Kramer vs. Kramer (1979)

New York auglýsingamaðurinn efnilegi Ted Kramer lítur svo á að hlutverk hans og aðalábyrgð gagnvart fjölskyldunni liggi í því að fæða hana og klæða, sem þýðir að hann leggur alla áherslu á frama sinn í fyrirtækinu. Joanna Kramer, eiginkona hans til átta ára, þarf að sjá um heimilið og son þeirra, Billy Kramer, 5 ára, en Ted vill ekki að konan sé útivinnandi. Að áeggjan hinnar nýfráskildu Margaret Phelps, sem býr í sömu blokk og þau fjölskyldan, þá ákveður Joanna að yfirgefa Bill og Ted, þar sem hún er búin að fá nóg af þessu lífi. Ted telur að Joanna þurfi bara að jafna sig, og muni snúa til baka eftir einn til tvo daga, en hún gerir það ekki. Ted verður því að gera miklar breytingar á lífi sínu, og nú lenda verkefnin sem áður voru á herðum Joanna á hans herðum, auk þess sem hann þarf að sinna sambandi sínu við Bill, en samband þeirra er erfitt í fyrstu, en breytist svo í ástríkt og gott feðgasamband, og Margaret er þeim til halds og trausts. Tvö atriði ógna nú þessu nýja lífi þeirra feðga; neikvæð áhrif þessa nýja lífsmynsturs á vinnuna hjá Ted, og svo þegar Joanna mætir aftur á svæðið 15 mánuðum síðar, með aukið sjálfstraust, og vill fá forræði yfir syni þeirra.