Saw II (2005)

Já saw er bara nokkuð goð ef þú ert buin að sja fyrstu þá verðuru eiginlega að sja nr2 það er soldið must sko, hun er ekji eins spennandi og 1 en samt mjög goð og hun kom mer mikið a ovart hvernig hun endar og hver kallinn var. ég mæli bara með henni atla ekki að lysa henni allri aðþvi þú verður eiginlega að sja hana en samt er best að sja nr 1 fyrst.

Saw 2 er alveg þrusugóð og ekkert síðri heldur en forverinn. Í fyrstu virðist hún vera einhæf og þreytt en svo rætist úr henni og við tekur atburðarrás sem er margbrotin og innihaldsmikil en þó eru hlutirnir ekkert neitt óþarflega mikið flæktir og svo lengi sem maður fylgist mjög vel með nýtur maður áhorfsins vel ef ekki ennþá betur en það. Plottið kemur gífurlega á óvart og verður það til þess að toppa myndina alveg hreint auk þess sem hve gríðarlega gróf, blóðug og óhugnaleg hún er. Þó má finna einn og einn galla(eðlilega, annars gæfi ég myndinni hærri einkunn) t.a.m. koma kaflar sem eru hálf formúlu og klisjukenndir og hreinlega eru ekki alveg að meika það en þeir kaflar eru fáir sem betur fer. Auk þess er myndin ekkert alltof frumleg kannski en málið er að ég(allavega) ignoraði það og þess vegna fær myndin þrjár stjörnur frá mér. Söguþráðurinn er ferskur og inniheldur fleira gott heldur en slæmt. Saw 2 er ekki fullkomin en mér fannst hún alveg jafn góð og fyrri myndin. Ef þið viljið sjá djúsí blóðútshellingar þá.....I rest my case.

Jæja mér langar nú að tjá mig aðeins um þessa mynd, en best að taka það strax fram að ég bjóst ekki við miklu þar sem mér fannst fyrri myndin stórlega ofmetin, en samt fór maður nú á þetta framhald. Í byrjun virkar myndin ágæt, eitthvað fólk er læst inn í einhverju húsi sem er fullt af gildrum og þrautum sem fólkið þarf að leysa til þessa að lifa af, allt voðalega spennandi. En svo verður þetta allt voðalega heimskulegt, t.d. voru margar þrautirnar allt of léttar að mínu mati og var maður búinn að fatta margt í byrjun myndarinnar sem persónurnar föttuðu ekki fyrr en í endan og svo hvernig sumir virtust bara deyja vegna þess að myndin var að vera búinn og ekki tími fyrir neinn undanfara. En tvistið í endan er mjög sniðugt og fær myndin tvær stjörnur fyrir það, en hina hálfa fyrir flotta kellingar í kvennhlutverkum.

Ég bjóst ekki við miklu af þessu framhaldi af Saw sem er þó nokkuð góð miðað við hrollvekju. Þessi mynd býr til skemmtilega óþæginegt andrúmsloft sem hún á að sjálfsögðu að gera og ég allavega, sat í fósturstellingu frá byrjun til enda. Þú ferð á þessa mynd til að fá ákveðið kick og þessi mynd uppfyllir það 100%. Leikurinn fer framar björtustu vonum og er trúverðugur. Mér fannst myndin pínulítið í anda Seven, eða andrúmsloftið minnti mig mikið á hana.

Einstaklega vel heppnuð kvikmynd.

Saw 2 er um hóp fólk sem hafa verið læst inn í húsi, sem opnast eftir 3 klst, og inn í þessu húsi er andrúmsloftið mengað af eitri sem að drepur þau á sirka 2 klst, en það er móteitur falið víðsvegar í húsinu og þau eiga að reyna að finna það.

En til þess þurfa þau að læra eitthvað um hvort annað, því að þau eiga víst eitthvað sameiginlegt. Þessi mynd er svona í sama pakka og sú fyrri.


Ég fór á Saw 2 í bíó með miklar væntingar gagnvart henni, man eftir því að þegar ég fór á saw í bíó, þá rétt eftir frumsýningu hér á landi, þá var strax búið að samþykja framhaldið, og ég var lengi að hugsa hvernig væri hægt að gera framhald af svona mynd, án þessa að klúðra því algjörlega. Svo ég var mjög svona forvitinn að vita hvernig þeim myndi takast þetta. Það er einn af sömu handritshöfundum og úr fyrri mynd, hinn handritshöfundurinn var ekki með í för, sá sami og leikstýrði sú fyrri, veit nú ekki af hverju hann neitaði sér að leikstýra saw 2, fannst það kannski jafn asnalegt og mörgum öðrum, að gera framhald af þessari mynd. Þetta var nú líka fyrsta myndin hans, og hann vildi kannski ekki festast í þessum pakka. En þetta eru nú bara getgátur í mér. En engu síður þá eru tveir handritshöfundar sem eru hér að verki, sá sami og í fyrri heitir Leigh Whannell, og sem slæst í för með honum heitir Darren Lynn Bousman, og hann leikstýrir myndinni líka, og gerir það bara ágætlega.


Samtölin í myndinni er svolítið svona wanabe gáfuleg, ef maður notar nú enskusletturnar. Og þeir eru mikið að reyna að vera með rosalega málshátta, hafa kannski horft allt of mikið af myndum með Quentin Tarantino, og halda að þeir geta gert jafn geðveikar samræður og hann. Nei nei, smá djók, þeir eru nú í allt öðrum pakka en sá snillingur.


En spennan er mjög svo til staðar, maður verður mjög spenntur, og þeir eru mjög góðir að halda manni alveg föstum í sætinu. Myndin er alveg snilldar af þreying.


Myndatakan gæti verið flott, þeir eru með mjög hraðar klippingar og svona mikið hraðspólað, sem getur verið mjög flott, bara ekki í svona rosalega miklu magnii, maður var stundum svolítið pirraður, og ég fékk alveg hausverk á þessu.


Í heildina litið er myndin jú eins og ég sagði áðan spennandi, og ágætis afþreying, en að segja að hún sé ótrúlega góð er kannski svolítið djúpt í árina tekið, því að hún hefur ekki tærnar sem sú fyrri var með hælana. Sú fyrri var svo fersk, og eitthvað svona sem maður hafði ekki séð áður. En myndin er samt mjög ógeðsleg á pörtum, og mikið af blóði í myndinni, svo ef þú villt sjá blóð, já áttu eftir að sjá blóð, ó já það mun vera blóð..

Þessi mynd er snilld get ekki sagt annað, ég sá hana reyndar ekki í bíóhúsum heldur niðurhalaði ég henni. Þegar ég byrjaði að horfa á hana þá fór ég að hugsa hvort þetta myndi vera lélegmynd, en svo Þegar það fór að koma að seinihlutanum þá fór ég að átta mig á henni. En tæknilega verð ég að segja að nr 1 var betri því hún var aðeins vel leiknari heldur en nr 2. Svo kemur 3 myndin 2006, ég vona að hún verði jafngóð.

Fyrri myndin var rosalega góð og spilaði þvílíkt með mann á allan hátt, og svo kemur þessi týpíska stressmynd þar sem maður er voðalega spenntur og skelfkaður endrum og eins á meðan á myndinni stendur en þegar þú stendur upp úr salnum mannstu eiginlega ekkert eftir henni og hún skilur lítið sem ekkert eftir sig.

Eitt má hún sammt eiga að leikararnir stóðu sig flestir (aðalega þeir eldri) og sviðsmyndin og tæknin og allt er mjög vönduð og flott, sem og flestar tökurnar og ljósin en söguþráðurinn er svolítið þunnur. Ég var persónulega oft ekki langt frá því að standa bara upp og ganga út, en ég er fegin að ég gerði það ekki því endirinn er bestur.

Eftir velgengni hinnar mögnuðu myndar Saw, fór maður að hafa smá efasemdir um hvernig framhaldið á henni myndi verða. En eftir að hafa séð myndina, hurfu allar efasemdir mínar um gæði myndarinnar í burtu. Í sannleika sagt, þessi er mjög nálægt því að toppa fyrstu myndina. Myndin nær heltaki á manni út alla myndina. Ætla ekki að fara út í söguna(gæti eyðilagt). Þessi mynd er virkilega spennandi mynd frá byrjun til enda. Svo er hún einnig virkilega drungaleg. Svo er einnig handrit Leigh Whannel og Darren Lynns mjög vel skrifað og vel útpælt. Sagan í myndinni er virkilega góð. Hvernig handritshöfundurinn nær að tengja þessa sögu við sögu fyrstu myndarinnar er algjör snilld. Svo er það plottið. Ótrúlegt en satt, þá ná þeir að toppa plottið sem þeir komu með í fyrstu myndinni, sem að ég átti aldrei von á. Ef þið eruð mikið fyrir hrollvekjur og myndir sem koma á óvart, mæli ég eindregið með að þið sjáið Saw 2. Fær 3 og hálfa stjörnu í mína bók. Toppmynd.

Þessi mynd er langt frá því að vera einhvað á við nr.1 hún er ekki eins spennandi og hin var hún er langdreigin það er náhvæmlega ekkert að gerast í langan tíma ég náði eingann veginn að lifa mig inn í hana eins og þeirri fyrri sem má geta var rosaleg ég varð rosalega vonsvikinn með þessa átti von á miklu meiru mínu mati bara ágæt ekkert meira

Ég vil byrja á því að segja að ég hafði ekki séð Saw 1 áður en ég sá þessa og ég mæli eindregið með því að enginn leiki það eftir undirrituðum, eftir að þessi mynd er einn stór spoiler á þá mynd(enda ekki við öðru að búast...saw 2). Ég get ekki sagt annað en að Saw 2 á eftir að sitja í mér um langan tíma því ef þetta er ekki með þeim mögnuðustu thriller-myndum sem ég hef séð þá veit ég ekki hvað. Þessi mynd hressir ágætlega í manni frá þessum týpísku hollywood splatter myndum sem hafa komið frá þeirri ágætu stofnun undanfarið. Það sem fór mest í mig varðandi þessa mynd þá virtust aðalleikarar fórnarlambanna ekki láta það mikið á sig fá andlega miðað við ástandið, þó svo að flestir aðrir í kringum þá virtust brotna um leið. Er þetta nasaþefur af þessu typical Hollywood munstri sem fer alltaf í taugarnar á mér. Einnig virtust flestir þeirra ekkert mjög undrandi á þessu öllu saman, heldur aðeins oh damn hvað geurm við nú en það er allt annar handleggur. Í alla staði fín mynd en það vantaði upp á ferskleika leikaranna. mínus fyrir það

Þegar ég heyrði að það væri að koma framhald á Saw varð ég frekar vonsvikinn. Flestar framhaldsmyndir eftir góðum myndum enda yfirleitt illa. En nei, James Wan kemur góður inn með Saw 2 og nær hún vel sýnu andrúmslofti eins og í fyrri myndinni þótt hún sé ekki alveg jafn góð. Spennan næst bara ekki upp í henni en samt passa atvikin alveg inní Jigsaw morðingjann. Í þetta sinn nær lögreglan að finna Jigsaw en geta ekkert gert til að taka hann inn því Jigsaw er búinn að fanga 8 fólk inní óþekktu húsi, meðal þeirra er sonur lögreglumannsins sem er að rannska málið, og Amanda, sem sumir muna úr kjálkabrjótinum í númer 1. Í húsinu er eitrað taugagas í loftinu og einhverstaðar er að finna mótefni. Eins og hljómar er myndin með skemmtilega ógeðslegum morðum og ætti alls ekki að bregðast áhorfendum fyrri myndarinnar. Einnig er að minnast að endirinn er mjög minnilegur, alveg eins og í fyrri. Segji ekki meira um það.

Þegar ég frétti að Saw II væri í framleiðslu þá efaði ég samstundis um möguleika myndarinnar, ég einhvern vegin gat ekki hugsað mér framhald af Saw (sem ég fílaði töluvert) sem gæti orðið gott. Auðvitað þá gef ég myndinni tækifæri eins og ég gerði, það verður að segjast að Saw II er mjög gott dæmi um framhaldsflopp. Spennan í myndinni var engin, persónurnar alveg dauðar og mjög dæmigerðar, handritið ómerkilegt, MTv stíllinn sem var ofnotaður eyðilagði mörg atriði. Talandi um tilgangslausa notkun á MTv klippingu, Saw II ofgerði þetta og ekki eitt einasta atvik virkaði sem hluti af senu. Það komu fyrir sömu aðferðir í Saw en þá mun færri og mun betur útfærð, hér kemur það á um tveggja mínútna fresti eða oftar. Reynt er gera eitthvað nýtt með Saw II sem skilur hana frá fyrri myndinni, margar hugmyndir reynast góðar og hafa sína möguleika, en öll þessi augnablik sem skipta máli eru eyðilögð gegnum ráðandi MTv stílinn, eins og leikstjórinn væri annaðhvort ástfangin af þessum stíl eða vildi laða að sér meira af unglingum. Svo er mikið reynt að tengja sig við fyrri myndina, skapa sögufléttur og flækjur sem allar sökkva niður vaskinn, hvort sem það sé ótrúverðleikinn eða hreinlega lélega gert eða hvað sem er þá er lítið sem ekkert sem kveikir áhugann. Aðalvandinn er að það vantaði alla spennuna, mér var alveg sama um hvernig sögunni myndi ljúka, líkt og að lesa bók sem hefur ekkert upp á bjóða þá er Saw II alveg rosalega ómerkileg. Ég fékk enga grimmdarlega sælutilfinningu við að sjá annað fólk deyja á hryllilegan hátt né neina samúð með fórnalömbunum, ég gat alveg eins verið að horfa á Glæstar Vonir. Mér leiddist þó ekki við að horfa á myndina, hún hafði ágætis opnunarsenu, en því miður þá er Saw II alls ekkert merkilegt né þess virði að sjá, það er þó mitt álit.