Spy Kids 3-D: Game Over 2003
Frumsýnd: 3. október 2003
The Game is over
Juni Cortez er núna hættur að vera njósnari og reynir að lifa venjulegu lífi. En hann hendist aftur inn í heim njósnanna, þegar systur hans Carmen Cortez er rænt af hinum illa "leikjasmið" Toymaker. Carmen er föst inni í tölvuleik Toymaker, og eina leiðin til að ná henni er að fara sjálfur inn í leikinn. Í framhaldinu lenda þau systkinin í ótrúlegustu ævintýrum... Lesa meira
Juni Cortez er núna hættur að vera njósnari og reynir að lifa venjulegu lífi. En hann hendist aftur inn í heim njósnanna, þegar systur hans Carmen Cortez er rænt af hinum illa "leikjasmið" Toymaker. Carmen er föst inni í tölvuleik Toymaker, og eina leiðin til að ná henni er að fara sjálfur inn í leikinn. Í framhaldinu lenda þau systkinin í ótrúlegustu ævintýrum þar sem hætturnar leynast við hvert einasta horn.... minna
Aðalleikarar
Leikstjórn
Handrit
Eftir að koma með 2 mjög góðar Spy Kids myndir, kemur hann með 3 myndina í seríunni. Hún er mikil vonbrigði fyrir minn smekk. Fannst hún virkilega leiðinleg og óathyglisverð mynd. Sem mikill fan af Robert Rodriguez, fannst mér soldið leiðinlegt að hann skuli koma með svona lélegt framhald. En allir gera lélega mynd einhvern tímann. Sylvester Stallone er virkilega leiðinlegur í sínum hlutverkum, þó það sé hægt að hlæja að því hversu asnalegur hann er í hverju hlutverki. Og fannst mér ferskleikinn sem að einkennir myndir Roberts ekki vera til staðar í þessari mynd. Alveg pottþétt versta mynd sem Robert kallinn hefur gert hingað til.
Ég fór með vini mínum á þessa mynd og hún var ekki nærri því jafn góð og fyrsta myndin. Sylvester Stallone (The Toymaker) leikur vonda kallin en hann er kannski ekki sérlega vanur því að leika í barna og fjölskyldumyndum. Húmorinn er lélegur og gleraugun er ótrúlega óþægileg. Horfið frekar á hinar tvær myndirnar en þessa.
Ég fór á þessa mynd með bróður mínum og okkur fannst hún mjög góð mynd. Mér finnst skrítið hvað allir gefa myndinni lélega dóma. Þessi mynd fjallar um strák sem vinnur á leynilögreglustöð en var einu sinni hjá SPYkids. Það er vondur karl sem selur leik sem alla krakka langar í. En það er ekki hægt að vinna fimmta borð. Gaurarnir sem komast í fimmta borð verða að þrælum. Þá þarf strákurinn að bjarga systur sinni og öllum krökkunum sem eiga leikinn. Og miklu meira en þetta er spennandi.
Eggert Thorarensen.
Hvað skal segja? Fyrsta Spy Kids myndin kom mér ótrúlega á óvart. Ég hef ekki séð aðra myndina en ákvað strax að skella mér á þessa með fjölskyldunni því að ekkert okkar hafði séð bíómynd í þrívídd.
Myndin sem slík er ekkert til að hrópa húrra yfir. Strákurinn gerði lítið annað en að fara í taugarnar á mér með ofleik fyrri part myndarinnar en svo virtist myndin ná mér niður á sitt plan og ég fór að njóta einfaldleikans og tæknibrellanna.
Þrívíddartæknin var sniðug en spurning hvað áherslan á hana hefur dregið mikið úr gæðum handrits og leikstjórnar.
Ég hafði mjög gaman af því að sjá hve myndin náði að veita góða innsýn í tölvuleiki og Sylvester gamli Stallone var magnaður í hlutverki vonda, vonda leikjameistarans. Ricardo Montalban var flottur í hlutverki afans sem naut tölvuleiksins til fullnustu. Einnig átti Elijah Wood frábært (stutt) innlegg í myndina.
Myndin fær tvær stjörnur hjá mér, er mun lakari en sú fyrsta en má vel hafa gaman af henni ef hún er ekki tekin of hátíðlega.
Mér fannst nú ekkert mikið varið í þessa, þrívíddin var skemmtileg en gleraugun eru óþægileg fyrir þann sem er með gleraugu fyrir, eins og mig. Stallone var líka góður, en hefði mátt vera betri. Æji, ég veit ekkert hvað á að segja meira. Fínasta skemmtun fyrir þá sem líkaði 1 og 2, en aðrir skulu skoða þrívíddina, sem er bara bónus fyrir þá sem hafa gaman af henni.
Um myndina
Leikstjórn
Handrit
Framleiðandi
Dimension Films
Aldur USA:
PG
Frumsýnd á Íslandi:
3. október 2003
Útgefin:
8. september 2016
VOD:
8. september 2016