The Raven (2012)

Skálduð saga um síðustu daga rithöfundarins Edgar Allan Poe, þar sem hann eltir uppi fjöldamorðingja, en morðin minna á þau sem koma fyrir í sögum skáldsins. Myndin gerist í Baltimore á fimmta áratug nítjándu aldar. Lögregluforinginn Fields rannsakar dularfullt morð á mæðgum og tekur eftir því að aðstæðurnar eru afar svipaðar þeim sem rithöfundurinn Edgar Allan Poe hafði skáldað upp í sinni síðustu sögu. Fields ákveður því að tala við Poe og athuga hvað hann veit um málið. Í sama mund er annað morð framið, einnig á nákvæmlega sama hátt og Poe hafði lýst í annarri sögu. Og fleiri slík morð fylgja síðan í kjölfarið. Þegar Poe áttar sig á alvöru málsins ákveður hann að hjálpa til við rannsóknina. Leit hans að sannleikanum verður síðan að æsilegu kapphlaupi við tímann þegar hann áttar sig á því að hið endanlega fórnarlamb er hann sjálfur ...