The Eye (2008)

Sydney Wells (Jessica Alba) er fiðlusnillingur. Hún hefur verið blind frá því augnhimnan hennar eyðilagðist í flugeldaslysi þegar hún var fimm ára. Þá var ekkert hægt að gera til að hjálpa henni, en núna, nær tuttugu árum seinna, býðst henni að fá augnhimnur frá líffæragjafa. Sjónin kemur hægt og rólega aftur eftir aðgerðina en Sidney er skiljanlega ringluð á allri litadýrðinni eftir tuttugu ára myrkur. En Sidney fer fljótt að gruna að það sé eitthvað bogið við þessar nýju augnhimnur. Þær sýna henni alls konar óhuggulega hluti, eins og drauga og ókomin slys. Og Sidney spyr sig: Hvaðan komu eiginlega þessar yfirnáttúrulegu augnhimnur og hvað kom fyrir fyrri eiganda þeirra? Myndin er endurgerð á spennuþrunginni hryllingsmynd frá Asíu sem kom út árið 2002 og heitir Jian Gui.