Oz er tannlæknir í Montreal, sem er að reyna að borga niður skuldir svo hann geti skilið við eiginkonuna: en þau þola ekki hvort annað. Þegar hún kemst að því að nýi nágranninn er leigumorðinginn Jimmy the Tulip, og sem er með verðlaunafé sett til höfuðs sér, þá sendir hún Oz til Chicago til að fá peninga fyrir að segja mafíuforingjanum yanni hvar Jimmy er að finna. Til að losna við nöldrið í konunni, þá fer Oz, og aðstoðarkona hans Jill hvetur hann til að nota tækifærið og fara á kvennafar í leiðinni. Einn af mönnum Yanni bíður eftir Oz á hótelinu, og Oz er núna of flæktur í málið til að komast undan því að segja Yanni allt sem hann veit. Á sama tíma þá svíkur eiginkonan Oz, og segir Jimmy frá öllu saman, og vonar að Jimmy drepi Oz svo hún geti grætt á líftryggingunni hans. Oz hittir eiginkonu Jimmy, felllur fyrir henni, og enn flækjast málin. Jafnvel Jill er ekki sú sem hún segist vera.
Mér fannst þetta vera mjög góð mynd og ég get sagt fyrir mitt leyti að hún er frábærlega fyndin og allir leikarar passa vel við sína persónu. Bruce Willis er frábær sem þessi yfirvegaði og óttalausi leigumorðingi. Matthew er líka góður sem tannlæknir í vonlausu hjónabandi í úthverfum Montreal. Ég mæli með þessari mynd. Hún er frabær. Sjáið hana.
Ég verða að vera sammála því að Matthew Perry var einum og "Chandler-legur" í þessari mynd og að hreymur Rosanna Arquette var alveg hryllilegur. En samt sem áður var þetta ágætis afþre…
Ég verða að vera sammála því að Matthew Perry var einum og "Chandler-legur" í þessari mynd og að hreymur Rosanna Arquette var alveg hryllilegur. En samt sem áður var þetta ágætis afþreying. Aðrir leikarar stóðu sig ágætlega. En það vantaði meiri dýpt í persónunar. En sá leikari sem mér fannst standa uppúr var Natasha Henstridge, sem stóð sig einstaklega vel. Semsagt: Ágætis grínmynd, með góðum leikurum (sem hefðu getað gert betur). Ég mæli með því að fólk sjái þessa mynd, þar sem hún var mjög góð skemmtun. En ekki búast við einhverjum stórleik.
Þessi mynd kom mér svolítið á óvart hversu innihaldslaus hún var í raun og veru. Það gerðist bókstaflega ekkert alla myndina. Matthew Perry átti góða spretti en Bruce Willis var samt al…
Þessi mynd kom mér svolítið á óvart hversu innihaldslaus hún var í raun og veru. Það gerðist bókstaflega ekkert alla myndina. Matthew Perry átti góða spretti en Bruce Willis var samt allra skástur. Ekki nógu fyndin og innihaldslaus, gef henni tvær fyrir það eitt að ver ágæt dægrastytting. Takk fyrir.
Já, ég ætla að byrja á að taka undir það að Roseann Arquette er óþolandi í myndinni með þennan "franska" hreim sinn, þannig að maður virkilega hatar manneskjuna, en er það ekki einm…
Já, ég ætla að byrja á að taka undir það að Roseann Arquette er óþolandi í myndinni með þennan "franska" hreim sinn, þannig að maður virkilega hatar manneskjuna, en er það ekki einmitt tilgangurinn? Matthew Perry er alger vinur í myndinni, en er það ekki alveg í lagi? Bruce Willis er alltaf að leika sama manninn, ekki satt, "John McClaine" týpuna og hvað með það, hann er alltaf flottur! Þannig að myndin er snilld, flottir kvenmenn (nema gamla nornin), hnittnar setningar, og bara trylltur húmor, ég hreinlega sprakk yfir myndinni! Eftirlætis atriði: Þegar vinurinn misþyrmir stýrinu á bílum sínum eftir að hafa gengið í gegnum vítiselda sinnar "heittelskuðu".
Frekar er þetta nú slöpp grínmynd verð ég að segja.Perry vinur er svo fastur í vinahlutverkinu að það er ekki fyndið. Willis er hinsvegar flottur að vanda alltaf sami töffarinn. Þessi m…
Frekar er þetta nú slöpp grínmynd verð ég að segja.Perry vinur er svo fastur í vinahlutverkinu að það er ekki fyndið. Willis er hinsvegar flottur að vanda alltaf sami töffarinn. Þessi mynd voru töluverð vonbrigði...
Það er afar góður leikhópur sem fer með aðalhlutverkin í þessari stórskemmtilegu gamanmynd leikstjórans Jonathan Lynn sem á að baki myndir eins og "My Cousin Vinny", "Greed" og "Sgt. Bilk…
Það er afar góður leikhópur sem fer með aðalhlutverkin í þessari stórskemmtilegu gamanmynd leikstjórans Jonathan Lynn sem á að baki myndir eins og "My Cousin Vinny", "Greed" og "Sgt. Bilko". Fremstir í flokki eru Bruce Willis (Die Hard, The Sixth Sense) og Matthew Perry (Friends) og eru þeir ágætir í hlutverkum sínum. Hér segir af tannlækninum Nicholas "Oz" Oseransky (Perry), sem býr í úthverfi Chicago ásamt eiginkonu sinni Sophie (Rosanna Arquette). Hjónaband hans er í molum og þau hjón eiga sér þann draum heitastan að losna hvort við annað. Vandamálið er að fjárskuldbindingar þeirra gera þeim nánast ókleift að skipta búinu. Dag einn flytur maður einn inn í næsta hús við hliðina á þeim hjónum og ekki líður á löngu uns þau uppgötva að þar er kominn enginn annar en leigumorðinginn fyrrverandi, Jimmy "The Tulip" Tudeski (Willis). Jimmy hafði skömmu áður borið vitni gegn mafíufjölskyldunni sem hann starfaði fyrir og fer nú huldu höfði. Sophie er hins vegar ekki lengi að sjá gróðavonina í málinu og hún hvetur Oz til að fara á fund mafíuforingjans Yannis Gogolacks, sem hefur heitið háum verðlaunum hverjum þeim sem vísað getur honum á Jimmy. Oz líst í fyrstu ekkert á að blanda sér inn í svo hættuleg mál en vonin um að geta loksins skilið við Sophie hvetur hann til að drífa þetta af. Það kemur hins vegar á daginn að þar með er Oz búinn að hella sér út í meira en hann ræður við og fyrr en varir hangir líf hans sjálfs á bláþræði! Í öðrum stórum hlutverkum í myndinni eru m.a. þau Rosanna Arquette, Nastasha Henstridge, Kevin Pollak, Amanda Peet og Michael Clarke Duncan, sem fór á kostum í kvikmyndinni "The Green Mile" og hlaut hann fyrir stórleik sinn í henni tilnefningu til óskarsverðlaunanna 1999 sem besti leikari í aukahlutverki. Ágæt kvikmynd sem ég mæli með að fólk missi ekki af. Hér er á ferðinni ágætis skemmtun sem allir ættu að hafa mikið gaman af. Ekki missa af henni!!
Þokkaleg mynd sem er eitthvað óviss hvort hún vilji vera grínmynd eða glæpamynd. Söguþráðurinn snýst um tannlæknin Oz (Matthew Perry) sem er fastur í vonlausu hjónabandi og er ekkert …
Þokkaleg mynd sem er eitthvað óviss hvort hún vilji vera grínmynd eða glæpamynd. Söguþráðurinn snýst um tannlæknin Oz (Matthew Perry) sem er fastur í vonlausu hjónabandi og er ekkert sérlega sáttur við lífið og tilveruna. Einn daginn flytur alræmdi leigumorðinginn Jimmy the Tulip (Bruce Willis) inn í næsta hús og setur það í gang atburðarás sem felur í sér ást, samsæri, peninga og morð. Matthew Perry stendur sig bærilega í hlutverki taugaveiklaða tannlæknisins en taktarnir hans minna samt um of á Chandler í Friends og ég er ansi hræddur um að hann þurfi að finna upp á einhverju nýju ef hann vill endast í þessum bransa. Hlutverk Bruce Willis er ekkert nýtt fyrir honum, fyrir örfáum árum lék hann einnig leigumorðingja í The Jackal þó að persónan hans hér sé reyndar aðeins mýkri, þetta er í raun hlutverk sem hann gæti leikið "með bundið fyrir augun". Einnig er Michael Clark Duncan (risinn úr The Green Mile) traustur þó að hans hlutverk sé heldur ekki mjög krefjandi. Rosanna Arquette hlýtur þann vafasama heiður að sýna hér úldnustu frammistöðu nýja árþúsundsins sem tíkarlega eiginkona Oz, mig verkjaði nánast í eyrun undan franska hreimnum hennar. Það eru til margar verri leiðir til þess að drepa tvo tíma en það væri samt stórlega ýkt að kalla þetta mynd sem allir verða að sjá, vinsældir myndarinnar í USA (og hérna á klakanum ef marka má fjöldann sem var í bíó áðan) eru greinilega nánast eingöngu til komnar vegna aðdráttarafls aðalleikarana tveggja.
Bönnuð innan 6 ára
Ofbeldi
