The Master of Disguise (2002)

The Master of Disguise er mynd fyrir börn, athugið það. Þetta er ein af verstu myndum sem ég séð í langan tíma. Myndin fjallar um ítalska þjónninn Pistachio Disguisey sem er leikinn af honum Dana Carvey. Foreldrar hans eru teknir höndum af illmenninu Devlin Bowman (Brent Spiner sem sumir ættu að þekkja úr Star Trek). Þá er komið að honum Pistachio Disguisey að finna foreldranna sína, en það er bara eitt vandamál. Hann er ekki sá gáfaðasti í heiminum. Hann verður þá að læra fjöldskylduhefðina að vera meistari í að dulklæða sig til að geta fundið foreldranna. Myndin er greinilega ætluð fyrir börn undir 14 ára, það er galli sem aðstandendur myndarinnar gerðu. The Master of Disguise hefði getað verið góð fjöldskylduskemmtun ef hún hefði ekki verið gerð svona hræðilega barnaleg. Brandararnir eru mjög vitlausir og sagan sjálf er mjög illa samin. Dana Carvey leikur aðalhlutverkið ekki vel og það er eiginlega ekki hægt að láta hann vera einn með aðalhlutverkið. Hann er mjög góður að herma eftir fólki en hann hefur bara ekki þennan sjarma sem þarf. Jennifer Esposito leikur aðstoðarkonuna hans og hún þarf ekki mikið að gera í þessu hlutverki vegna þess hversu grunnt það er. Hún reynir sitt besta en hvað getur hún gert. Ekki góð mynd fyrir hennar leikferill. Nei ég mæli alls ekki með þessari mynd. Gæti verið ágætis skemmtun fyrir lítil börn en ekki meira. IES

Þessi er ekki frumleg, hefur ekkert, ekkert! Er alltof lengi að koma sér úr mjög heimskulegum byrjunarkafla og rúllar svo áfram í drullupolli í 30 min, ef þú varst nógu heppinn að sleppa því að sjá hana í bíó, þá mæli ég stranglega með að þið takið þessa alls ekki á leigu, þetta er næst versta mynd sem ég hef séð!!!

Mynd sem maður býst við að sé mjög góð, trailer inn virkar mjög vel á hann og heldur að um spennandi fyndna mynd sé um að ræða, en síður en svo þá er húmorinn í þessari mynd fyrir 10 ára krakka sem hafa gaman af prump og kúkahúmor sem vekur ekki mikla ánægju. Góðir puntkar eru í myndinni og margt sem væri gott en það var eitthvað við myndina sem eyðilagði það sem er væntanlega hversu mikill auli hann er í byrjun, eins góð eftirherma og dana carvey er í alvöru þá eyðileggur þessi mynd allt. Mæli ekki með henni, horfðu frekar á hana á video ef þú mátt ekki missa af henni.

Sko ég veit ekki hvar ég á að byrja.... Master of disguise er ömurleg. Ég bjóst sko við fyndnri gamanmynd og bjóst ég við góðu því Adam Sandler skrifað handritið (held ég)og Dana Carvey leikur aðal hlutverkið. Sagan fjallar um Meistara dulargerfanna sem er stolið, og sonur hans,sem aldrei fékk að vita að pabbi hans var meistari dulargerfanna,átti að finna hann. Maður hlær svona nokkrum sinnum og þess vegna fékk myndin eina stjörnu hjá mér. Ég var mjög fyrir vonbrigðum því myndinn er kannski aðeins meira fyrir fimm ára bróður minn heldur en mig.

The Master of Disguise (eða The Master of Disgust eins og ég kýs að kalla hana) er ekkert nema hrein niðurlæging fyrir hinn (fyrrum) óborganlega grínista, Dana Carvey. Annars skil ég ekki hvernig það er hægt fyrir manninn sökkva í svona djúpa gryfju, sérstaklega með ágætis feril á baki (þar sérstaklega SNL og Waynes World). Þetta er bara nauðgun á hæfileikum hans. Þessi mynd er svo hryllileg að jafnvel mynd á borð við Battlefield Earth getur farið að hrista af sér skömmina sem hún fékk í samanburði. Söguþráður er sama og enginn! Öll myndin er bara hvert ófyndna sketsið á eftir öðru þar sem Carvey bregður sér í slatta af missniðugum gervum, og svoleiðis heldur hún áfram í u.þ.b. 70 mínútur (hræðilega langdregið í þessu tilfelli - og langdregni credit-listinn er hreinasta hörmung!). Og það sem dregur myndina niður alveg á botninn er að hún var fyrirfram ætluð PG aldursstimplinum, sem þýðir að allir brandarar falla flatir vegna þess að myndin reynir sem best til að fara ekki yfir það. Brandararnir eru þess vegna barnalegir, heimskulegir, þreyttir og bara hrútleiðinlegir. Carvey þarf alvarlega að hugsa sinn gang áður en hann kemur nálægt grínmynd á næstunni (hann er nú einn handritshöfundur þessarar myndar). Ég mæli sterklega með því að þið lítið aldrei augum á þennan viðbjóð, þetta er bara óáhorfanlegt sorp sem dirfist að láta kalla sig grínmynd. SLEPPIÐ HENNI!! í guðanna bænum.1/10

Það eiga margir eftir að verða fyrir vonbrigðum með þessa mynd sem er meira fyrir yngri kynslóðina, þó svo að þau skilji kanski ekki húmorinn þá geta þau allavega hlegið að asnalegum gerfunum hjá Dana Carvey, reyndar fær myndin stjörnuna fyrir það hvað hann er góður í gerfunum sem að maður þekkir, hann er afbragðs eftirherma, það má hann eiga.

Einum of heimsk til þess að skila frá sér tilsettu marki, held ég. Það hefði kanski frekar átt að stíla inn á sama markað og Austin Powers, en þeir hafa sjálfsagt verið hræddir við það.

Mæli ekki með henni nema þá kanski fyrir barnafólk.

Þessi mynd er sú versta sem ég hef séð í langan tíma, ef ekki bara sú versta.

Þetta á að heita grínmynd, ég hló ekki yfir einu atriðið.

Það lá við að ég græti þegar ég var búinn að horfa á þessa mynd því ég sá svo eftir tímanum sem fór í að horfa á þetta rusl.

Það er ekki að ástæðulausu að þessi mynd hefur fengið svona slæma dóma. Þess vegna vara ég þig við því að horfa á þessa mynd, notaðu tíman þinn í eitthvað betra heldur en sjálfspíningar.