Punktur punktur komma strik (1980)

Bráðskemmtileg og vel gerð íslensk kvikmynd byggð á metsölubók Péturs Gunnarssonar um æsku og unglingsár stráksins Andra. Í myndinni er fléttað saman sprenghlægilegum atvikum og skörpum athugunum á þroskaferli reykjavíkurstráks á sjötta og sjöunda áratugnum, sem um leið spegla átök og örar breytingar í þjóðlífinu. Við fylgjumst með Andra og félögum hans að leik og í skóla, hann fer í sveit og kynnist þar framandi umhverfi. Á unglingsárunum taka svo við skólaærsl, partí og sjoppuhangs. Það verða örlagaríkir atburðir í fjölskyldu hans. Þá upplifir Andri ástina - og alvöru lífsins. „Punktur punktur“ er kvikmynd fyrir alla, jafnt börn, unglinga sem fullorðna. Myndin var sýnd við fádæma vinsældir á Íslandi árið 1981 og hlaut einróma lof gagnrýnenda. Hún hefur einnig verið sýnd víða um heim.