Knock Off (1998)

Fatahönnuður frá Hong Kong, sem hafði áður verið tengdur við framleiðslu á eftirlíkingum á frægum tískumerkjum, svo sem Pumma hlaupaskóm ( eftirlíkingu af Puma ), reynir að snúa af þeirri braut og feta beina og breiða veginn með hjálp nýs félaga síns, sem er í raun CIA leyniþjónustumaður sem vinnur á laun, og er að rannsaka svartamarkaðsbrask. Aðal framleiðsluvara þeirra, gallabuxur, tengist eftirlíkingaframleiðslunni, sem verður til þess að fulltrúi bandarísks fyrirtækis kemur til að rannsaka málið. Yfirmaður CIA í Hong Kong kemur einnig við sögu. Eins og fyrr sagði siglir félagi fatahönnuðarins, undir fölsku flaggi, og svo virðist sem málum sé einnig þannig háttað hjá flestum sem við sögu koma.