My Cousin Vinny (1992)

Bill Gambini og Stanley Rothenstein eru tveir vinir úr New York University sem eru nýkomnir með skólastyrk til að fara í UCLA háskólann í Kaliforníu. Þeir ákveða á leið sinni þangað að keyra í gegnum suðurríki Bandaríkjanna. Þegar þeir koma til Alabama, þá stoppa þeir í klukkubúð til að kaupa sér smá snarl. En um leið og þeir fara út úr búðinni þá eru þeir handteknir. Þeir halda að þeir hafi verið handteknir fyrir að stela úr búðinni, en sakarefnin eru morð og rán. Það sem verra er að þeir horfa fram á dauðarefsingu fyrir glæpina. Bill og Stan eiga enga peninga til að borga fyrir lögfræðing, en góðu fréttirnar eru þær að Bill á frænda sem er lögfræðingur, Vincent Laguardia Gambini. Slæmu fréttirnar eru þær að Vinny er óreyndur lögfræðingur og hefur aldrei flutt mál fyrir dómstólum. Þannig að Vinny þarf að verja skjólstæðinga sína og á í höggi við ósveigjanlegan dómara, nokkra harða aðila úr bænum, og jafnvel kærustuna, Mona Lisa Vito, sem veit hreinlega ekki hvenær hún á að halda kjafti, til að sanna sakleysi strákanna. En hann áttar sig fljótlega á því að hann þarf að leita eftir hjálp.