What Women Want (2000)

Það má með sanni segja að Mel Gibson sé að reyna að gjöreyðileggja feril sinn sem leikari. Í það minnsta er hann á leið í svipaða lægð og John Travolta fór í um miðbik níunda áratugarins sem stóð alveg þangað til hann lék í Pulp Fiction. Þessi kenning er byggð á alltof langri röð vondra mynda sem hann hefur leikið í síðastliðinn misseri. Þessi mynd er sennilega sú slakasta hans hingað til. Þetta er fimmta flokks bandarísk ástarvella með agnarlitlu gamansömu ívafi. Mel leikur svo sem þokkalega sem og Helen Hunt sem fer með hitt aðalhlutverkið í myndinni. Helen Hunt virðist ætla að hrifsa titilinn af Meg Ryan um hver leikur í flestum ástarvellumyndum, og ekki er hægt að segja annað en að þessi mynd hjálpi til við það. Í fyrri hluta myndar er hægt að brosa út í annað við og við en fljótlega hætta þær stundir og koma og eftir situr þjáning og volæði. Ekki get ég þó sagt til um endinn þar sem ég slökkti þegar um það bil 5 mín. voru til enda myndarinnar, ég þoldi bara ekki meira. Mynd sem er í það minnsta ekki fyrir alvöru karlmenn!

What Women Want fjallar um Nick Marshall sem að vinnur á aulýsingastofu og nýtur mikillar virðingar meðal vinnufélaga sinna. Allt gengur vel hjá honum þangað til að Darcy, sem leikin er af Helen Hunt, ætlar að nánast taka starf hans. En svo það kvöld fær hann raflost eftir að hárþurrkarinn hans hafði lent í baðkarinu hans og næsta dag getur hann hlustað á hvað konur hugsa og allan andskotann hvað þær vilja. Þá fyrst fer hann að nota möguleikann gegn Darcy. Þetta er mjög fyndin og góð mynd. Mel Gibson er mjög góður í sínu hlutverki og líka Helen Hunt. Hún fær 3 stjörnur.

Skemmtileg gamanmynd með stórleikaranum Mel Gibson sem leikur hálfgerða karlrembu. Hann vinnur á auglýsingarstofu en einn daginn fær hann straum í sig og vaknar á gólfinu á baðinu hálf ruglaður. Þegar hann fer í vinnu sína fattar hann það að hann les hugarnir konur og þar að meðal veit hann það að eftir á að hann getur notfært sér það við konur og fleira. En þangað til að hann verður hrifin af nýja yfirmanninum sínum, Darcy Maguire(Helen Hunt) og þá getur hann heilmikið notað þetta á hana. Mel Gibson var tilnemdur til Golden Globe verðlaunanna fyrir besta leik í gammanmynd og sem hann á svo sannarlega skilið. Góð mynd og þar að meðal frábærir leikarar. Ég mæli með henni. Góða skemmtun.

Ef þú ætlar að sjá þessa mynd þá skalt þú aðeins borga 1/2 miða því myndin er briliant fyrir hlé. Svo skaltu finna þér eitthvað skemmtilegra að gera. Eftir hlé endar myndin svo í hund leiðinlegri ástar vellu. P.s. Þátturin maður er nefndur sem er á dagskrá RÚV er skemmtilegri.

Óborganleg kvikmynd leikstjórans Nancy Meyers sem þekktust er fyrir að vera handritshöfundur gamanmyndanna Private Benjamin, Baby Boom, Father of the Bride 1 og 2, The Parent Trap og I Love Trouble. Hér segir af Nick Marshall (Mel Gibson) sem vinnur á auglýsingastofu og nýtur talsverðrar virðingar innan fyrirtækisins. Hann álítur sig vera kvennagull af Guðs náð, þó hann viti í raun harla lítið um konur nema þá kannski hvernig eigi að tæla þær. Dag einn tekur líf hans algjörum stakkaskiptum þegar hann fær öflugt raflost á baðherberginu heima hjá sér sem leiðir til þess að hann fer að geta heyrt hvað konur hugsa! Í fyrstu finnst honum þetta mjög óþægilegt, enda er hann sífellt að heyra eitthvað sem hann vill alls ekki heyra. En hann lærir smátt og smátt að notfæra sér þessar upplýsingar og þá sérstaklega gegn nýja yfirmanninum sínum Darcy McGuire (Helen Hunt). Hún hlaut einmitt stöðu sem hann hélt eiginlega að væri sín eign og nú hyggst hann nota hinn nýja hæfileika sinn til að ná sér niðri á henni. En málið tekur einkar óvænta stefnu.... Bráðfyndin og vel leikin kvikmynd sem er hin besta skemmtun að öllu leyti. Óskarsverðlaunaleikstjórinn Mel Gibson (Braveheart) fer á kostum í hlutverki Nicks og var hann m. A. annars tilnefndur til Golden Globe-verðlaunanna 2000 fyrir besta leik ársins í gamanmynd. Óskarsverðlaunaleikkonan Helen Hunt (As Good As It Gets) fer einnig á kostum í hlutverki hinnar útsmögnu Darcy og óskarsverðlaunaleikkonan Marisa Tomei (My Cousin Vinny) er ekki síðri í sínu hlutverki. Einnig má minnast á Alan Alda, Lauren Holly, Valerie Perrine og Lorettu Devine sem fara einnig á kostum. Semsagt; hér er á ferðinni óborganleg gamanmynd sem allir að hafa gaman af. Þessi er sko bráðfyndin!

Mel Gibson sannar enn og aftur hvað hann er góður leikari. Og ekki versnar það að Helen Hunt leikur á móti honum. What Women Want er afar frumleg mynd. Þetta er mynd fyrir alla fjölskylduna. Það að geta heyrt hvað konur eru að hugsa eftir að hafa fengið rafstuð hlýtur að vera það sem allir karlmenn þrá. Ég tell að það hafi einginn leikari passað eins vel í hlutverkið og Mel Gibson og Helen Hunt sannar enn og aftur hvað hún er góð leikkona. Ég vona að við eigum eftir að sjá þau aftur saman í mynd. Mér fannst þetta frábær mynd og ég skemmti mér alveg konunglega. Þessi mynd er vel þess virði að horfa á aftur og aftur.

Rómantískar gamanmyndir eru dálítið blandaður flokkur af myndum, vissulega eru til margar góðar en fyrir hverja slíka eru til tíu slæmar. Þessar myndir detta oft í þær gildrur að fylgja formúlunni annað hvort of fast (boy-meets-girl, boy-looses-girl, boy-gets-girl-back) eftir eða koma með dísætan endi sem gat aðeins hafa orðið til við brainstorming hjá markaðsmönnum í leit að því hvernig væri hægt að láta meðalmanneskjuna labba sem sáttasta út úr salnum. Mér til mikillrar ánægju forðaðist What Women Want þessi tvö atriði og var bara mjög ánægjuleg og þægileg skemmtun. Ekkert meistaraverk - langt frá því - en samt með því betra sem maður hefði getað átt von á. Aðalleikararnir hafa allir sannað sig áður og standa fyrir sínu hér. Húmorinn nær sér oft á flug og hittir til marks oftar en ekki. Það er fín lína á milli rómantíkur og væmni og þrátt fyrir að myndin hætti sér vitlausu megin stöku sinnnum (sum atriði með dótturina t.d.) er hún réttu megin ef litið er yfir heildina. Því get ég ekki annað en skellt þremur stjörnum á þessa.