Catch Me If You Can (2002)

Sannsöguleg mynd um strák sem Leonardo DiCaprio leikur. Hann á heima hjá fátækum foreldrum sínum. Svo skilja þau og hann býr þá hjá mömmu sinni enn hún á erfitt og veit eiginlega ekkert hvað hún á að gera við lífið. Svo byrjar Leonardo DiCaprio á því að uppgvöta hæfileika sína á því að þykjast vera fráfallakennari í bekk sem hann sjálfur á að vera nemandi í svo byrjar hann að falsa ávísanir og þá gengur allt í hag hjá honum hann nær alltaf að koma sér í eihverjar góðar vinnur t.d. verður hann flugmaður og læknir og sem læknir kynnist hann stelpu sem hann verður mjög hrifinn af og langar til að gyftast. Enn svo kemst upp um hann og þá byrjar eltingaleikurinn milli hans og Tom Hanks. Og á endanum nær Tommi honum og tekur hann með sér í flugvél til USA á leiðinni seigjir Tommi honum sorgar fréttir og þá verðurLeonardo mjög pirraður og nær að sleppa á ótrúlegan hátt úr flug vélinni og þá fær hann upplýsingar um það hvar mamma hans á heima og fer til hennar enn sér þá að hún ser kominn með nýjan mann og búin að eiga barn með þeim manni og þá kemur löggan og tekur hann og stingur honum í steininn enn þá sjá þeir að hann er orðinn svo hæfur í því að þekkja falsaðar ávísanir að FBI ræður hann í vinnu í stað þess að vera í steininum í 15 ár minnir mig. Þetta er ótrúleg mind og ennþá ótrúlegra að hún skuli vera sannsöguleg. Leonardo DiCaprio á mjög góðan leik í þessari mynd og Tom Hanks líka.

Catch me if you can er ein af bestu myndum sem ég hef séð, þegar maður sér að Steven Spielberg leikstýrir henni og aðalhlutverkin eru Tom Hanks(Forrest Gump), Leonardo DiCaprio(Titanic) og Christopher Walken(Nick of Time) þá veit maður að hér er mjög góð mynd á ferðum. Í myndinni segir frá eitt af mestu svikahrappi sögunar, hann hét Frank William Abagnale Jr, ótrúlegt en satt en þessi mynd var byggð á sannsögulegum atburðum. Frank William Abagnale Jr(Leonardo DiCaprio) ólst upp hjá foreldrum sínum, en svo verður skortur á peningum og foreldrar hans Franks skilja. VARÚÐ þeir sem hafa ekki séð þess mynd og ætla að sjá hana HÆTTIÐI AÐ LESA NÚNA. Hann Frank strýkur að heiman og byrjar að falsa ávísanir, hann verður á endanum mjög góður að falsa ávísanir og notar þær til þess að kaupa ýmsa hluti. Hann gerist aðstoðarflugmaður hjá Pan American Airways, og skindilega er hann orðin ríkur. Hann sendir oft bréf til föður síns um hvað hann starfar og þannig. Á meðan hann Frank græðir meira og meira þá er Carl Hanratty(Tom Hanks) og starfsfélagar hans að reyna að finna hann. Hann Frank gerist læknir og hittir hjúkrunarkonu, á endanum verða þau ástfangin. Hann Franks spyr hana hvort hún vilji giftast honum, hún segir já en hún sagði að Frank þyrfti að spurja pabba hennar um leifi. Áður en þau fara heim til hennar til þess að Frank gæti spurt pabba hennar hvort hann mætti giftast henni þá gerist Frank lögfræðingur. Þau fara til pabba hennar(sem er leikinn af Martin Sheen) og hann Frank spyr hann hvort hann mætti giftast dóttir hans, pabbi hennar segir já og í veislunni eftir brúðkaupið flýr hann Frank útaf því að Carl Hanratty vissi af veisluni og hann var kominn. Hann Frank fer til Miami og reynir að komast til Frakklands í flugvél, það tekst á endanum og hann flýgur til Montichard. Montichard er þorp í Frakklandi þar sem foreldrar hans hittust fyrst. Carl kemst af því að hann Frank er í Montichard og fer þangað og handtekur hann. Ég gef þessari mynd fjórar stjörnur.

Catch Me If You Can er svört komedía frá Spielberg og er bara hin fínasta skemmtun. Myndin fjallar um Frank Abnagale Jr. (sem er leikinn af Leonardo DiCaprio en hann var til í alvöru) sem var örugglega besti falsari í sögu Bandaríkjanna. Hann falsaði kort svo hann gat verið flugmaður,læknir og fleira og þá er lögga (Tom Hanks) send til að handtaka hann. Tom Hanks leikur eiginlega aukahlutverk þar sem hann birtist ekki oft í myndinni en það mætti hafa hann aðeins meira. Catch Me If You Can er bráðskemmtileg mynd sem ég skora alla kvikmyndaunnenda á að sjá en hún jafnast ekkert á við gömlu myndir Spielbergs.

Tom Hanks leikur eiginlega aukahlutverk í þessari mynd og Leonardo DiCaprio leikur aðalhlutverkið. Myndin fjallar um mann sem getur falsað allt. Hann falsaði flugskírteini og er þá flugmaður. Tom Hanks leikur löggu sem uppgvötar þessa glæpastarfsemi og reynir að ná honum og henda honum í fangelsi. Ég held að þetta sé sönn saga en hún er svolítið ýkt.

Catch me if you can er ein besta mynd sem ég hef séð og sérstaklega með honum Leonardo Decaprio og margir aðrir góðir leikarar koma fram eins Tom Hanks sem er einn sá uppáhalds leikarinn minn. Þessi mynd byggð á sannsöulegum atburðum um hann Frank Abangale Jr. stæðsta ávísunar falsara heimsögunnar og hann gerði margt fleira eins og hann gerðist meistari mörgum fögum á undr skóla árs og þar á meðal ferðaðist margt frítt vegna flugmanns skírteini síns og allt þetta gerði hann á úllings árunum. Mjög áhugasöm mynd fyrir aldurhópa 10-99 ára og einn besti leikstjóri allra tíma Steven Spielberg þetta er pottþétt eitt hans meistarverkum.

Alvöru athafnaskáld

Merkilegt hvað við föllum auðveldlega fyrir alls kyns svikahröppum, hvort sem er í bíóinu eða raunveruleikanum. Við föllum í það minnsta kylliflöt fyrir 16 ára guttanum sem strýkur að heiman og tekur að framfleyta sér á kostnað flugfélaga áður en hann tekur upp á því að leika lækni og lögmann. Sem sagt; alvöru athafnaskáld.

Catch me if you can er auðvitað léttmeti en afar skemmtilegt léttmeti. Tom Hanks er skemmtilegri en hann hefur verið í fjölda mörg ár í alvarlegri myndum, sýndi auðvitað að hann gæti þetta enn í sumum senunum í Cast Away. Leonardo diCaprio, sem er búinn að vera óþolandi í mörg ár, smellpassar svo í hlutverk glaumgosans og svikahrappsins sem skemmtilega leiðinlega löggan gerir sitt besta til að koma bak við lás og slá. Ég held þó samt að Martin Sheen sé skemmtilegastur í sínu hlutverki.

Sætar stelpur, skemmtilegir karlar, grín og annað það sem þarf til að rífa okkur upp úr leiðindunum.

Yndisleg mynd. Ég hélt að Leonardo DiCaprio væri búinn að missa það enda hefur hann ekki sést mikið að undanförnu en nú hef ég miklu meira álit á honum sem leikara. Hann hefur ennþá þá hæfileika sem sáust í Gilbert Grape og Romeo+Juliet. Mér finnst líka alltaf plús fyrir myndir ef Christofer Walken leikur í þeim, þar sem hann er alger snillingur, og þessi mynd er engin undantekning. Myndin er, að mér finnst, mjög vel gerð í alla staði og allir kvikmyndaunnendur ættu að sjá hana.

Góð, skemmtileg, allir standa sig vel, Leonardo kemur eiginlega á óvart með góðum leik. Skemmtilegt líka að hún skuli vera byggð á sönnum atburðum. Sjá í bíó en fín videómynd líka.

Það sem gerir þessa mynd merkilegri en hún á kannski rétt á því að vera viðurkennd er að hún er byggð á ótrúlegri en sannri sögu eins snjallasta svikahrapps fyrr og síðar, Frank Abagnale Jr.

Frank (Leonardo DiCaprio) ólst upp við gott og öruggt uppeldi móður sinnar (Nathalie Baye) og föður síns (Christopher Walken) sem, samkvæmt myndinni, hann var sérstaklega náinn. En allt fór niður á við þegar foreldrar hans skildu. Er það notað sem ástæðan í myndinni hvers vegna Frank tekur upp á því að blekkja alla í kringum sig. Frank strýkur að heiman og frá því að hann er 16 ára og þar til hann er 19 ára tekst honum, með eintómum blekkingum, að verða flugmaður, læknir og aðstoðarmaður saksóknara í Louisiana án þess að hafa nokkurn tímann farið í eitthvert nám fyrir eitthvað af þessum störfum. Hann giftir sig meira að segja, og kvonfangið er dóttir saksóknarans (Martin Sheen) sem alltaf grunar Frank um græsku. Allann tímann er alríkislögreglumaðurinn Carl Hanratty (Tom Hanks) á eftir honum og í gegnum þennan þriggja til fjögurra ára eltingaleik uppgötva þeir að þeir eiga fleira sameiginlegt heldur en þeir héldu.

Steven Spielberg hefur að undanförnu sent frá sér gríðarlega metnaðarfullar myndir eins og A.I. Artificial Intelligence og Minority Report. Ég get skilið vel að hann hafi ákveðið að slappa af og gera eina mynd sem ekki gerðist lengst inni í framtíðinni og væri að velta sér upp úr grunnheimspekilegum spurningum um tilveru mannsins. Og hann hefur svo sannarlega valið áhugaverða sögu að segja. Verst er að oft er ekki nógu vel unnið úr henni.

Það sem er vel gert er sambandið á milli Franks og Carls. Báðir eru þeir einfarar, annar lifir fyrir vinnuna sína, hinn er á stöðugum flótta og þá helst frá sjálfum sér. Eina heiðarlega sambandið sem Frank hefur er í rauninni við Carl og Frank er eini maðurinn sem Carl hefur eitthvert alvöru samband við. Það skapast því gagnkvæm væntumþykja á milli þessara tveggja manna, jafnvel þó að Frank viti að Carl muni aldrei hætta að elta hann fyrr en hann er búinn að ná honum og koma honum í fangelsi. Spielberg og handritshöfundurinn Jeff Nathanson koma þessu vel til skila. Annað sem er gott við myndina er frábær leikur Christopher Walken sem pabbi Franks. Frank eldri er í raun sorglegasta persóna myndarinnar. Misheppnaður svikahrappur sjálfur sem fyrrverandi kona hans, og mamma Franks, vill ekkert með hafa og er svo ákafur og þurfandi í hvert skipti, og þau eru fá, sem hann hittir son sinn að átakanlegt er á að horfa. Walken hefur ekki verið jafn góður í ég veit ekki hvað langan tíma og á svo sannarlega skilið Óskarstilnefninguna.

Það sem myndinni tekst hins vegar ekki er að láta okkur þykja vænt um aðalpersónurnar, Frank og Carl. Nathanson og Spielberg reyna að varpa ljósi á það hvers vegna Frank lýgur og svíkur alla sem hann hittir en tekst það ekki mjög vel, því miður. Þess vegna er manni í rauninni sama hvað verður um hann. Manni er einnig sama um Carl, því miður. Karakterinn er ekki nógu vel skrifaður svo Carl verður að hálfgerðum leiðindagaur, ólæknandi vinnualka, svo helteknum að konan hans og dóttir hans eru farnar frá honum. Leonardo DiCaprio gerir atriðunum þar sem hann smýgur í gegnum hverja hindrunina á fætur annarri með blekkingum vel skil og hlakkar oft í manni þegar Frank tekst að blekkja kerfið hvað eftir annað. DiCaprio er hinsvegar, og hefur alltaf verið, óttalega takmarkaður. Hann hefur ekki þá dramatísku vigt sem þarf í tilfinningalegri atriði myndarinnar og virkar þar ósannfærandi, eina ferðina enn. Og Tom Hanks er á hálfgerðri sjálfstýringu í þessari. Hann gerir það sem hann gerir ágætlega en maður hefur nú samt oft séð hann betri en þetta.

Þetta er hinsvegar alls ekki leiðinleg mynd og oft mjög gaman að fylgjast með snilldarblekkingaleikjum Franks. Fyrir það og frammistöðu Christopher Walkens er myndin vel þess virði að sjá.

Myndin byrjaði á skemmtilegan hátt, með smá teiknimyndaþætti þar sem tvær aðalpersónurnar eru í smá eltingaleik meðan ýmsar venjulegar upplýsingar um myndina bárust á skjáinn. Þetta virkaði auðvitað vel með frábærri tónlist John Williams á bak við og fannst mér myndin lofa góðu þí ekki væri meira búið af henni. Svo voru áhorfendur allt í einu komnir inn í sjónvarpsþátt þar sem þrír ungir menn sátu fyrir svörum. Allir áttu þeir að vera Frank Abagnale Jr. en aðeins einn þeirra var hann í raun og veru. Myndin rak svo nokkur ár í ævi Frank Abagnale Jr. og hvernig hann náði að svindla peninga á ótrúlegan hátt með því að þykjast vera fyrst flugmaður, svo læknir, svo lögfræðingur o.fl.


Myndin fjallar að mestu leyti um eltingaleik Carl Hanratty (Tom Hanks) og Frank Abagnale Jr. (Leonardo di Caprio). Carl Hanratty er FBI maður sem sérhæfir sig í að finna svikahrappa eins og Frank en það gengur ekkert alltof vel að finna hann. Frank byrjar að svindla eftir að foreldrar hans skilja. Þau skilja vegna þess að mamma hans þolir ekki við lengur með pabba hans eftir að hann varð gjaldþrota og þau neyddust til þess að flytja úr glæsihúsi í litla blokkaríbúð.


Leonardo di Caprio fer ekkert í taugarnar á mér í þessari mynd, en það gerir hann oftast. Hann stendur sig frábærlega ásamt Christopher Walken, í hlutverki Frank Abagnale Sr., og þeir eiga báðir skildar Óskarstilnefningar að mínu mati. Tom Hanks er líka frábær sem Carl Hanratty. Aðrir leikarar standa sig með prýði, s.s. Martin Sheen, Nathalie Baye og Amy Adams.


Tónlistin í myndinni er frábær, besta tónlist John Williams í langan tíma, fyrir utan Star Wars myndirnar tvær. Tónlistin fylgir myndinni vel og stendur hún vel ein og sér. Ég hef mjög gaman af því að hlusta á tónlistina. Hún er Óskarsins verðug. Kvikmyndatakan er mjög góð í höndum Janusz Kaminski sem og klippingin hjá Michael Kahn. Spielberg stendur sig mjög vel í leikstjórastólnum eins og svo oft áður.

Það eru alltaf tíðindi þegar Steven Spielberg sendir frá sér nýja mynd. Með Catch me if you can sýnir Spielberg á sér nýja hlið. Myndin fjallar um einn frægasta svindlara Bandaríkjanna sem var uppi á árunum 1963 - 1970. Hann var einungis 16 ára þegar hann tók upp á því að skrifa innihaldslausar ávísanir og þykjast vera annar en hann var (kennari, flugmaður, læknir o.s.frv.). Hann komst upp með þetta, allavega í nokkur ár. Dicaprio og Hanks eru traustir í aðalhlutverkunum. Umgjörð myndarinnar er frábær en hún verður á köflum full langdregin. Ég stóð mig oft að því að líta á klukkuna.Catch me if you can er fínasta skemmtun sem verður full langdregin á köflum.