Krampus (2015)

Grínhrollvekjan Krampus er heldur betur óvenjuleg jólamynd, en í henni kynnumst við hinum unga Max og fjölskyldu hans sem safnast hefur að venju saman í tilefni hátíðarinnar til að halda hefðbundin jól. Vandamálið er að sumum fjölskyldumeðlimunum kemur ekkert allt of vel saman sem aftur fer alveg óskaplega í taugarnar á Max með þeim afleiðingum að hann afneitar jólunum og um leið jólasveininum. Hann veit auðvitað ekki að þar með er hann kominn á heimsóknarlista jólapúkans Krampusar sem veit fátt skemmtilegra en að líta við hjá fólki og hræða það upp úr skónum ...