart. Fín skemmtun samt.