Undercover Brother (2002)

Undercover Brother er mynd sem kemur virkilega á óvart, ein besta grínmynd sem ég hef séð, á þessu ári að minsta kosti.

Myndin er ekki neitt að reyna að vera með neina dýpri pælingu hún er bara vitlaus og óborganlega findin.

Eddie Griffin er æðislegur í sínu hlutverki sem ofur svali njósnarinn Undercover Brother sem allar kellingarnar digga vel og vilja helst tæta hann úr fötunum eða eins og hann kallar sig í frítímunum Undercover Lover.

Endalaust af aulahúmor jafnt sem lúmskum húmor, myndin einfaldlega uppfyllir allar þær kröfur sem maður gerir til grínmynda af þessu tagi, hún er vitlaus og reynir ekkert annað en að vera vitlaus.

Sjáðu þessa ef þú villt sjá góða grínmynd á annað borð, hún er vel þess virði.

Einn óvæntasti smellurinn í ár! Sprenghlæileg mynd sem kemur manni ekkert smá á óvart! Hér er gert grín af öllu svo taktu skrefið að réttri átt og horfðum á þessi sprenghlægilegu mynd sem kemur þér í rétta stuðið!

Undercover Brother hlýtur að vera eitthvað það óvæntasta sem ég hef séð í bíó undanfarna mánuði, og jafnframt það fyndnasta. Hugmyndin er að vísu eldgömul og söguþráðurinn er bara einn sá fáránlegasti sem ég veit um, en það sem kemur á óvart, er að myndin er svo skemmtileg og kolrugluð satíra á 70s blaxploitation-grín að hún lætur manni gleyma sér gjörsamlega í vitleysunni. Húmorinn er jafnvel skemmtilega ferskur, og hann týnir sér aldrei í líkamsvessum, greddu, kynfærabröndurum og öðru eins sem hefur mengað flestar grínmyndir í dag. Eddie Griffin smellpassar einnig í titilhlutverkið og tekur það með trompi. Og ég sem hafði svo gífurlega lítið álit á honum hér áður, en samt er það nú ekkert skrítið, enda var hafði hann bara látið sjá sig í einhverjum lægsta-sort-grínmyndum (t.d. Double Take, The New Guy, og Deuce Bigalow). Denise Richards hæfir líka betur að leika í einhverju svona heldur en að reyna að gera eitthvað úr ''leikhæfileikum'' sínum í alvarlegri myndum og Chris Kattan hækkaði líka töluvert í áliti hjá mér (eftir að hafa tekið þátt í Corky Romano hörmunginni), því þetta er í fyrsta skiptið þar sem ég gat hlegið af honum í óralangan tíma. Undercover Brother er gerð til að vera heilalaus skemmtun, og svo lengi sem áhorfandinn gerir sér grein fyrir því að þetta er bara 100% vitleysa, þá ætti hann ekki að verða neitt svikinn.7/10

Undercover Brother kemur hressilega á óvart og skýtur öðrum myndum ref fyrir rass sem fyndnasta mynd sumarsins hingað til. Eddie Griffin leikur hinn ofursvala bróður, sem er fastur í 8. áratugnum og gengur frá þorpurum og illmennum á sinn eigin hátt. Hann er dreginn inn í samtökin B.R.O.T.H.E.R.H.O.O.D. sem vinna gegn oki hvíta mannsins gagnvart svertingjum. Verkefnið snýst um að bjarga svörtum hershöfðingja (sem minnir vægast sagt verulega á Colin Powell) frá því að breytast í svarta stereótýpu eftir ill áhrif. Myndin er augljóslega algjört kjaftæði, og er bráðfyndin svo að segja út í gegn. Griffin er í toppformi í titilhlutverkinu, og ekki eru aukapersónurnar (t.d. Sistah Girl, Smart Brother og Conspiracy Brother) ófyndnari. Dave Chappelle og (ótrúlegt en satt) Denise Richards koma sterk inn í minni hlutverkum, og Chris Kattan (Saturday Night Live) er frábær sem illmennið Mr. Feather, sem getur ekki losnað undan áhrifum svertingjamenningarinnar. Undercover Brother er eins konar svartur Austin Powers, og er hreinræktuð skemmtun. Ómengað grín, bull og vitleysa, og meira að segja smá ádeila undir öllu saman. Vel gert.