P2 (2007)

Angela Bridges (Rachel Nichols) er framagjörn kona. Hún lifir fyrir vinnuna. Hún vinnur meira að segja langt fram eftir á aðfangadagskvöld þótt allir aðrir séu farnir úr byggingunni. Eða. Næstum allir. Þegar Angela ætlar að fara heim virkar bíllinn hennar ekki. Bílskýlið er tómt og farsíminn nær ekki sambandi neðanjarðar. Þá birtist öryggisvörðurinn Thomas (Wes Bentley). Thomas reynir að laga bílinn en kemur honum ekki í gang. Hann býður Angelu að deila með sér jólamatnum sem hann hefur útbúið í öryggisskýlinu, en hún neitar. Það fýkur í Thomas. Hann var búinn að sitja um Angelu í marga mánuði og ætlar ekki að missa af þessu tækifæri. Þau eru ein í byggingunni og Angela þarf að beita öllu sínu hugviti ef hún vill komast lifandi af.