Fyrir ekki svo löngu síðan birtum við fyrstu kitluna úr sjónvarpsþáttunum Hannibal sem væntanleg er á dagskrá NBC sjónvarpsstöðvarinnar bandarísku, en Hannibal fjallar um hinn geðþekka fjöldamorðingja og mannætu Hannibal Lecter sem Anthony Hopkins gerði ódauðlegan í Silence of the Lambs og fleiri bíómyndum.
Nú er komin ný kitla fyrir þættina, sem sjá má hér fyrir neðan:
Eins og sést er áhersla lögð á sálfræðispennu í þessari kitlu sem og þá staðreynd að Hannibal hefur mikinn áhuga á því að snæða fórnarlömb sín: „Hann vill ekki eyða þeim. Hann vill neyta þeirra.“
Þættirnir verða frumsýndir á NBC eftir tæpan mánuð, eða þann 4. apríl nk.
Mads Mikkelson leikur Hannibal í þáttunum en á móti honum leikur Hugh Dancy, sem leikur hæfileikaríkan greinanda hjá lögreglunni, sem leitar til Hannibals eftir hjálp við að elta uppi og finna verstu fjöldamorðingja landsins. Einnig leika í þáttunum þau Laurence Fishburne, Caroline Dhavernas, Hettienne Park, Scott Thompson og Aaron Abrams.