8 Mile (2002)

Þetta er hreyn snilld þessi mynd frá Eminem. Lýsir gjörsamlega svona tækifærum sem underground rapparar fá tækifæri sín og gefa út plötur. Eminem leikur persónuna rabbit,jimmy rosalega vel og rappar stórkostlega. Ég er sjálfur mjög mikill hiphop fan og fýlaði lögin og myndina í botn. Þessi böttl í myndinni eru frábær og vel samin. Eminem er mjög góður rappari og ætti sko skilið að fá eikkern sonna óskar fyrir þessa mynd. Ef þú hefur ekki séð 8mile, sjáðu hana þá... Cr4cKeD

Þetta er besta mynd sem ég hef séð! Eminem leikur eins og hann sé búinn að gera þetta allt sitt líf. Hún er skemmtileg, fyndin og spennandi. Eminem ætti svo sannarlega að halda áfram að leika. Tónlistin er mjög góð. Myndin er mjög raunveruleg og allir verða að sjá þessa mynd. Þetta var ekki spurning, þetta var skipun. Þeim sem lýst illa á hana, fínt það er þín skoðun but look around you, he's acting for the first time in his life! Giv ethe guy a chance and don't judge if you don't know!

Þessi mynd er allveg mergjuð ég meina þetta er náttúrulega með Eminem. Þessi mynd segir frá lífi Eminems hvernig hann byrjaði að rappa og allt þetta en þetta er mynd sem enginn má missa af sérstaklega ekki Eminem aðdáendur ég endurtek missið ekki af þessari mynd.........

Ég verð reyndar að viðurkenna það að þegar ég fór á myndina þá bjóst ég ekki við milu en þessi mynd kom mér virkilega á óvart og m´´er sem er nú ekkert rosalega fyrir rapp þá fanst mér þetta eginlega bara vera snilld! og rappatriðin þarna í the shelter útskýra að mikið hverskonara rappari Eminem er í dag.

Ég verð bara að segja eitt, hvaðan koma allar þessar stjörnur sem er verið að gefa þessari mynd? hún fær ekki nema eina og hálfa hjá mér og það bara fyrir tónlistina sem er fjandi góð.


Ef einver sýndi góðan leik þá var það Kim Basinger.

Svo er verið að tala um hvað það er erfitt fyrir Eminem að leika sjálfan sig (ekki það að hann sé að því)maðurinn er og var með eitt svipbrigði alla myndina það getur ekki verið erfitt að leika í mynd þar sem maður þarf að vera í fílu allan timan.


Alla vega þá mæli ég með því að taka þessa mynd á video og þá sem fríu myndina, Ég hefði betur hlustað á diskinn aftur og ekki eytt dýrmætum tíma í klisjukenndamynd sem var fyrirsjánleg allan tímann...


Takk Fyrir

8 Mile já...Þetta er snilldarmynd. Þvílíkt handrit, og þvílík leikstjórn! Allir sem koma nálægt þessari mynd eiga skilið að fá verðlaun. Og þeim sem ekki finnst þessi mynd góð eiga að athuga sinn gang.

Jimmy Rabbit Smith (Eminem) er hvítur strákur sem lifir við 8 Míluna en það er sú lína í Detroit sem aðskilur hina ríku og fátæku. Hann er í fátæka hlutanum. Hann býr í hjólhýsi með drykkfelldri móður sinni (Kim Basinger) og litlu systur sinni. Allir vinir hans eru svartir fyrir utan Cheddar Bob (Evan Jones). Hann vinnur sem stuðarapressari (eða eitthvað svoleiðis). Hann veit ekki hvort hann ætti að fylgja eftir vini sínum Wink (Eugene Byrd) sem lofar honum frægð og frama með samningi við upptökuver eða fylgja eftir besta vini sínum Future (Mekhi Phifer) sem sér um rímnaflæðin í The Shelter. Þeir þola ekki hvorn annan. Það eina sem veitir honum einhverja gleði í lífinu er að battla (reyna að vinna aðra rappara í rímnaflæði) í The Shelter. En hvað vill hann gera við líf sitt? Hvernig fer hann að því að komast burt úr hverfinu og öðlast betra líf?

Það mætti vissulega kalla hlutverk Eminem í myndinni dálítið self-indulgent (afsakið slettuna en það er ekki til gott orð fyrir það sem ég meina á íslensku). Hann leikur ákveðna útgáfu af sjálfum sér í myndinni og að mörgu leiti er þessi útgáfa einum of góð til að geta verið sönn. Einnig er margt í fari vina hans einum of gott til að geta verið satt. En vitið þið hvað: gleymið því bara. Af því að ef þið lokið fyrir hugsunina um að þetta er að hluta til byggt á lífi Eminem þá er þetta alveg virkilega góð og ánægjuleg mynd á að horfa. Hún nær betur en margar aðrar myndir að sína aðstæður og líf persónanna sem allar rétt skrimta í hverfi sem maður gæti vel kallað skítapleis. Þessu er náð fram með því að sýna Detroit (eða þennan part af henni) sem stað í fullkominni niðurníðslu sem maður skynjar að eitt sinn var í blóma. Það er eins og rústirnar af betri tímum séu eftir og þetta fólk hafi lent í þeim. Mér líkaði þessi sýn mjög vel. Annað sem mér líkaði mjög vel er að myndin einblínir ekki bara á allt það neikvæða og ljóta í fátæktinni. 8 Mile fjallar að miklu leyti um vináttu og tryggð. Þrátt fyrir alla eymdina hafa þessar persónur mikla lífsgleði til að bera sem er óvanalegt að sjá í svona myndum.

Það þriðja sem mér fannst mjög gaman að sjá var það að gegnum myndina kemur það mjög vel og skýrt fram að rappið og keppnirnar í kringum það eru eina leiðin fyrir Rabbit og hina náungana að sleppa frá þeim harða raunveruleika sem umkringir þá. Rappið er það eina sem þeir nota til að tjá sínar innstu tilfinningar og þrár. Það er nokkurs konar spegill inn í sálarlíf þeirra. Myndin kemur þessu virkilega vel til skila.

Söguþráðurinn sjálfur er óttalega hefðbundinn. Rabbit guggnar fyrst á sviði, lendir í ýmsu, rífur sig upp og að lokum rústar keppninni og hlýtur virðingu og sjálfstraust að launum. Formúlan sjálf gæti þess vegna verið tekin beint út úr Rocky (1976) en ég hef sjaldan orðið vitni að því að unnið hafi verið með formið jafnvel og hér. Það er kannski ekkert nýtt í söguþráðinum í sjálfu sér en Scott Silver býður samt sem áður upp á fersk samtöl og Curtis Hanson stýrir þessu með sama krafti og hann gerði L.A. Confidential og Wonder Boys með.

Leikararnir standa sig allir vel. Eminem sjálfur gerir það sem hann gerir virkilega vel þótt að maður gæti rifist um það hversu erfitt það er að leika sjálfan sig. Samt sem áður var ég mjög hrifinn af frammistöðu hans. Basinger gerir sitt ágætlega sem hálfmisheppnuð fyllibytta sem þó hefur sína reisn og manndóm. Brittany Murphy er allt í lagi sem óvanaleg kærasta Rabbit þó að hlutverkið hefði mátt vera betur skrifað. Og Mekhi Phifer er virkilega traustur sem hinn tryggi vinur Rabbit. Og ekki má gleyma Evan Jones sem sýnir frábæra grínhæfileika og sér til þess að manni leiðist aldrei.

Hvort sem þið fílið rapp eða ekki þá eigið þið eftir að fíla lokasenuna þar sem Rabbit sýnir hvað í honum býr. Hún er gerð með slíkum fítonskrafti af Hanson og leikurunum, þá sérstaklega Eminem sjálfum, að unun er á að horfa.

Myndin er misjöfn á köflum en þrátt fyrir ákveðna vankanta er þetta sennilega ein af ánægjulegri myndum sem þið eigið eftir að sjá á árinu. Mæli eindregið með henni við alla.

Þetta er ein besta mynd sem ég hef nokkru sinni séð, Eminem fer á kostum í hlutverki sínu. Hér er verið að segja frá rapparanum Jimmy Rabbit Smith Jr (Eminem) (en vinir hans kalla hann Rabbit)sem vill verða frægur rappari á einum rapp stað þar koma margir rapparar og keppa en hann frýs upp á sviði og nær því ekki. Hann ólst upp í Detroid með mömmu sinni og hann er alltaf að semja rím en á milli er hann lamin og það er gert grín af honum en hann hefur kjark....... 8 mile er geðveik mynd sem inniheldur frábærum rapplögum og góðum leik frá öllum leikurum myndarinnar. Allir verða að sjá þessa mynd sérstaklega þeir sem fíla Eminem.................

Jæja já... Það segir sig sjálft að þessi gaur sem skrifaði um 8 mile hérna á undan mér, veit ekkert í sinn haus það sem varðar kvikmyndir allavega. Vissulega hafa allir rétt á sinni eigin skoðun, en ég fór nú á þessa mynd með frænda mínum (sem er mjög hard to please einstaklingur) og hann dýrkaði hana... ég dýrkaði hana! og miðað við flesta sem hafa skrifað ummæli hérna á kvikmyndir.is þá dýrka flestir þessa mynd og það ku alveg verða að veruleika að Eminem myndi fá óskarinn fyrir leik sinn í þessari mynd. Svo er fólk að tala um að þetta sé nú ekkert, því að hann er bara að leika sjálfan sig... Well, það er nú bara alls ekkert auðvelt að leika sjálfan sig, dömur mínar og herrar, pælið nú aðeins í þessu, hvernig mynduð ÞIÐ standa ykkur, ef að ykkur yrði hent fyrir framan cameru og sagt við ykkur be yourself hahaha! það tækist aldrei... maður færi að yfirhugsa sinn eigin karakter og myndir klúðra öllu. Eminem keeps a COOL head og veldur engum vonbrigðum í þessari hörku skemmtilegu og spennandi mynd sem fær í fyrsta sinn af öllum myndum heilar 4 stjörnar frá mér... þessi mynd er fyrir alla...!... allir ættu að sjá hana og persónulega hefði ég borgað 5000kr inn í bíó til að fá að sjá hana!


Takk fyrir.

Þetta er með þeim betri myndum sem ég hef séð í bíó lengi. Eminem er stórkostlegur í henni leikur mjög vel. Spennan er stöðug og mjög sérkennileg spenna. Myndin er mjög raunverulega í alla staði og frábærlega vel leikin. Þetta er þó ekki mynd sem maður fer á með sitt fyrsta deit, þá mæli ég frekar með mynd eins og Forest Gump! En þetta er mynd sem þú og konan ættuð að sjá saman ef þið hafið verið lengur saman í 5 ár!. Tónlist allveg frábær.

Ég held að Eminem muni aldrei fá óskarsverðlaun fyrir besta leik, en það breytir því ekki að hann sýnir hér og sannar að hann er engu að síður betri en margir aðrir sem hafa leiklist að atvinnu. Mér finnst alltof einfalt sem margir segja, að það sé nú ekkert mál að leika sjálfan sig. Mitt svar við því er að hann er ekki að leika sjálfan sig, hann er að leika persónu sem svipar til hans sjálfs, og þó hann hefði verið að leika sjálfan sig, þá væri hann engu að síður að leika. Það er nefnilega miklu meira en að segja það, að vera trúverðugur fyrir framan myndavél, alveg sama hvaða persónu maður er með í höndunum. Ég tek því ofan hattinn fyrir honum, og finnst hann hafa staðið sig mjög vel miðað við aðstæður. Hvað varðar myndina sjálfa, þá er hún afskaplega einföld og það er kannski hennar stærsti galli. Ef hugsað er út í það, þá er hún með nákvæmlega sama söguþráð og t.d. Flashdance. Upprennandi listamaðurinn frýs á sviði á mikilvægu augnabliki í byrjun myndar, og afgangurinn af myndinni fer í uppbyggingu að atriði þar sem viðkomandi nær loksins að láta ljós sitt skína og á þá loksins möguleika á því að komast upp úr gamla farinu sem hann var fastur í. Þar sem ekkert flóknara er að gerast, þá nær myndin aldrei neinum sérstökum hæðum. Hún er hins vegar mjög traust (betri en Flashdance) í meðförum Curtis Hanson, sem nær að draga upp ímynd ömurleika þess að búa í Detroit, helvíti Bandaríkjanna. Aðrir leikarar standa sig með ágætum, fyrir utan Brittany Murphy sem gæti ekki leikið þó byssu væri miðað að höfði hennar. Þetta er vönduð kvikmynd, gerð af metnaði, og ætti að höfða til mun fleiri en bara aðdáenda kappans.

Æjji...hvað getur maður sagt um þessa mynd. Sagan er fáránlega ófrumleg og tilgerðarleg...einhverskonar blanda af Crossroads með Britney Spears og Boyz in the hood.

Það kemur kannski ekki á óvar að Eminem skuli róa á örugg mið með því að leika rappara sem elst upp í fátækt, en maður hafði nú vonað að hann skyldi sýna aðeins meiri frumkvæði heldur en Britney Spears eða Mariah Carey í myndavali

En mestu vonbrigðin eru þau að Curtis Hanson skuli leikstýra þessu drasli, þetta er maðurinn sem gerði hinar fantafínu myndir L.A. Confidential og Wonder Boys, sem eru með mínum uppáhald myndum. Þar sá maður frumlega sögu og frábærar persónuskapanir...eitthvað sem stórlega vanntar í 8 mile.

Kannski að maður hefði haft gaman af þessari mynd ef maður væri enn 16 ára, en maður er bara búin að sjá of mikið af svona drasli seinustu ár.

Þessi mynd er ábyggilega fín fyrir Eminem aðdáendur en ég ráðlegg öllum öðrum að sleppa því að sjá þessa mynd, hún er ekki þess virði.