Saga af lítilli geimveru, Stitch, sem varð til við genatilraun og er í fangelsi á fjarlægri plánetu ásamt illum skapara sínum. Stitch sleppur úr prísundinni og fer til Jarðar þar sem hann reynir að líkja eftir hundi þar til Lilo tekur hann að sér, en Stitch sér fyrir sér að Lilo geti orðið mannlegur skjöldur fyrir hann þegar geimverurnar koma til að ná í hann aftur. En smátt og smátt fer Stitch að skilja betur hvað ást og fjölskylda þýða og tilfininngar hans í garð Lilo byrja að breytast.
Eins og Atlantis: The Lost Empire, þá bjóst ég við meiru af þessari mynd, en leikstjórar og höfundar þessara myndar gerðu næst bestu teiknimynd sem ég hef séð á árinu, How To Train You…
Eins og Atlantis: The Lost Empire, þá bjóst ég við meiru af þessari mynd, en leikstjórar og höfundar þessara myndar gerðu næst bestu teiknimynd sem ég hef séð á árinu, How To Train Your Dragon. Ég bjóst nú ekki við að hún væri jafn góð og hún (af því sem ég hafði séð af myndinni fannst mér fínt) en ég einfaldalega bjóst við meiru, jafnvel þótt myndin sé alls ekki slæm.
Byrjunin byrjar ágætlega en eftir því sem líður á myndina fer húmorinn að vera verri, þó það komi fyrir að hann sé mjög fyndinn. Held að besti brandrarinn í myndinni sé þegar Stitch kemur með vélsög upp úr engu.
Lilo er fínn karakter. Maður finnur alveg fyrir því hversu einmana hún er, og miðað við hversu lítil hún er, þá er vel sýnt hversu barnaleg, þrjósk og skilningslítil hún er. Hún nær samt að vera það besta við myndina. Stitch eignar sér auðvitað mörg atriði (en sum af þeim þurfa ekkert til að eigna sér þau, og Stitch er á spítti alla myndina) en ég verð samt að kvarta yfir því hversu léleg þróunin hans er. Ólíkt Lilo, fann ég ekkert fyrir því þegar hann uppgötvar hvað hann hefur gert (nema kannski ein lína). Síðan nær hann líka í klæmaxi myndarinnar að sannfæra antagonist myndarinnar (geimveruna Jumbo, sá sem hefur verið að veiða hann alla myndina) að hjálpa honum, en það er engin ástæða af hverju, eitthvað sem einungis mínúta hefði bjargað.
Allir aðrir karakterar gleymast nær strax, nema Pleakley og þá einungis hversu líkur hann er Morpheus úr Matrix (langbesti karakterinn úr myndunum) og gera nær ekkert til að skilja eftir sig spor, fyrir utan slæma brandara sem eru aðeins of barnalegir fyrir minn smekk. Systir Lilo hefði getað verið miklu betri karakter, hún hafði premise-ið til þess.
Myndin er samt engan veginn fyrir mína líka og ég er ekkert hissa af hverju börn elska þessa mynd. En fyrir mér er hún bara ein af þessum myndum frá Disney ég mun ábyggilega ekki horfa aftur á.
Hver segir að teiknimyndir séu bara fyrir börn? Þetta er snilldarteiknimynd fyrir alla aldurshópa. Ung stúlka langar í hund og endar með að velja sér þetta sæta kvikindi og endar þá allt…
Hver segir að teiknimyndir séu bara fyrir börn? Þetta er snilldarteiknimynd fyrir alla aldurshópa. Ung stúlka langar í hund og endar með að velja sér þetta sæta kvikindi og endar þá allt í vitleysu. Mjög fyndin og ég mæli eindregið með henni.
Lilo og Stitch er mjög skemmtileg mynd og disney aðdáendur ættu ekki að missa af henni.Þetta er frábær fjölskyldumynd og eins og margir segja er þetta alveg dans og söngva laust (utan fyri…
Lilo og Stitch er mjög skemmtileg mynd og disney aðdáendur ættu ekki að missa af henni.Þetta er frábær fjölskyldumynd og eins og margir segja er þetta alveg dans og söngva laust (utan fyrir tónlist Elvis) þetta er frábær mynd og persónurnar eiga í vandamálum að stríða.Stitch er mjög fyndin og sætur.Þessi mynd er svolítið sorgmædd og margt er hægt að læra af henni mér fynst eiginlega það fallegasta þetta með óhana að óhana þýðir fjölskilda og fjölskilda merkir að einginn er skilin útundan eða gleymist.
Þetta er ein af þessum myndum sem ég get eiginlega ekki horft á tvisvar. Mér fannst byrjunin frekar leiðinleg en svo fór hún fara að verða soldið skemmtileg. Ég mæli með henni fyrir krak…
Þetta er ein af þessum myndum sem ég get eiginlega ekki horft á tvisvar. Mér fannst byrjunin frekar leiðinleg en svo fór hún fara að verða soldið skemmtileg. Ég mæli með henni fyrir krakka á aldrinun 2-9 ára.
Disney getur alltaf komið manni á óvart. Til dæmis er núna myndin Lilo og Stitch öðruvísi en aðrar disneymyndir. Engin söngatriði, vantar mínútubrandara og, eins og ofan var talið, hafa …
Disney getur alltaf komið manni á óvart. Til dæmis er núna myndin Lilo og Stitch öðruvísi en aðrar disneymyndir. Engin söngatriði, vantar mínútubrandara og, eins og ofan var talið, hafa mannpersónunar vandamál nútímans sem vantar mjög í allar disneymyndir. Í öllum öðrum disneymyndum er allt fullkomið, kannski of mikið. Þessi mynd fjallar um tilraun 626 sem fékk nafnið Stitch af Lilo seinna í myndinni. Alveg ný tegund, með eðlishvöt skrímslis, var búin til og átti að senda í útlegð en slapp og lenti á jörðinni. Inn á milli féttast í þetta margt sem virðist þó ná endum saman þótt ótrúlegt sé (endirinn kom mér á óvart). Teiknimyndaaðdáðendur ættu ekki að láta þessa mynd fram hjá sér fara.
Það er aldrei hægt að segja neitt rosalega slæmt um Disney-teiknimyndir, en það verður samt langt þangað til að Lilo & Stitch komist á lista ásamt meistaraverkum eins og Aladdin, Beauty a…
Það er aldrei hægt að segja neitt rosalega slæmt um Disney-teiknimyndir, en það verður samt langt þangað til að Lilo & Stitch komist á lista ásamt meistaraverkum eins og Aladdin, Beauty and the Beast o.fl.
Þó svo að ég hafi aldrei verið einhver Disney-hóra þá er sjaldan hægt að segja eitthvað rosalega slæmt um teiknimyndirnar frá þessari samsteypu. Ég hef að minnsta kosti ekki ennþá verið svo óheppinn að sjá virkilega slæma Disney-teiknimynd, heldur í versta falli ýmsar ómerkilegar og auðgleymdar. Þegar glænýtt stykki lítur dagsins ljós vefst alltaf fyrir mér sú spurning hvort sú mynd fari í þann hóp eða lendi á svipuðum gæðaskala og alvöru gæðamyndirnar (svosem Beauty and the Beast, Aladdin, Fantasia o.fl.). Lilo & Stitch hallast meira í áttina að þessum auðgleymdu, en ég er samt meira jákvæður gagnvart henni heldur en ekki.Vissulega er þetta engan veginn leiðinleg eða óathyglisverð mynd; Hún er fjörug, fyndin, litrík og bara hreint ansi skemmtileg. Samt fannst mér alveg vanta hinn svokallaða Disney-sjarma sem hefur poppað upp í bestu myndum fyrirtækisins. Myndin er bara ekki eins heillandi og hjartnæm og mátti búast við, einnig eru persónurnar flestar óáhugaverðar og auðgleymanlegar, þótt Stitch fyrirbærið sjálft sé eitthvað það skemmtilegasta (og þrjóskasta) sem komið hefur frá Disney (gaman væri að sjá hann sem nýja lukkudýr fyrirtækisins, Mikki Mús finnst mér vera orðinn verulega úreltur). Myndin fær líka smá hrós fyrir að vera laus við tilgangslaus söng og dansatriði, og sem betur fer tókst henni afskaplega vel að komast fram hjá allri væmni.Lilo & Stitch ætti ekki að eiga erfitt með að skemmta öllum aldurshópum. Að vísu hverfur hún fyrr úr minningunni heldur en þessar fyrrnefndu, en engu að síður traust skemmtun fyrir alla fjölskylduna.6/10
Lilo & Stitch er vönduð, en á engan hátt áberandi góð teiknimynd úr smiðju músahússins Disney. Henni er beint að yngri aldurshóp en undanförnum Disney myndum, og mætti kannski segja að…
Lilo & Stitch er vönduð, en á engan hátt áberandi góð teiknimynd úr smiðju músahússins Disney. Henni er beint að yngri aldurshóp en undanförnum Disney myndum, og mætti kannski segja að hún henti helst 8-11 ára börnum, þó að sjálfsögðu geti allir haft gaman af henni eins og öllum Disney myndum. Stitch kvikindið er vel hannað, og er afskaplega skemmtilegt. Mennirnir í myndinni eru hins vegar frekar auðgleymanlegar persónur, og skila litlum hughrifum. Það er samt eitt sem myndin gerir afskaplega vel, og það er að hún er kyrfilega föst í raunveruleikanum, þ.e. þeir partar sem gerast á jörðinni. Systir Lilo á í erfiðleikum með að halda vinnu, þær búa í hálfgerðu hreysi, rífast mjög mikið o.s.frv. Myndin er sem sagt ekki of sæt eða fullkomin, heldur eiga þessar persónur við alvöru vandamál að stríða. Þetta er ágætis tilbreyting fyrir Disney, og önnur tilbreyting er að það eru engin dans/söngvaatriði enda hefðu þau aldrei passað inn í þessa mynd. Kóngurinn sjálfur, Elvis Presley, sér að mestu leyti um tónlistina í myndinni, og hentar hún vel við umhverfi myndarinnar en hún gerist að mestu leyti á Hawaii. Hafi menn á annað borð gaman af Disney myndum, er upplagt að kíkja á Lilo & Stitch, en hún er samt sem áður lítið annað en meðalmynd miðað við það besta sem Disney hefur látið frá sér.
