African Safari 3D (2013)

African Safari segir frá stórbrotnu ferðalagi frá strönd Namibíu norðaustur til Viktoríufossa og Kilimanjaro-fjalls í Tanzaníu og villtu dýralífinu á leiðinni. Það má með sanni segja að hér sé farið með áhorfendur í sannkallaða draumaferð um víðáttur sunnanverðrar Afríku, allt frá hinni fögru og sendnu vesturströnd Namibíu, upp að hinum stórkostlegu Viktoríufossum í Zimbabwe og alla leið að hæsta fjalli Afríku, Kilimanjaro í Tanzaníu. Ferðast er á bílum, bátum og með loftbelg sem gaf færi á stórkostlegri kvikmyndatöku, auk þess sem bæði náttúran og villt dýralífið er skoðað í sannkallaðri nærmynd sem oft og tíðum setti kvikmyndagerðarfólkið í stórhættu. Gestgjafar í ferðinni eru dýralífsfræðingarnir Mara Douglas-Hamilton og Kevin Richardson sem um leið fræða áhorfendur um dýrin og lifnaðarhætti þeirra.