Fólk úr ýmsum áttum: bílstjóri eðalvagns sem ekur sjónvarpsstjörnu sem má muna sinn fífil fegurri, foreldrar ungs dreng sem eiga í hjónabandserfiðleikum, lögga að flytja...
Fólk úr ýmsum áttum: bílstjóri eðalvagns sem ekur sjónvarpsstjörnu sem má muna sinn fífil fegurri, foreldrar ungs dreng sem eiga í hjónabandserfiðleikum, lögga að flytja hættulegan fanga, falleg símastúlka, nýgift hjón, og stressaður hótelstjóri, verða strandaglópar þegar óveður skellur á, og þau eru föst saman á móteli í Nevada. Þau komast fljótt að því að þau eru mögulega þarna saman af annarri ástæðu, þegar fólkið fer að týna tölunni, eitt af öðru. Eftir því sem andrúmsloftið þyngist og fólk fer að benda hvert á annað, þá þurfa þau að komast að því afhverju þau eru þarna samankomin. Á sama tíma á öðrum stað, er geðlæknir að reyna að sanna sakleysi manns sem sakaður er um morð. En hvernig tengjast þessi mál?
Þegar ég horfði á Identity vissi ég ekkert hvaða dóma hún hafði fengið þannig að ég glápti með opnum hug. Þetta reyndist vera ágætis skemmtun. Reyndar byrjar hún vægast sagt mjög …
Þegar ég horfði á Identity vissi ég ekkert hvaða dóma hún hafði fengið þannig að ég glápti með opnum hug. Þetta reyndist vera ágætis skemmtun. Reyndar byrjar hún vægast sagt mjög illa og fyrsta korterið eða svo hélt ég að þetta væri alveg ömurleg mynd en svo komst hún almennilegt flug og spennan virðist öllu ætla að drekkja. Leikararnir ná vel saman og halda myndinni á floti en Ray Liotta og Jake Busey eru að mínu mati bestir þó að enginn standi sig í rauninni illa, jafnvel John Cusack er ekki svo vonlaus eins og hann fer yfirleitt í mínar fínustu. Endaplottið er alveg magnað og ef það er ekki ófyrirsjáanlegt þá má ég hundur heita. Þrátt fyrir allt glittir því miður aðeins of oft í klisjur og ber þá helst að nefna grunnhugmyndin í heild, ég meina hópur fólks á móteli þar sem dularfullur morðingi gengur laus og enginn veit hver er, höfum við ekki séð margoft eitthvað svona lagað áður? Mér skilst að myndin sé frá 2003, nokkrum árum eldri en það og þá hefði það sloppið. En eins og ég segi þá er endaplottið rosalegt, spennan talsverð og leikararnir góðir og það bætir á vissan hátt upp fyrir allan ófrumleika fram að því. Semsagt, snilldin er engin en Identity er samt fín afþreying sem á skilið tvær og hálfa stjörnu.
Mjög góður spennutryllir hér á ferðinni sem heldur manni límdum við skjáinn í c.a. 95 mín. Hún kom mér nokkuð á óvart en hún er um fólk sem festist á vegahóteli. Allar leiðir er…
Mjög góður spennutryllir hér á ferðinni sem heldur manni límdum við skjáinn í c.a. 95 mín. Hún kom mér nokkuð á óvart en hún er um fólk sem festist á vegahóteli. Allar leiðir eru ófærar vegna mikillar rigningu og ekkert símasamband næst. Um nóttina fer fólk að týna töluni og enginn veit af hverju. James Mangold er að gera góða hluti og allir leikararnir eru að standa sig mjög vel, sérstaklega John Cusack sem svíkur aldrei. Það sem kom mér mest á óvart í myndinni var endirinn, svolítið frumlegur og sýnir að myndin er mjög vel skrifuð. Ef þú ert mikið fyrir hryllingsmyndir/spennutrylli, þá er þetta mynd fyrir þig.
Identity er mjög góður spennutryllir eða hryllingsmynd, það er erfitt að segja. John Cusack og hinir leikararnir gera þetta mjög vel. Identity er samt frekar ofbeldisfull, hún er vel leikstýrð og fyrst og fremst vel skrifuð. Það er frekar létt að leysa ráðgátuna í myndinni en ég segi hana ekki. Þið ættuð að leigja þessa mynd. Hún er mjög góð.
Ég á erfitt með að muna hvenær ég sá seinast svona hörkutraustan og ótrúlega nettan spennuþriller. Identity er samt ekki bara þriller, heldur einnig spnnuhrollvekja sem krydduð hefur veri…
Ég á erfitt með að muna hvenær ég sá seinast svona hörkutraustan og ótrúlega nettan spennuþriller. Identity er samt ekki bara þriller, heldur einnig spnnuhrollvekja sem krydduð hefur verið með stórgóðri morðgátu, og þetta minnir oft á eitthvað frá meistaranum Alfred Hitchcock, en myndin er samt augljóslega engin eftirherma og stendur á eigin fótum mjög vel. Myndin er afar spennandi, óhugnanleg á köflum og inniheldur einhverja traustustu ráðgátu/fléttu sem ég hef séð í undanfarinni kvikmynd. Hún er líka prýðisvel leikin, og fær jafnframt stóran plús fyrir glæsilegan leikhóp. John Cusack, John C. McGinley og Ray Liotta fara samt þar fremstir meðal jafningja sinna, og leikstjórinn James Mangold tekst einkum stórglæsilega að halda drunganum allan tímann með rafmögnuðu andrúmslofti. Identity heldur áhorfandanum föstum við efnið frá upphafi til enda og missir aldrei spennuna né verður nokkurn tímann róleg eða teygð. Auk þess er það nokkur sterkur kostur að hún skuli ekki fara yfir 90 mínútna markið. Söguþráðurinn helst gífurlega vel á floti, og kemur með alls kyns fléttur inn á milli. Endirinn fannst mér meira að segja magnaður, hann virkar kannski svolítið hallærislega en hann er þó a.m.k. með þeim frumlegri og ófyrirsjáanlegri, og í heild sinni er Identity bara topp mynd, án efa ein besta í sínum geira sem hefur komið á hvíta tjaldið í langan tíma, og því mæli ég umsvifalaust með henni fyrir alla sem hafa gaman af vel heppnuðum ráðgátum.8/10
Mjög góð mynd. Tíu manns lenda saman á móteli í óveðri í eyðimörk. Fer fólkið að deyja eitt og eitt. Myndin inniheldur atriði sem eru ekki það sem maður bjóst við. Hún breyti…
Mjög góð mynd. Tíu manns lenda saman á móteli í óveðri í eyðimörk. Fer fólkið að deyja eitt og eitt. Myndin inniheldur atriði sem eru ekki það sem maður bjóst við. Hún breytist hratt og reynir að láta áhorfandann stara í örvæntingu, þó það virkaði ekki alveg er Identity sérstök.
Já ég sá identity sýnishornið fyrir þó nokkru og varð umsvifalaust spenntur fyrir þessari mynd enda hef ég mjög gaman að John Cusack og fíla hann alveg þokkalega vel, en já ég fór á …
Já ég sá identity sýnishornið fyrir þó nokkru og varð umsvifalaust spenntur fyrir þessari mynd enda hef ég mjög gaman að John Cusack og fíla hann alveg þokkalega vel, en já ég fór á þessa mynd með væntingar og svei mér þá, hún bara stóðst þær væntingar og gott betur... myndin var bara hágæðamynd og fara þeir John Cusack og Ray Liota með leiksigur í þessari mynd að mínu mati...en ok plottið var mjög flott í myndinni og sumir eru eitthvað óhressir með endirinn en mér aftur á móti fannst hann mjög frumlegur og flottur, flott að nota eitthvað svona sem að maður hefur ekki séð áður.... myndin er með brilljant leikurum, góðri spennu og þokkalega flottu plotti, mæli eindregið með henni
Ég er búin að sjá myndina tvisar og ég verð bara að segja að þetta er besta myndin sem ég hef séð á þessu ári.
þessi mynd fjallar um ellefu fólk ef ég tell hótelsjóran með sem …
Ég er búin að sjá myndina tvisar og ég verð bara að segja að þetta er besta myndin sem ég hef séð á þessu ári.
þessi mynd fjallar um ellefu fólk ef ég tell hótelsjóran með sem lénta á hóteli saman eitt kvöld og allt í einu verður fólkið drepið eitt af einu og nú er spurningin um hver morðingin er??en ég verð bara að segja að John er í sínu besta hér,pett er allveg frábær og hún duvall er bara allveg stórkosleg.fjórar stjörnur eru þið ekki sátt???
Spennutryllir sem kemur verulega á óvart. Bæði traustur og grípandi þriller í senn. Edward (John Cusack) verður fyrir því óhappi að keyra á óvarinn vegfaranda á fáförnum vegi og vegna…
Spennutryllir sem kemur verulega á óvart. Bæði traustur og grípandi þriller í senn. Edward (John Cusack) verður fyrir því óhappi að keyra á óvarinn vegfaranda á fáförnum vegi og vegna slæmrar færðar komast þau ekki á sjúkrahús. Eitt óhappið rekur annað, sem leiðir til þess að ferðalöngunum er nauðugur sá kostur að gista á ódýru vegahóteli, þar sem þau hitta aðra seinheppna ferðalanga, sem sitja þar fastir af ýmsum ástæðum. Í kjölfarið fer fjöldamorðingi á kreik og algerlega ómögulegt virðist vera að hafa hendur í hári hans. Hafin er gríðarlega spennandi atburðarás sem brátt snýst um líf eða dauða. Enginn er óhultur. Kvikmynd sem fangar athygli áhorfandans allt frá fyrstu mínútu og heldur henni óskiptri allt þar til yfir lýkur. Segja má að fyrri hlutinn einkennist af svörtum húmor, eftir það tekur spennan yfirhöndina. Endalokin eru algjörlega ófyrirsjáanleg, og erfitt um að spá hver fléttan er fyrr en í blálokin. Margar persónur og ólíkar eru í myndinni. Með stærstu hlutverkin fara John Cusack (Being John Malkovich), Ray Liotta (Goodfellas) og Amanda Peet (The Whole Nine Yards). Þau standa sig öll mjög vel og er leikur þeirra og hinn óvænti endir það minnisstæðasta við myndina. Leikstjórinn James Mangold (Copland) heldur vel utan um myndina og afraksturinn er einkar vel heppnaður. Ég hvet alla til að skella sér í bíó og horfa á Identity. Það verður enginn svikinn af þessum magnaða þriller.
Þetta er mynd sem maður er alltaf að skipta um skoðun hver morðinginn er, kannski er ég svona vitlaus en ég áttaði mig ekki á því fyrr en endann.
Ef þú ert að leita að mynd með lei…
Þetta er mynd sem maður er alltaf að skipta um skoðun hver morðinginn er, kannski er ég svona vitlaus en ég áttaði mig ekki á því fyrr en endann.
Ef þú ert að leita að mynd með leikurum sem valda manni ekki vonbrigðum og söguþráður sem er flókinn en góður ekki hika við það að sjá þessa því hún er mjög spennandi og með mjög snúinn söguþráð.
Identity er mjög góð hrollvekja, maður er á taugunum allan tímann og spenntur að vita hvað gerist næst.... þeir sem hafa gaman af hrollvekjum sem mikið þarf að pæla í.... skulu endilega…
Identity er mjög góð hrollvekja, maður er á taugunum allan tímann og spenntur að vita hvað gerist næst.... þeir sem hafa gaman af hrollvekjum sem mikið þarf að pæla í.... skulu endilega sjá Identity!! hún fjallar um 10 ókunnuga sem festast á módeli í nevada í stormi.... svo fara þau öll að deyja á mjög dulafullan hátt, og svo fara líkin að hverfa...... til að toppa allt komast þau að því að þau eiga öll eithvað sameiginlegt....... ég er búin að sjá þessa mynd og það tók mig sirka hálfa myndina að fatta hver morðinginn var....... svo eins og ég segi..... maður getur pælt hana þessa út og suður...... mæli eindregið með henni.......
Þegar ég fór á Identity þá vissi ég ekkert um hvað hún var... xB flokkurinn var eitthvað að bjóða á hana þannig ég bara skellti mér.. og ég sé ALLS EKKI EFTIR ÞVÍ!
Þú skalt …
Þegar ég fór á Identity þá vissi ég ekkert um hvað hún var... xB flokkurinn var eitthvað að bjóða á hana þannig ég bara skellti mér.. og ég sé ALLS EKKI EFTIR ÞVÍ!
Þú skalt fara á þessa mynd ef að þú vilt láta koma þér á óvart!
Maður var alla myndina að reyna að átta sig á hvernig gæti staðið á öllum þessum dularfullu atburðum.
Ef að þú ert viðkvæm manneskja þá skaltu ekki fara á þessa mynd. En allir aðrir ættu að fara, það er miklu skemmtilegra að sjá hana í bíó á stóru tjaldi en í litlu sjónvarpstæki heima.
Identity er mynd sem kemur nokkuð á óvart. Í byrjun virðist hún vera vel gerður spennutryllir með ráðgátuívafi, en svo að gömul tugga sé notuð þá er ''ekki allt sem sýnist'' og hún…
Identity er mynd sem kemur nokkuð á óvart. Í byrjun virðist hún vera vel gerður spennutryllir með ráðgátuívafi, en svo að gömul tugga sé notuð þá er ''ekki allt sem sýnist'' og hún endar með að koma nokkuð á óvart. Ég var reyndar búinn að fá góða hugmynd um hvert stefndi rétt fyrir hlé, en útfærslan á hugmyndinni er svo góð að það spillti ekki fyrir. Leikararnir standa sig allir frábærlega með John Cusack og Ray Liotta í farabroddi, en leikstjórn James Mangold er sennilega eitt það besta við myndina. Það er gaman að sjá kvikmynd sem er eins frumleg, spennandi og á köflum hrollvekjandi og Identity. Miðað við hversu vandmeðfarin hugmynd það er sem handritið byggir á heppnast þetta allt ótrúlega vel og öll atburðarásin þolir nánari skoðun eftirá án þess að detta í sundur, sem er orðið ansi sjaldgæft þegar um myndir af þessari gerð er að ræða. Það besta sem ég get sagt um þessa er sennilega að ég hef sjaldan séð myndir sem eru jafn spennandi og hrollvekjandi en láta mann á sama tíma virkilega hugsa út í atburðarásina.
Identity er ein af þessum myndum sem fer ekki mikið fyrir en hún kemur skemmtilega á óvart með góðri fléttu, mikilli spennu og frábærum leikurum. Myndin gerist á einni óveðursnótt í mi…
Identity er ein af þessum myndum sem fer ekki mikið fyrir en hún kemur skemmtilega á óvart með góðri fléttu, mikilli spennu og frábærum leikurum. Myndin gerist á einni óveðursnótt í miðri Nevada eyðimörkinni. Forlögin haga því þannig að 10 einstaklingar lenda saman á vegamóteli. Þessi einstaklingar eru mjög ólíkir en eiga það þó sameiginlegt að tengjast á einn eða annan hátt. Óveðrið hefur gert það að verkum að það er símasambandslaust og vegir eru farnir í sundur. Þegar líður á nóttinni fara þessi 10 gestir að tína tölunni einn af öðrum með mjög svo dularfullum hætti. Leikstjórinn James Mangold heldur vel utan um söguna og skilar henni feykivel til áhorfandans. Spennan er mikil og heldur áhorfandanum við efnið. Söguþráðurinn er óhefðbunbdin, allavega á Hollywood mælikvarða. John Cusack og Ray Liotta fara fyrir hópi úrvalsleikara sem gera þessa mynd að fyrirtaksskemmtun.
Ég hafði unnið einn miða á þessa mynd og ákvað að skella mér á hana. Hún fjallar um tíu manns sem fyrir tilviljun lenda á sama hótelinu einhversstaðar í Nevada. Svo fer það að gera…
Ég hafði unnið einn miða á þessa mynd og ákvað að skella mér á hana. Hún fjallar um tíu manns sem fyrir tilviljun lenda á sama hótelinu einhversstaðar í Nevada. Svo fer það að gerast að allir á hótelinu fara að deyja. Þá kemur stóra spurningin: Hver er saklaus og hver ekki? Þessi mynd er örugglega ein af frumlegustu myndum ársins. Það sem gerir þessa mynd svo skemmtilega er gott handrit, traustur leikur hjá leikurunum og spennan í myndinni. John Cusack stendur alltaf fyrir sínu, Ray Liotta kemur mér skemmtilega á óvart ég hef aldrei séð hann jafn góðan eins og hann er í þessari mynd. Ef þið viljið sjá virkilega góða og frumlega mynd, kíkjið þá á þessa.
Þessi mynd var auglýst sem hrollvekja hins hugsandi manns. Ég ætla nú ekki að dæma um sannleika þeirrar staðhæfingar, en ég get hins vegar sagt að Identity er vel traustur þriller sem ste…
Þessi mynd var auglýst sem hrollvekja hins hugsandi manns. Ég ætla nú ekki að dæma um sannleika þeirrar staðhæfingar, en ég get hins vegar sagt að Identity er vel traustur þriller sem stendur undir nafni. Það er jafnvel enn merkilegra að ég gat ekki giskað á hver morðinginn var fyrr en u.þ.b. 20 mínútur voru eftir af myndinni, og þá þykir mér ráðgátan snjöll. Söguþráðurinn er fenginn að láni úr Agöthu Christie-sögunni Ten Little Indians. Hér gerist það að 10 manns sem þekkjast ekkert lenda öll á afskekktu móteli í Nevada um miðja nótt í drungalegum stormi. Af sjálfsögðu byrjar fólk að týna tölunni og leitin hefst að morðingjanum. Identity græðir mikið á góðum leikarahóp. John Cusack er þar fremstur í flokki og fær góða aðstoð frá Ray Liotta, Amöndu Peet, hinum frábæra John C. McGinley og fleirum. Handritið er líka traust og sér áhorfendum fyrir hryllingi og spennu yfir því hvað gerist næst. Leikstjórinn James Mangold (Copland) heldur vel utan um leikhópinn og sér til þess að flétturnar gangi ekki of langt. Identity er með betri þrillerum sem ég hef séð lengi vel, og lokaatriðið er með þeim óhuggulegri sem maður getur ímyndað sér.
