Wreck-It Ralph (2012)

Myndin fjallar um tölvuleikjapersónuna Wreck-It Ralph, sem er orðinn hundleiður á því að vera sí og æ að gera nákvæmlega sömu hlutina, sem vondi kallinn í tölvuleiknum Fix-It Felix Jr. Árum saman hefur Wreck-It Ralph verið að eyðileggja sömu bygginguna, dag eftir dag, og íbúarnir í byggingunni neita þráfaldlega að eyða nokkrum tíma með honum utan vinnunnar, en kjósa heldur að vera með aðal hetju leiksins, Fix-It Felix Jr., Ralph ákveður að gera eitthvað í málunum og ákveður að flýja úr leiknum sínum og fara yfir í aðra leiki, eins og skotleikinn Hero´s Duty og kappakstursleikinn Sugar Rush, til að sjá hvort hann geti orðið hetjan sem honum hefur alltaf langað til að verða. Á leiðinni kynnist hann Vanellope von Schweetz og uppgötvar að það er fleira slæmt í gangi í spilakassaheiminum, en lélegt sjálfsálit.