Jamaica Inn (1939)

Myndin gerist á nítjándu öldinni í Cornwall, þar sem hópur skipsræningja undir stjórn Joss Merlyn notar falskt leiðarljós til að villa um fyrir skipum þannig að þau strandi við klettótta ströndina. Síðan fer hópurinn og drepur þá sem lifðu af og ræna síðan farmi skipsins og safna honum saman á Jamaica Inn hótelið. Þegar írski munaðarleysinginn Mary Yellen fer til Jamaica Inn til að búa þar með frænku sinni Patience, þá neitar bílstjórinn í rútunni sem hún er í að stoppa hjá hótelinu. Mary kemst að lokum á hótelið og frænkan býr um hana, þó hún hafi ekki fengið skeytið sem stúlkan sendi á undan sér til að segja að hún væri á leiðinni. Um kvöldið heyrir Mary að ræningjarnir ætli að hengja félaga sinn Trehearne; en hún bjargar lífi hans og flýr með honum. Þau hlaupa heim til Sir Humphrey, þar sem Treheame segist vera lögregluþjónn. En það sem þau vita ekki er að Sir Humphrey Pengallan er höfuðpaurinn í skipræningjagenginu.