Something's Gotta Give (2003)

Mér fannst þessi mynd sú allra leiðinlegasta mynd sem ég hef farið á í bíó. Ég beið bara eftir að myndin kláraðist. Myndin fjallar um gamlan mann sem deitar aðeins ungar stelpur. Hann kynnist svo mömmu einnar stelpu sem hann er að deita og verður ástfanginn af henni (mjög fyrirsjáanlegt). Myndin heldur svo þannig áfram, saman og ekki saman. Mjög leiðinleg og langdregin mynd og ég mæli alls ekki með henni.

Þetta er nú sönn rómantísk/gamanmynd. Með því meina ég að þetta hefur stimpil á sér sem segir: hefur verið gert áður. Ekkert nýtt og Jack Nicholson. En hún var alls ekki alvond. Þó að upprunalega hugmynd myndarinnar er gömul og aum þá er bætt við smá frumleika til að gera söguna eitthvað betri. Jack Nicholson leikur mjög vel eins og oftast sem gamall kall í þessu post-midlife crisis sem fellur fyrir móður kærustu sinnar sem Keaton leikur líka eins og Jack mjög vel. Keanu Reeves leikur eitt aðalhlutverkanna og var fyndið að sjá Neo í læknisfötum að EKKI vera að lemja vondu kallana og segja ´Yeah´ við hverja einustu fullyrðingu. Hann lék bara vel, ég kvarta ei. Something´s Gotta Give er mynd sem móðir mín myndi fíla mun meir þar sem ég er nú ekki þannig manneskja fyrir svona myndir. Ég tel þessa mynd alveg áhorfanlega og það er alveg hægt að sjá hana einu sinni án þess að leiðast. Það eru margir góðir brandarar og Jack Nicholson heldur myndinni uppi mest allan tímann.

Þessi mynd er ein stór KLISJA.

Þetta er kanski ekki beint formúlan að rómantískri mynd þannig séð, því þessi fer bara út í öfgar hvað það varðar.

Hún er ekki beint væmin þessi mynd, en hún hefur sína spaugilegu parta sem hægt var að hlægja að, en þegar líða fór á myndina þá var ég alltaf að líta á úrið mitt og var að vona að myndin færi nú að taka enda.

Myndin er alltof löng fyrir þessa tegund myndar og ekki meira efni en hún er.

Jack Nicholson var góður í sýnu hlutverki og einnig hún Diane Keaton sem er tilnefnd til óskarsverðlauna fyrir sitt hlutverk í myndini. En þó svo að margir góðir leikar séu samankomnir í þessari mynd sem lítur út fyrir að vera hin fullkomna rómantíska mynd þá er hún frekar leiðinleg í heildina.

Ef þú hefur gaman af rómantískum myndum og langar til að sjá eina, farðu þá frekar á video leigu og taktu Sleepless in Seattle.

Ef einhver er í leit að ekta konubíói, þá er Something's Gotta Give svo sannarlega rétta valið. Kannski ekki skrítið, enda er Nancy Meyers (What Women Want o.fl.) orðin meira en sérhæfð í þessum bíógeira. Hér er um að ræða formúlumynd - kannski fullmikla formúlumynd. Satt að segja sækir þessi mynd í mjög margar klisjur, og ekki nóg með það, heldur fannst mér hún stundum vera að sækja úr öðrum kvikmyndum líka. Meyers hefur ábyggilega verið nýbúin að horfa á You've Got Mail, Annie Hall, When Harry Met Sally (eins og þessi setning: ''men and women can never be friends'' - plís!! þetta kalla ég bara stuld) og As Good as it Gets áður en hún skrifaði þessa mynd, og örugglega nokkrar sápuóperur líka. Það sem hífur myndina þó a.m.k. aðeins upp eru frammistöður leikaranna. Jack Nicholson er alveg frábær að venju í hlutverki þar sem hann gerir dálítið grín að sjálfum sér (maður sem fer út með miklu yngri konum - hljómar það kunnuglega?). Diane Keaton er líka verulega fín enda Óskarstilnefning þar á ferð. Amanda Peet gerir líka sífellt betri hluti og Keanu Reeves var ekkert slæmur þótt hann gerði bókstaflega EKKERT sem reyndi á leikhæfileika hans, ef þeir eru þá til. Myndin er reyndar líka á köflum þónokkuð fyndin, og það kom mér einna helst á óvart að hún skuli ekki hafa dottið í væmnisgryfjuna. En í staðinn var hún alltof löng og virkar eitthvað svo gífurlega langdregin á köflum, og það hefði sjálfsagt mátt stytta hana um 10-15 mínútur. Annars er þetta sæmileg afþreying með leikurum sem standa vel undir nafni, en hún mun höfða mun meira til kvenna. Ekki spurning.6/10