Clarkson: Supercar Showdown (2007)

Í mars koma út þrír diskar þar sem aðalsprauta Top Gear-þáttanna, Jeremy Clarkson, lætur gamminn geysa um víða veröld á ótrúlegustu farartækjum. Í Supercar Showdown ferðast hann alla leið frá Spáni til Strassbourg og svo Swindon í viðleitni sinni að finna hinn eina sanna ofursportbíl. Í þættinum prófar hann að aka ofursportbílum á borð við Ferrari 430, Lamborghini Gallardo og Murcielago, Audi R8, Bugatti Veyron , Porsche GT3, Aston Martin Vantage og marga fleiri. Auk þess mun The Stig koma við sögu á áhugaverðan hátt og athugað verður hvort sé hraðskreiðara: G-Wiz rafbíll eða borðstofuborð.