Sleepy Hollow (1999)

Fyndin, óvænt og smá hrollvekjandi mynd um lækni/rannsóknarlögreglumann sem sendur er til bæjar til að rannsaka dularfull morð og uppgvötar að ekki allir í bænum eru það fyrirmyndarfólk sem það á að vera. Jhonny Depp fer á kostum í þessari hrollvekjandi grínmynd. Vel leikin, vel gerð mynd, og umhverfið flott og má minna á að myndin er tekin upp á bláa linsu þannig allt blóð varð að vera appelsíngult í alvöru.

Óeðlilega vel leikstýrð,fyndin,vel leikin,óhugnaleg,blóðug og allt sem hryllingsmynd þarf. Tim Burton er ótrúlega góður leikstjóri og hefur greinilega sparað kraftan fyrir þessa. Hún er ekki fyrir viðkvæma og hjartveika því hún er ótrúlega óhugnaleg og ofbeldisfull en þannig gerast hrollvekjur bestar. Johnny Depp (Pirates Of The Caribbean,Edward Scissorhands) leikur rannsóknarlöggu sem á að rannsaka morð í smáþorpinu Sleepy Hollow. Þegar hann kemur í bæinn sér hann að morðinginn er afhausaður draugur,sem er fagmannlega leikinn af Christopher Walken. Með betri myndum Burtons, algjört meistaraverk.

Þetta er ein af óhugnalegustu myndum sem ég hef séð! Johnny Depp leikur rannsóknarlöggu sem á að rannsaka ofbeldisfull og dularfull morð í litla þorpinu Sleepy Hollow. Þegar Depp kemur uppgvötar hann að morðinginn er alger brjálæðingur og morðinginn er afhausaður draugur sem Christopher Walken túlkar ótrúlega vel í leik sínu msem morðinginn. Ég vil vara við að þessi mynd er alls ekki fyrir viðkvæma því margir hausar eru fljúgandi í þessari mynd og hún er ekki síður blóðug og óhugnaleg.

Mjög mjög skemmtileg mynd en satt að segja finnst mér myndin svolítið mikið rugl svolítið líkt draugasögu en söguþráðurinn er ágætur en samt mjög góð mynd og ég myndi mæla með henni.

Sleepy hollow er byggð á þjóðsögunni um Ichabod Crane og hauslausa riddarann á hinum deyjandi dögum átjándu aldarinnar. Munið þið eftir þættinum af Are you afraid of the dark þar sem akkúrat þetta þema var notað? En jæja, þessi mynd er alls ekki betri heldur en tveggja stjarna virði. Hún er alveg flott og myrk en hún er algjör steypa og nær aldrei að vera neitt sérstaklega hrollvekjandi. Gamli góði Johnny Depp leikur Crane sjálfan en kafar ekkert mjög djúpt í hlutverkið. Christopher Walken sá toppleikari leikur hauslausa riddarann þegar hann er með haus(ef þið skiljið hvað ég á við) og segir aldrei orð sem getur verið kostur(en ekki alltaf) og er það tvímælalaust kostur fyrir hlutverk Walken´s í þessari mynd sé haft það í huga að með eða án hauss hefur riddarinn nákvæmlega ekkert að segja. Horfið á þessa einu sinni jafnvel tvisvar og hafið gaman af en þetta er ekkert meistaraverk.

Ég hélt að laugardagskvöldið yrði alveg glatað þegar Svefnhólar voru sýndir í sjónvarpinu fyrir skömmu ( mamma og pabbi voru stórhrifin af henni þegar þau fóru á hana í bíó:=) Það fer honum Johnny Depp ekkert mjög vel að vera máluður í gotneskum stíl en hann stendur sig vel sem rannsóknarlögreglumaðurinn Ichabond. Ichabond er eitthvað að pirra yfirmenn sína með framúrstefnulegum hugmyndum um að rannsaka glæpi og þess háttar, yfirkarlarnir bara hengja fólk um leið og það er grunað, og það finnst Ichabond ekki nógu gott. Vandræðagemsinn er þá sendur með nýtískulegu tólin sín í krummaskuðið Svefnhóla og á að rannsaka þar dularfull morð, en bæjarbúar halda því fram að þar sé höfuðlaus riddari að verki. Ichabond kynnist þokkadísinni Cathrine, fær uppáþrengjandi smástrák sem aðstoðarmann og eignast keppinauta. Nornirnar eru snilld, höfuðlausi riddarin er þúsund sinnum meiri snilld, tónlistin, blóðið og viðbjóðurinn lætur mann fá hressilegan hroll. Frábær hrollvekja.

Sleepy Hollow er þokkalega góð mynd enda frá leikstjóra Batman 1 og 2,The Planet Of The Apes,Edward Sicorhands og Mars Atacks það er eingin annar en Tim Burton. Sleepy Hollow fjallar um Lögreglumannin Icoaboad Crane (Johnny Depp) sem er sendur til Svefndals (Sleepy Hollow) að ransaka morð en morðinginn er hauslaus riddari (Christopher Walken) sem drepur fólk á fullu en afhausar þau eins snyrtilega og hárgreiðslumaður. Sjáið þessa frábæru mynd meðal annars leika Johnny Depp,Christina Ricci og Christopher Walken sjáið þessa.

Maestro Tim Burton snýr hér aftur og er komin í grátónuðu áferðina aftur eftir að hann skildi við hann þegar hann gerði Mars Attacks! árið 1996 og má segja að gamli góði stíllinn henti honum miklu betur. Áframhaldandi samstarf hans og hins fantagóða leikara Johnny Depp ber góðan ávöxt hér þar sem þeir eru báðir í essinu sínu. Leikmyndirnar er meiriháttar og allt er útfært eins og sönnum atvinnumönnum sæmir. Aukaleikararnir eru nánast allir þekktir og vel valdir inn í hlutverkin og má þá einna helst nefna hinn ofurfæra Ray Park (Darth Maul í Star Wars 1) sem hér leikur illmennið, hinn hauslausa hestamann, þ.e.a.s. þegar hann er ekki með höfuðið sem þá er leikinn af Christopher Walken sem er einkar ófrýnilegur. Hauslausi hestamaðurinn er eitt flottasta illmenni sem sést hefur lengi á tjaldinu og til að bæta glæsileika hans þá á hann það til að sveifla sverðinu sínu og alveg ÓTRÚLEGA svalan hátt áður en hann sneiðir af fórnarlömbum sínum toppstykkið. Myndin er í senn spennandi, fyndin, rómantísk og hreinlega bara besta skemmtun sem ég hef fengið í langan tíma. Ekki væri verra að fá eitthvað af svipuðum toga frá Burton einhvern tíman í nánustu framtíð.

Snillingurinn Tim Burton er kominn aftur á hvíta tjaldið og hefur aldrei verið dekkri! Hér segir hann frá lögreglumanninum Ichabod Crane (Johnny Depp) sem ferðast til krummaskuðsins Sleepy Hollow á Nýja-Englandi árið 1799 til þess að rannsaka dularfull dauðsföll þar. Í öllum tilvikunum hefur höfuð fórnarlambanna verið sneitt af búknum. Þegar Ichabod kemur til Sleepy Hollow segja guðhræddir og hjátrúarfullir heimamennirnir honum að hauslausi hestamaðurinn hafi framið morðin en hann var gífurlega öflugur stríðsmaður sendur til þess að bæla niður uppreisnina gegn Englendingum á sínum tíma. Ichabod trúir á vísindi og skynsemi og trúir þess vegna ekki einu orði af því sem heimamenn segja honum. En fljótt fara að renna á hann tvær grímur þegar hann hefur séð hauslausa hestamanninn í eigin persónu auk þess sem að allir í þorpinu virðast vera að fela eitthvert skelfilegt leyndarmál. Til þess að flækja enn málin fyrir Ichabod verður hann ástfanginn af dóttur þorpshöfðingjans, Katrinu Von Tassel (Christina Ricci). Tim Burton er einn af mínum uppáhaldsleikstjórum. Aðallega út af því að hann er einhver hugmyndaríkasti og frumlegasti leikstjóri í heiminum. Honum bregst ekki bogalistin hérna þótt hann sé kannski ekki beint að gera neitt meistaraverk. Hins vegar er hann að bjóða áhorfendum upp á frábæra skemmtun frá upphafi til enda. Hann hefur reyndar aldrei verið dekkri og er oft farinn út í hreina hryllingsmynd en setur samt alltaf sinn einstaka kolsvarta húmor inn í hlutina. Til dæmis er persóna Ichabods skemmtilega skrítin. Hann getur krufið nokkurra vikna lík en er skíthræddur við kóngulær. Johnny Depp er réttur maður í hlutverkið. Hann gerir Ichabod að skrítnum og fyndnum karakteri en setur einnig töluverða dýpt í hann þegar með þarf. Aðrir leikarar í myndinni eru meira til áfyllingar. Reyndar finnst mér stundum í myndinni að góðir leikarar séu vannýttir þar á meðal aragrúi af breskum gæðaleikurum. En maður fyrirgefur Burton það af því að hann lætur myndina ganga hratt og örugglega fyrir sig. Handrit myndarinnar er eftir Andrew Kevin Walker svo að maður skilur kannski af hverju þetta er dekksta mynd Burtons frá upphafi. Tónlist snillingsins Dannys Elfmans er frábær sem endranær og kvikmyndatakan er stórgóð. Allt útlit myndarinnar er frábært og er hún sannkölluð veisla fyrir augað. Þessi mynd ristir kannski ekki djúpt en er samt sem áður pottþétt skemmtun frá upphafi til enda.

Tim Burton veldur hér ekki vonbrigðum frekar en fyrri daginn. Johnny Depp leikur ötulan lögreglumann í New York, sem er sendur út á landsbyggðina til að rannsaka dularfullt morðmál, en fljótlega kemur á daginn, að þar á hann í höggi við snaróðan hauslausan fjöldamorðingja. Sleepy Hollow er mjög góð draugamynd í anda gömlu gotnesku hrollvekjanna, enda byggð á þekktri draugasögu frá nítjándu öld sem kvikmynduð hefur verið nokkrum sinnum.

Gargandi snilld, eins og flest það sem Tim Burton tekur sér fyrir hendur, þó hún sé alls ekki gallalaus. Hinn feykisérstaki Burton-stíll kemur hér bráðskemmtilega út, umhverfið hentar sögunni fullkomlega og leikur, leikstjórn, tónlist og sviðsmynd skapa mjög sterka og ógnvekjandi - þó oft líka fyndna - heild. Allir leikarar koma vel út, meira að segja hörmungin Casper Van Diem var allt í lagi. Þó hefði þáttur Christopher Walken mátt að ósekju vera meiri því hann er flottastur. Þetta er mynd sem allir verða að sjá, þetta á eftir að verða klassík.

Þetta er ógeðslega góð mynd. Tim Burton bregst ekki frekar en fyrri daginn. Johnny Depp og Christina Ricci eru mjög góð í sínum hlutverkum. Christopher Walken er líka mjög góður í sínu hlutverki sem Höfuðlausi riddarinn. Þokkalega ógeðsleg mynd, en ég mæli samt hiklaust með að þið sjáið þessa strax.