Blue Sky 1994
In a world of secrets, love is the most powerful weapon.
Sagan hefst í byrjun sjöunda áratugs síðustu aldar. Hank Marshall ofursti og eiginkona hans Carly eiga í hjónabandserfiðleikum vegna álagsins í vinnunni hjá honum og geðsjúkdóms sem hún þjáist af. Hank er kjarneðlisfræðingur sem er fylgjandi tilraunasprengingum neðanjarðar, og er ósammála yfirmönnum sínum hvað varðar sprengingar ofanjarðar. Carly er... Lesa meira
Sagan hefst í byrjun sjöunda áratugs síðustu aldar. Hank Marshall ofursti og eiginkona hans Carly eiga í hjónabandserfiðleikum vegna álagsins í vinnunni hjá honum og geðsjúkdóms sem hún þjáist af. Hank er kjarneðlisfræðingur sem er fylgjandi tilraunasprengingum neðanjarðar, og er ósammála yfirmönnum sínum hvað varðar sprengingar ofanjarðar. Carly er opin og frjáls í hugsunum, en er óstöðug á geðinu og smátt og smátt nær sljóleiki tökum á henni auk þess sem aldurinn færist yfir. Hegðun hennar veldur, í besta falli, því að eiginmaðurinn skammast sín fyrir hana, sérstaklega í herstöðinni. Fjölskyldan flytur sig í einangraða herstöð í Alabama hefur áhrif á elstu dótturina Alex, og Carly tekur upp ástarsamband við yfirmann stöðvarinnar, Vince Johnson. ... minna
Aðalleikarar
Leikstjórn
Handrit
Mögnuð mynd sem skartar vönduðum leikframmistöðum óskarsverðlaunaleikaranna Jessicu Lange og Tommy Lee Jones. Sagan hefst árið 1962 er kjarnorkuvísindamaðurinn Hank Marshall, sem er í þjónustu hersins, fær tilskipun um að flytja til herstöðvar einnar í Alabama ásamt hinni töfrandi eiginkonu sinni, Carly Marshall (Lange), og tveimur dætrum. Koma þeirra á eftir að valda umtalsverðri ólgu hjá starfsmönnum stöðvarinnar, ekki síst vegna þess að Carla er haldin óútreiknanlegri þörf fyri athygli og gerir hún ýmislegt til að öðlast hana. Samband hennar við yfirmann stöðvarinnar vekur til dæmis óneitanlega á henni athygli, en hefur þann ágalla að það hriktir í stoðum hjónabands þeirra Hanks í kjölfarið. Málin taka hins vegar óvænta stefnu þegar Hank kemst að því að óbreyttir borgarar hafa orðið fyrir geislun vegna kjarnorkutilrauna á staðnum, en þessi staðreynd misbýður mjög samvisku hans. Þó er þetta leyndarmál sem ekki má spyrjast út og því grípa yfirvöld til þess ráðs að þagga niður í honum. Hann er lokaður inni á hersjúkrahúsi og á sér í raun engrar undankomu auðið. Eina manneskjan sem er honum hliðholl er eiginkona hans og það kemur því í hennar hlut að beita töfrum sínum og orku til hins ítrasta til bjargar Hank. Þeir sem fylgjast með heimi kvikmyndanna ættu að vita að aðalleikkonan, Jessica Lange, hlaut Óskarsverðlaunin 1994 sem besta leikkona í aðalhlutverki fyrir hina snjöllu túlkun sína á annarri af aðalpersónum þessarar ágætu myndar, Carly Marshall, en Jessica Lange vann áður óskarinn 1982 sem besta leikkona í aukahlutverki fyrir leik sinn í kvikmyndinni TOOTSIE, þar sem hún lék á móti sjálfum Dustin Hoffman. Leikstjóri þessarar myndar var óskarsverðlaunaleikstjórinn Tony Richardson en hann gerði óskarsverðlaunamyndina Tom Jones sem hlaut alls fjóra óskara 1963, þ.á.m. sem besta mynd ársins og fyrir leikstjórn Richardson. Þessi kvikmynd var hans svanasöngur en hann lést árið 1991, skömmu eftir að tökum á henni lauk. Myndin var tekin árið 1990 en ekki frumsýnd fyrr en 1994, þrem árum eftir andlát Richardson. Hún er eftirminnileg fyrir margra hluta sakir, en einkum vegna stórleiks Jessicu Lange og Tommy Lee Jones. Sérstaklega fer Lange á kostum í óskarsverðlaunahlutverki sínu. Þetta er ágætis kvikmynd sem ég gef þrjár stjörnur og mæli með að kvikmyndaáhugamenn (sem ekki hafa séð hana) kynni sér hana og magnaðar leikframmistöður aðalleikaranna!
Um myndina
Leikstjórn
Handrit
Jerry Leichtling, Ross Manarchy
Framleiðandi
Orion Home Video
Aldur USA:
PG-13