Bedazzled (2000)

Bara góð mynd sem ég hef séð reyndar mjög oft og er eginlega kominn með leið á henni en hún fær samt þrjár stjörnur. Brendan Fraser leikur gaur sem hittir Djöfulinn (Elizabet Hurley)og hún eða réttara sagt hann býður honum sjö óskir fyrir sál sína. Hann þiggur það og reynir að nota óskirnar til að geta orðið kærasti konu sem hann er skotinn í. Kannski langdregið handrit en góður leikur og með Orlando James úr Evolution.

Alls ekki góð mynd. Söguþráðurinn er algjör þvæla myndin er um mann sem selur djöflinum sál sína fyrir sjö óskir. Brendan Fraser og Elizabeth Hurley eru einnig slæm. Ég gef myndini eina og hálfa stjörnu því maður getur hlegið að sumum bröndurunum.

Gamanmynd sem segir frá afar óvinsælum en ljúfum náunga að nafni Elliot (Brendan Fraiser) sem er orðinn yfir sig þreyttur á að eiga enga vini og finna sér ekki konu. Hann fær óvænt tækifæri til þess að selja sál sína til djöfulsins fyrir nokkrar óskir - og gerir það. Óskir hans rætast hins vegar ekki alveg á þann hátt sem hann hafði vonað og hann kemst fljótt að því að samkomulagið er ekki eins gott og hann hélt. Það er ofurskutlan Elizabeth Hurley sem fer með hlutverk kölska og kemur ágætlega undan því að mesta leiti. Þetta er reyndar vinalegasti kölski sem ég hef séð á hvíta tjaldinu (hvernig samskiptum þeirra líkur undir lokin er til að mynda alveg út í hött) en þar sem þetta er grínmynd býður efnið varla upp á annað. Til að sjá "aðeins" óvingjarnlegri útgáfu af Satan er The Exorcist betri kostur. Brendan Fraiser er náttúrulega eðal leikari og hann gæti meira eða minna rúllað upp hlutverkinu hérna með bundið fyrir augun. Það er nokkrir gallar í sögunni og við uppbyggingu myndarinnar en fyrir ágæta afreyingu er þetta góður valkostur.