Jason X (2001)

Þessi mynd rennur ekki saman sem hrollvekja því hún er ekki baun óhugnaleg og það er greinilega ekkert vel gert í henni. Þessi mynd er bara labbandi klisja. Það er allt rifið úr gömlu og góðu hryllingsmyndunum eins og hausar að detta af og svoleiðis nema það er illa gert. Jason Voorhees er geðveikur morðingi sem er á geðveikrahæli. En hann sleppur og þá er greinlega eitthvað stolið úr einhverri hrollvekju. En einhver lélegur leikari fer að elta hann og Jason drepur konuna og þau detta inn í frysti og vakna svo eftir milljón ár eða eitthvað svoleiðis langt. En Jason gengur berserksgang og byrjar að drepa alla á stöðinni og klisjan heldur áfram. Örugglega lélegasta hryllingsmynd sem ég hef séð en ég mæli með miklu betri hrollvekjum eins og 28 days later, The shining og the thing.

Eftir að hafa gefist uppá þessari seríu í mynd 4, ákvað ég að gefa henni annan séns.

Þvílík mistök það voru :(

Myndin er illa leikin, klisja útí gegn og bara ekkert scary

Hún nær ekki einsu sinni að vera skemmtileg léleg. Þetta er bara fyrir hörðustu Jason aðdáendur...allir aðrir ættu að forðast þetta drasl.

Þetta er án efa sú allra lélagasta mynd sem ég hef nokkurn tíman eitt tíma mínum í að horfa á. Hef reyndar ekki séð hinar Friday the 13th myndirnar en eftir að horfa á þessa myndi ég frekar setjast út í horn og horfa á vegginn í svona 1-2 tíma.

Ekki það að undirritaður hafi séð allar úr seríunni, en þessi hlýtur að vera verst. Serían fór ágætlega af stað, fór að dala strax í annari myndinni, en þetta kjaftæði keyrir um þverbak. Svefnpokaatriðið títtnefnda fær hálfa stjörnu, en dísús kræst, restin er rusl.

Ég get ekki annað en gefið þessarri mynd góða einkunn, hún er sprenghlægileg og sérstaklega eitt morðið í henni, þeir sem hafa séð hana ættu að vita hvaða atriði ég er að tala um ef ég nefni orðið svefnpoki :) . Þegar ég leigði þeesa mynd hélt ég að þetta væri algjört rusl en svo var ekki, hún var nú spennandi á köflum en hún á ekki skilið að vera kölluð hrollvekja. Ég skemmti mér mjög vel yfir þessari mynd og mæli með henni fyrir jalla sem hafa séð fyrri Friday the 13th myndirnar

Jæja, þá er komin enn ein myndin í seríunni um hinn djöfullega fjöldamorðingja Jason Voorhees sem margir ættu að muna eftir úr Friday the 13th myndunum gömlu og í þetta sinn gengur hann berserksgang um borð í geimskipi árið 2455. Myndin kom mér skemmtilega á óvart þar sem ég bjóst við lélegri hrollvekju en svo reyndist þetta vera ánægjulegur spennutryllir með gamansömu ívafi. Endirinn er reyndar örlítð slappur og spillir það aðeins fyrir en ef þú ert einlægur Friday the 13th aðdáandi þá er þessi vel áhorfsins verð.

Það eru 22 ár síðan Friday the 13th kom út, hún varð mjög vinsæl, þó ekki eins og framhaldið en í því kom Jason Voorhees fram og varð mjög vinsæll. Lengi var ætlunin að skella Jason og Freddy Krueger(úr A Nightmare on Elm Street) saman í eina mynd en þegar það gekk ekki upp var ákveðið að Jason fengi allavegana að koma einu sinni aftur og úr varð JASON X.


! SPOILER BYRJAR !


Myndin byrjar á því að einhverjir vísindamenn eru að skoða Jason. Þeir hafa náð honum eitthvernvegin og hafa reynt að drepa hann á allavegu(honum var gefið eitur, hann var brenndur, settur í rafmagnstólinn, sprengdur upp og meira að segja hengdur!). En ekkert virkaði svo að núna á að djúpfrysta hann á meðan að vísindamenn finni leið hvernig hægt sé að drepa hann. En bandaríski herinn hefur ákveðið að einhver sem getur ekki dáið eigi að vera rannsakaður í gegn. Það endar nátturulega þannig að Jason sleppur og drepur hermennina en aðalvísindamaðurinn nær að frysta hann en frystir sig óvart í leiðinni.


460 árum seinna finnur hópur geimfara þau(ætli engin hafi vitað af rannsóknarstofunni sem þau voru í?). Þeir fara með þau upp í geimferjuna sína og stefna á Jörð 2(jörð 1 er löngu dauð). Jason vaknar auðvitað upp og fer að drepa alla geimfarana, það endar með því að kvenvélmenni sprengir hann í tættlur. En Jason deyr ekki ráðalaus. Pínu lítil skordýr sem eru notuð til að lækna fólk, fara á hann og hann vaknar til lífs síns. Núna er helmginurinn af honum úr járni og hann hefur fengið nýa, flottari grímu. Ég ætla ekki að segja hvernig það endar allt saman.


! SPOILER ENDAR !


Jason X er dýrasta Friday the 13th myndin, kostaði rúmar 14 milljónir dala og það sést alveg. Það er mikið um tækni- og sjónbrellur en betur hafði verið að eyða peningnum í betri leikara. Hún er hræðilega illa leikin, hvort að leikararnir hafi lært að leika með því að horfa á eldri Friday myndir, það gæti allavegana vel verið. Kane Hooder er nátturulega eins góður og hann getur sem Jason en hlutverkið Jason, ólíkt Freddy Krueger eða Hannibal Lecter, er auðútskipt, það tæku fáir eftir því ef að einhver annar kæmi í staðinn fyrir Kane. Tónlistin er frekar slöpp og söguþráðurinn er blanda af Alien Ressurection og Critters 4. En þrátt fyrir það er þetta besta Friday the 13th myndin, kanski er það ekki mikið sagt en það er samt eitthvað.