The Terminal (2004)

Hanks leikur rússa sem festist á flugvelli í Bandaríkjunum og einfaldlega þarf að búa þar því honum er ekki hleypt inn í landið útaf ákveðnum ástæðum. Úrræðagóður rússinn býr sér til sína svefnaðstöðu, reddar sér pening fyrir mat á sniðugan hátt og reddar sér svo bara vinnu þegar það bregst.....úrræðagóður kall hér á ferð. Rómantík spilar svo inn í og skemmtilegir karakterar sem vinna á flugstöðinni koma við sögu. Erindi hans til bandaríkjanna er útaf sotlu sem hann lofaði föður sínum og auðvitað tekst honum á endanum að efna það.

Mér fannst myndin of löng og það hefði alveg mátt stytta hana um helming!! enda lítið gaman til lengdar að glápa á mynd um kall á flugstöð þó að eitt og eitt fyndið gerist öðru hvoru. Samt var gaman að fylgjast með hvernig hann bjargaði sér.......en samt of löng mynd um næstum því bara það.

Þessa mynd sá ég tvisvar úti í Bandaríkjunum í Júlí. Hún byrjar ekkert voða spennandi en þegar á heildina er litið er þetta frábær skemmtun. Tom Hanks er ótrúlega fyndinn sem útlendingur sem getur ekki talað neina ensku. Hann kemur frá óþekktu landi og þegar hann lendir á JFK þá þurfa starfsmenn flugvallarins að reyna að útskýra fyrir honum að það sé komið stríð í landinu hans og ríkistjórnin hafi verið leyst upp og allar samgöngur lokaðar. Hann getur því hvorki farið aftur heim né fengið landvistarleyfi í Bandaríkjunum. Því er það eina sem hægt er að gera er að leyfa honum að vera í International Terminalinu. Út frá því kynnist hann mörgum skemmtilegum karakterum svo sem skúringarkallinum og flugfreyju (Catherine Zeta-Jones).

Þessi mynd er frábær skemmtun og ég mæli með henni. Hún er mjög sæt og fyndin. Ekta feel-good movie :)

Var að horfa á hana um daginn og mér fannst hún mjög skemmtileg , ég vil sem minnst segja um hana til að eyðilegja hana ekki , þessi mynd er svona feel good movie sæt og súr svona eins og maður sá forest gump í fyrsta sinn. margir hugsa að þessi geti ekki verið góð því hún snýst um hann á flugvelli. gætu ekki haft meira rangt fyrir sér. góða skemmtun

Erlendur ríkisborgari nokkur neyðist til að vera kyrr á flugvelli í New York eftir að vegabréfinu hans verður hafnað og honum er ekki hleypt inn í Bandaríkin af sökum þess. The Terminal gerist að öllu leyti á þessum eina flugvelli, og maður verður fyrst að spyrja sjálfan sig: Getur slíkt nokkuð á einhvern hátt mótað áhugaverða mynd?? Mitt svar er já, en þá naumlega. Ímyndið ykkur aðeins raunsærri útgáfu af Cast Away, og Tom Hanks heldur þessu vissulega öllu þétt saman með ljómandi góðri frammistöðu. Steven Spielberg er aftur kominn í rólega gírinn (ekki skrítið, eftir að hafa gert A.I. og Minority Report báðar í röð fyrir nokkrum árum) og fókusar hér á sögu sem felur í sér mikla - en þó lágstemmda - rómantík. The Terminal er líka umfram allt rómantískt drama, en hún er þrátt fyrir það nokkuð fyndin á köflum, og það einmitt heldur henni svo vel á floti. Spielberg veit greinilega alltaf hvenær best er að tímasetja húmorinn inn á milli dramatískra sena því brandararnir hitta alltaf í mark á rétta tímapunktinum. Það eru svo margir góðir þættir hérna að mér finnst hálfleiðinlegt að gefa myndinni ekki hærri einkunn. Það sem hefði getað orðið að stórkostleglegri mynd endar einungis með því að ná rétt yfir meðallag. Helsta ástæða er að hún þjáist alveg geysilega af slöppum endi. Án þess að fara of mikið út í hann fannst mér hann bara ekki nógu ásættanlegur, og mér persónulega fannst eins og ég hafi verið svikinn eftir að hafa setið í heila tvo tíma og fylgst með sögu sem nær ekki einu sinni að framkalla almennilega lokun á vissum sub-plottum. Ferlega slæmt. Aukapersónur myndarinnar virka einnig svo flatar, helst ber að nefna Stanley Tucci, sem er góður leikari, en persónusköpun hans er engin og eftir stendur leiðinda stereótýpa. Auk þess fannst mér auglýsingarherferðirnar oft á tíðum bara hlægilegar. Allar búðirnar og vörurnar (Burger King, Hugo Boss o.s.frv.) á flugvellinum eru einstaka sinnum auglýstar svo áberandi að það virkar hallærislega. En ef við leggjum allt þetta neikvæða til hliðar er þetta ágætis mynd. En sem hefðbundin Spielberg-mynd er þetta ekki mjög ferskt fyrir hans feril, og hún mun hverfa ógurlega í skugga hans fyrri stórmynda á næstkomandi árum býst ég við.Hún fær þó plús fyrir að innihalda einhverja flottustu sviðsmynd sem ég hef nokkurn tímann séð í bíómynd, en að flugstöðin sjálf skuli vera gervi er með ólíkindum.6/10