Heist (2001)

Aftur hefur leikstjóranum og handritshöfundinum David Mamet (sem gerði m.a. gullmolanna State and Main og The Spanish Prisoner) tekist að sanna sig með því að blanda saman flugbeittu handriti við magnað lið leikara. Þeir sem fara með helstu aðalhlutverkin eru þeir Gene Hackman, Danny DeVito og Delroy Lindo (sem fóru allir saman á kostum í Get Shorty), og svo eru þau Rebecca Pidgeon (sem var í þessum fyrrnefndu myndum Mamet's og er hálfgerður fastagestur hjá honum, enda eiginkonan hans), Ricky Jay og Sam Rockwell sem fara einnig með stór hlutverk.Þessir leikarar ná allir vel saman, og standa því allir sig glæsilega. Hackman, Pidgeon og DeVito stóðu sig albest, þó að hinir séu ekki langt á eftir. Lindo (sem hafði verið frekar vonlaus áður fyrr; hann hefur a.m.k. ekki leikið í mörgum góðum myndum) kom á óvart, og líka á Ricky Jay hrós skilið fyrir sinn leik. Heist snýst raunar öll um svik, en er mjög vel útpæld í plottinu. Samtölin eru flest mjög vel unnin og sjálfsagt eru persónurnar stórskemmtilegar. Myndin losnar aldrei við spennuna (sem er þó í lágstemmdari kantinum), og er atburðarásin líka óútreiknanleg.Í heild er þetta fantagóð svikamilla sem kemur manni skemmtilega á óvart, og er því óhætt að mæla með henni. Mamet er alltaf algjör meistari í að penna grípandi samtöl og því hlakka ég einnig til að sjá hvað hann gerir næst.7/10

Stórfín glæpamynd sem fjallar um hóp þjófa. Höfuðpaurinn í genginu er kominn til ára sinna og vill fara að leggjast í helgan stein, en þannig vill til að hann er þvingaður til þess að taka þátt í einu loka ráni. Upp úr þessu hefst spennandi atburðarás þar sem ekki er allt sem sýnist og engum er óhætt að treysta. Gene Hackman fer með aðalhlutverkið hér og stendur sig virkilega vel. Danny DeVito leikur ''viðskiptafélaga'' hans og er gaman að sjá hann í harðgerðara hlutverki en hann hefur áður verið í. Rebecca Pidgeon (sem var líka í síðustu mynd Mamet's, State and Main) er hálfgerður senuþjófur hér og fer frábærlega með hlutverk eiginkonunnar sem á alltaf hnyttin tilsvör. Það er frekar sjaldgæft í dag að ég fari á myndir sem mér finnst skemmtilegar allan tímann, oftast koma kaflar inn á milli þar sem manni leiðist og ef maður er óheppinn með getur þetta átt við um alla myndina. Aftur á móti var bíóferð mín á Heist eitt af þessum sjaldgæfu skiptum þar sem myndin hélt athygli minni allan tímann, svo hér er alveg greinilega verið að gera eitthvað rétt. Handrit Mamet's er vel skrifað og samtölin sérstaklega skemmtileg. Í stuttu máli er Heist því virkilega traust afþreying sem fær mín meðmæl.

David Mamet er þekktur og virtur í heim kvikmyndanna. Hann semur aðallega

handrit og hefur líka skrifað heilu hillurnar af leikritum. En á seinni árum

hefur David verið að feta sig yfir í stól leikstjórans með ágætum árangri.

Núna sendir hann frá sér spennumyndina The Heist eða Ránið, þar sem Gene

Hackman fer með aðalhlutverkið.


Gene Hackman og Danny DeVito leika gamla vini sem ætla að fremja enn eitt

ránið. Að þessu sinni á það ekki að vera neitt venjulegt rán. Nei, það skal

vera hið fullkomna rán. En hópurinn er ekki samstæður og það gengur á ýmsu.


Einhverjir Íslendingar kannast við David Mamet, en hann er þó ekki mjög

frægur. Þekktastur er hann sem leikskáld (kannist þið við Glengarry Glen

Ross eða American Buffalo?) &8211; en undanfarin ár hefur hann verið að skrifa

kvikmyndahandrit, t.d. skrifaði hann The Untouchables með Robert DeNiro og

Kevin Costner fyrir fimmtán árum. Síðast skrifaði hann handritið að

Hannibal. David Mamet er mjög virtur í heimi kvikmyndanna og þessi nýjasta

mynd, The Heist, fékk feykilega góða dóma þegar hún var sýnd í Bandaríkjunum

fyrir rúmum mánuði.

Gene Hackman er einn mesti leikari sem Hollywood hefur alið, gæðaleikari af

lífi og sál. Hlaut Óskarsverðlaun fyrir mörgum árum og er ódrepandi.

David Mamet hefur verið í miklu uppáhaldi hjá mér allt frá því að ég sá The Spanish Prisoner í fyrsta sinn. Hann bæði skrifar og leikstýrir Heist og tekst einstaklega vel upp.


Myndin er ótrúlega vel skrifuð enda David Mamet frábær handritshöfundur. Það er jú rétt að hann hefur mest verið í því að skrifa handrit, en það sem Sindri segir um að þetta sé eitt fyrsta leikstjóraverkefni hans er bara einfaldlega rangt. Hann hefur leikstýrt allnokkrum myndum (og það mjög vel) og mætti þar nefna State and Main, The Winslow Boy og The Spanish Prisoner ásamt fleirum.

Ég ætla mér ekki að rekja söguþráð Heist hér, ég læt öðrum gagnrýnendum um það.

Stíll Mamets er einstaklega skemmtilegur, samtöl eru öll ótrúlega hnyttin, hnitmiðuð og raunveruleg og gefa þau leikurunum jafnframt tækifæri til að ná tengslum við persónur sínar. Auk þess flæðir sagan líka ótrúlega vel áfram.

Heist er ránsmynd. Fólk verður að gera sér grein fyrir að þetta er í raun sér flokkur af kvikmyndum. Það hefur verið einhver vakning í þessum flokki upp á síðkastið og mætti þar kannski helst nefna Ocean's Eleven og The Score. Margir (eins og hún Dagbjört Jónsdóttir) skilja ekki svona myndir og halda því fram að þær séu ekki nógu spennandi, fyndnar eða dramatískar. Málið er einfaldlega að þessar myndir snúast bara um ránið sjálft og hvernig það er planað og framkvæmt og þar fylgja að sjálfsögðu einhverjar blekkingar og svik. Þær eru ekki gerðar til að maður nagi neglurnar af spennu eða felli frostkalið sorgartár.

Ég hef alltaf haft mjög gaman af þessari tegund mynda, en ég er ekkert betri eða verri fyrir það. En fyrir vikið tel ég mig nokkuð dómbæran á svona myndir og sem ránsmynd finnst mér Heist alveg frábær. Plottið er gott og krækjótt út í ystu æsar og þó mann gruni oft að einhver sé nú að svíkja einhvern eyðileggur það alls ekki 'spennuna'. Spennuna já, því þessar myndir eru spennandi, en á allt annan hátt en hefðbundnar spennumyndir.

Afskaplega vel skrifuð og leikin mynd úr smiðju Mamet. Hann hefur áður gert hinar frábæru myndir The Spanish Prisoner og State and Main ásamt fleirum. Hann er helst þekktur fyrir vel skrifuð handrit sín sem innihalda frábærar, grófar og (oft) furðulegar samræður. Þær má finna í þessari mynd og afskaplega góða leikara til þess að fara með þær. Gamli garpurinn Gene Hackman stendur sig afskaplega vel, eins og endranær, og Delroy Lindo kemur einnig sterkur inn. Aðra leikara má telja Rebecca Pidgeon og Sam Rockwell sem gera góða hluti. Senunni stelur þó naggurinn Danny DeVito og hefur hann sjaldan verið betri. Plottið er þykkt og bragðmikið, og sífellt er manni komið á óvart. Myndin er gerð á frekar hráan hátt, og kemur það ágætlega út. Í heildina litið er hér um að ræða gæðamynd sem stendur prýðilega fyrir sínu.

Ég veit að það er ekki mikið liðið af árinu 2001 en samt hef hef ég á tilfinningunni að þessi mynd eigi eftir að vera með þeim verri sem ég sé. Myndin fjallar um þjófana Joe Moore leikinn af Gene Hackman (Royal Tenenbaums, Get Shorty),Bobby Blane leikinn af Delroy Lindo (Ransom, Romeo Must Die), Don 'Pinky' Pincus leikinn af Ricky Jay og Fran Moore leikin af Rebecca Pidgeon (State and Main, The Winslow Boy) Þau vinna fyrir Bergman leikinn af Danny DeVito (Get Shorty, Man on the moon). En eftir síðasta rán vill hann ekki borga þeim fyrir það nema þau taki að sér annað rán sem er það síðasta sem Joe gerir og eftir það fer myndin að verða verri og verri og manni verður alveg sama hvað gerist og síðan toppar hún þetta alveg í lokin með þessum hræðilega klisjuendi.

Ekki borga ykkur inná þessa lélegu mynd.

Frábær mynd með Gene Hackman sem leikur atvinnuþjóf sem er svikinn af ránsstjóranum (DeVito) og þarf að gera annað verk með sínu fólki sem er fullt af svikum lygum og fleirum svikum. Delroy Lindo leikur vin Hackmans sem hefur unnið með honum öll störfin seinustu áratugi og meðal þeirra er eiginkona Hackmans sem á að heita Betty Croft 30 árum yngri en Hackman og svo Ricky Jay leikur sérfræðing á mörgum sviðum. Sam Rockwell leikur frænda DeVitos sem á að hjálpa þeim og fylgjast með að þau geri verkið. Handritið er mjög vel hugsað svona á stíl við The Usual Suspects. Sem eitt fyrsta leikstjóraverkefni David Mamets þá gengur honum afskaplega vel, sem handritshöfundur er hann minn besti handritshöfundur því hann reynir alltaf að hafa eitthvað frumlegt eins og persónurnar og endasenuna en kanski eru ekki allir sammála mér en mér fannst myndin góð því hún inniheldur skemmtilegar persónur, góðan söguþráð og mjög gott handrit. Þegar hún kemur á morgum 11.jan skalt þú reyna að fara á hana eða einhverntímann ekki seint. Ég mæli með þessari.

æj æj æj. enn ein misheppnaða myndin sem hefði getað verið miklu betri. í grundvallar atriðum fjallar hún um ræningjahóp, sem Gene Hackman leiðir. Einhverra hluta vegna er hann giftur konu sem er a. M. k. 30 árum yngri en hann, og lítur út eins og sporty-spice. Danny Devito er prangarinn þeirra (sá sem þeir ræna fyrir) sem neitar að borga þeim nema þeir fremji eitt lokarán. þá upphefjast svik, ofan á svik í kross við svik og meiri svik og blekkingar. eins og oft getur verið gaman að horfa á snjallar ránsferðir og fylgjast með sniðugum svikavefjum sem undið er ofanaf, þá var þessi mynd alveg ferlega slöpp. jú, vissulega eru hér einstaka sniðugar blekkingar og svik, og ein góð lína (its a good day for the race. what race? the human race), en í heildina kemur manni ósköp lítið á óvart, spennan er lítil sem engin, og það sem meira er, söguþráðurinn og sumar persónurnar (sérstaklega eiginkonan og vondi kallinn) eru ótrúverðug og á stundum klisjukennd. sumsé lélegt handrit með nokkrum góðum og nokkrum mjög slöppum leikurum. Ricky Jay í hlutverki aðstoðarmannsins Pinky er sá eini sem tekst að vekja með manni nokkrar tilfinningar. Fyrir utan stutta senu um hann og litla frænku hans finnur maður hvorki fyrir gleði, sorg, undrun, kæti, reiði, spennu né neinu öðru nema þá helst eftirsjá yfir hafa eytt tveimur tímum og tólf dollurum til einskis. sumsé, þessi má alveg bíða þar til hún er komin á myndband, og jafnvel þá er óþarfi að sjá hana, nema þú hafir ekkert betra að gera.