The Corruptor (1999)

Satt að segja bjóst ég við enn einni harðhausaklisjunni, þegar ég var svo að segja neyddur inn á þessa kvikmynd, en hún kom sem betur fer ánægjulega á óvart sökum frumlegs handrits. Þar að auki var gott að sjá Hong Kong leikarann Yun-Fat Chow úr myndum John Woos á nýjan leik.

Ágætis hasarmynd sem segir frá tveim lögreglumönnum í Kínahverfi New York borgar og átök þeirra við stórt glæpagengi. Mikil spilling er í Kínahverfi og erfitt fyrir lögreglumenn að hafa hreinan skjöld. Mark Wahlberg leikur lögreglumann sem er fluttur í Kínahverfi og fær sem félaga Chow Yun Fat, sem er nú bara ansi góður í þessari mynd. Ég átti von á týpískri hasarmynd en handritið er í hærri gæðaflokki en ég gerði ráð fyrir og inniheldur nokkrar fléttur sem eru ekki fyrirsjáanlegar. Helsti veikleikinn er ef til vill kínversku illmennin, þau komu ekki ógnvekjandi út. Mynd sem þessi stendur og fellur að mörgu leiti með því hversu sannfærandi "vondu kallarnir" eru. Það er samt nóg af hasar og er hann mjög vel útfærður. Það er líka sérstök ástæða til að lofa hljóðrásina í þessari mynd. Í stuttu máli fín hasarmynd en hefði samt getað verði betri.