Rocks in my Pockets (2014)

Þessi teiknimynd er fjölskyldusaga leikstýrunnar Signe Baumane en um leið speglar hún um margt tuttugutu aldar sögu Lettlands. Það er djúpur harmur undirliggjandi, enda þunglyndi ættgengt í fjölskyldu Baumane, en leiftrandi húmor breiðir lengst af yfir þann harm – og myndskreytingar Signe eru leiftrandi skemmtilegar. Myndin sver sig í ætt við myndasöguævisögur á borð við Persepolis og MAUS. Þetta er teiknimynd stútfull af mögnuðum konum, skrítnum sögum, mannkynssögu, náttúru og ævintýrum, sögð með þykkum lettneskum hreim.