The Silence of the Lambs (1991)

Myndir eins og Silence of the Lambs eiga bara skilið fjórar stjörnur. Það munaði littlu hvort ég gæfi henni þrjár og hálfa í stað þess fjóra en það skiptir svo sem engu miklu máli. Myndinn er hinsvegar mjög vel leikinn og ég vona að þessi mynd vann eihvern óskarsverðlaun(don't know). Leikarar á borð við Anthony Hopkins(Zorro,Red Dragon) og Jodie Foster(Panic Room,Red Dragon) eru bara að sýna hvernig þau snillingarnir leika. Myndin er örugglega lang besta myndin árið 1991 sem eiginlega ekkert skrýtið. Myndinn er mál þar sem geðklofin Buffalo Bob, er að drepa konur og nú er hann búinn að ræna eina dóttur sem móður hennar er einhver alþingiskona. Clarice(Jodie Foster) fær að vinna í þessu hrokafullu máli og vill gjarnan heyra hvað hann Dr.Hannibal Lecter(Anthony Hopkins) hefur að segja um hann. Hann veit nú þegar mjög mikið um þennan Buffalo bob og segir að hann hefur verið með honum og hefur kennt honum eitthvað. Þeir munu gefa honum smá frelsi og hann mun ekki verða svona mikið refsaður. Clarice reynir smátt og smátt að reyna leita betur frá þessum Buffalo Bob sem er eiginlega kona(hann er ekki með typpi). Já, leikararnir eru mjög skemmtilegir og það er gaman að sjá Anthony Hopkins leika svona gott hlutverk því að þau eru frekar sjaldgefin og það er líka flott hvernig hann Hannibal er morðlegur að það er frekar mjög kúlt. Ég held að Hopkins vann óskarinn árið 1991. Leikstjórin Jonathan Demme er mjög góður að leikstýra þessari mynd og ég vona að hann hafi unnið óskarinn fyrir þetta. Ég verð að enda á því að þessi mynd fær þokkalega fjórar stjörnur sem er gott því þetta er snilld. Þetta voru lokaorð mín á Silence of the lambs. Takk fyrir

Þvílík og önnur eins kvikmynd hef ég ekki séð í langan tíma. Ég horfði á hana í gær og ég er enn með gæsahúð.

Myndin fjallar um Clarice Starling ungan F.B.I nema sem fær það verkefni að taka viðtal við Dr. Hannibal Lecter geðsjúkling með smekk fyrir mannakjöti, út af raðmorðingjanum Buffalo-Bill sem flær húðina af fóralömbum sínu.

Myndatakan er góð, lýsingin geðveik og tónlistin frábær.

Stórkostleg mynd og stórleikur frá öllum leikurum.

The Silence of the Lambs er án efa sú mynd sem markaði djúp spor sín fyrir öðrum myndum sem komu í kjölfarið, eins og Seven, The Bone Collector, Kiss the girls, Ressuruction ofl. Leikstjórinn Jonathan Demme var fengin til að leikstýra Silence, en hann hafði bara gert grínmyndir þá og var það talin nokkur áhætta að ráða hann sem leikstjóra. En það skilaði sér margfalt til baka. Jack Nicholson, Robert Duval og Gene Hackman voru nöfnin sem komu upp til að leika mannætuna hungruðu, en Demme hafði séð mynd árið 1981 sem hét The Elephant Man með John Hurt í aðalhlutverki, sem lék snilldarlega fílamanninn John Merrick. Það var lítt þekktur leikari sem lék hinn manngóða og einlæga lækni hans Merrick í Elephant Man, sem náði athygli leikstjórans. Demme sá Lecter sem mannlegann og afburðar snjallan sálfræðing, sem var læstur í geðveikum huga.

Myndin er um ungan og metnaðarfullann nema hjá FBI Clarice Starling, Jodie Foster, sem vill ná frama í sérrannsóknardeild hjá FBI, sem sérhæfir sig í að hafa hendur í hári fjöldamorðingja. Jack Crawford, yfirmaður atferlisrannskóknardeildar í Quantico, Behavior Sience Unit, er búinn að sauma saman spurningarlista sem á að auðvelda lögregluyfirvöldum að handsama þessa ógurlegu fjöldamorðingja, en hann leitar til Clarice til að leggja listann fyrir þann eina sem neitar að vinna með FBI og sálfræðingum, og er Lecter hrein ráðgáta fyrir öllum. Hannibal The Cannibal Lecter, Anthony Hopkins, er sá sem þeir vilja fá svör frá, og á Clarice að meta það hvort hægt er að fá hann til að gefa einhverjar vísbendingar um hin hrottalegu fjöldamorð sem hinn hrottalegi klæðskeri, Buffallo Bill, er búin að framkvæma. Það eina er að Clarice má ekki láta hann vita neitt persónulegt um sig, því það seinasta sem allir vilja, er að fá Lecter til að hugsa um sig. Sambandið sem myndast á milli þeirra er það magnaðasta sem ég hef séð og er þungamiðjan í þessari mynd. Clarice brotnar saman undir djúpri sálgreiningu hjá Lecter, en reynir eftir fremsta megni að sýna honum það ekki. Hún ákveður svo á endanum að gefa honum sýn inn í hugarheim sinn sem gæti verið hennar verstu mistök, en hættir á það til að fá upplýsingar frá Lecter um fjöldamorðin. Quid pro quo. Fimm óskarsverðlaun er það eina sem ég get sagt. Myndatakan er þannig að þér finnst þú vera einn af leikurunum í myndini, þegar Lecter er að ræða við Clarice þá horfir hann alltaf beint í myndavélina, og áður en þú veist af ertu ósjálfrátt farinn að síga ofan í sætið, þú verður heltekinn af spennunni. Jonathan Demme vildi ekki leikstýra þessari mynd til að byrja með en þegar hann loksins las bókina var ekki aftur snúið og hann sagði, það er draumur allra leikstjóra að geta einu sinni á ferlinum gert bíómynd sem hræðir líftóruna úr áhorfendum. Demme tekst það snilldarlega hér. Myndin fær 4 stjörnur af 4 mögulegum hjá mér, með kveðju,

Ólafur Kr.

Klassísk og hreint frábær óskarverðlaunamynd sem segir alveg hreint einstaka sögu mannætunnar Hannibals Lecter. Clarice fulltrúaefni hjá FBI er fengin til að rannsaka Lecter og komast að því hvernig hann gat framið glæpi sína. Lecter er lokaður inni í rammgerðu búri og í kringum hann er urmull af vörðum sem gæta hans. En spurningin er bara sú kemst hann í gegnum eftirlitið og mun hann reyna að strjúka. Clarice hefur allan varann á við rannsóknina á voðaverkum Lecter og kemst brátt að því að kauði er meira en lítið ruglaður. Þessi frábæra kvikmynd er byggð á metsölubók Thomas Harris. Þau Anthony Hopkins og Jodie Foster fara svo sannarlega á kostum í hlutverkum Lecters og Clarice, þau fengu bæði verðskuldaða óskara fyrir meistaralegan leik sinn. Myndin hlaut sex óskarsverðlaun árið 1991, þ.á.m. sem besta kvikmyndin og fyrir leikstjórn og kyngimagnað handrit. Ég gef myndinni fjórar stjörnur og mæli eindregið, hún er einkar spennandi og er ótvírætt ein af fimm bestu kvikmyndum áratugarins og hún heldur áhorfandanum alveg við efnið út í gegn. EINSTÖK OG FANTAGÓÐ!

Einstakur spennutryllir sem versnaði svo sem alls ekkert við einstakan leik Sir Anthony Hopkins og einnig Jody Foster. Önnur myndin í röðinni um Dr. Hannibal Lecter, en í þessi hins vegar kemur hann mun meira við sögu. Myndatakan er góð og með lýsingu sem er frekar dökk og drungaleg... Eða raunveruleg mætti kalla það frekar. Hopkins sýnir algjöran snilldarleik með því að leika þessa annars rólegu mannætu sem hefur mjög fágaðan smekk á hinu þessu. Foster leikur mjög vel hina veiklynduðu Sterling, FBI lærling sem er við það að verða fullgildur FBI fulltrúi. Hún er að reyna fá upplýsingar uppúr Dr. Lecter um fjöldamorðingja sem gengur laus. Hryllilega góð mynd, ef svo má orði komast. Handritið er gott, takan og lýsing mjög góð, leikurinn er snilld og mest af öllu... Plottið gengur allt upp!

Frábær spennutryllir í leikstjórn Jonathan Demme. Anthony Hopkins fer á kostum sem mannætan Dr. Hannibal Lecter og einnig Jodie Foster sem leikur FBI neman Clarice Sterling. Hannibal er brjálaður fangi og mun ekki verða sleppt út meðan hann lifir en annar brjálaður maður gengur laus og það þarf hjálp Hannibals til þess að finna hann. Þá þarf flytja Hannibal á annan stað á meðan.

Þetta er besta hrylingsmynd sem ég hef séð, hún var allan tímann spennandi. Anthony Hopkins leikur sitt hlutverk nákvæmlega eins og það á að vera og það má varla sleppa 1 sekúndu, þá verður maður að spóla til baka. Jodie Foster er góð en hún leikur alríkislögreglukonu sem heitir Clarice M. Starling og reynir að finna Buffalo Bill sem er raðmorðingi . Fyrst leitar hún til Dr Hannibal Lechter til að fá nánari upplýsingar. Þegar maður er búin að sjá myndina þá verður maður að sjá Hannibal. Sá sem er ekki búin að sjá hana þá myndi ég fara í hvelli á vidióleiguna en ef þú ætlar að sjá Hanibal og er ekki búin að sjá The Silence of the lambs þá myndi ég fyrst sjá þessa. Góða skemmtun.

Algjör snilld! Þarf ekki að segja meira. Það eina sem angrar mig núna er að þegar maður er búinn að sjá myndina meira en 7 sinnum, þá veit maður allt plottið og myndin hættir að koma manni á óvart. En er ekki svo með allar myndir? Þeir sem af einhverjum ástæðum hafa ekki séð þessa mynd enn, ættu að verða sér úti um hana, finna stórt sjónvarp og gott hljóðkerfi, slökkva öll ljós og ýta á "play". Það er stranglega bannað að standa upp og fara á klósettið á meðan myndin er. 4 stjörnur... ég gæfi meira ef það væri hægt.

Algjörlega einn besti tryllir sem undirritaður hefur séð. Alríkislögreglukona, leikin af Jodie Foster, leitar að raðmorðingja sem kallaður er Buffalo Bill, vegna þess að hann afhýðir fórnarlömb sín að hluta. Til að reyna að skilja betur hugsanagang morðingjans leitar hún til raðmorðingjans og mannætunnar Dr. Hannibals Lecter þar sem hann situr inni á geðveikrahælifangelsi. Fjallar ekki síður um samband þeirra en leitina að Buffalo Bill og er oftast hrein unun á að horfa. Hafir þú, lesandi góður, ekki séð þessa mynd ertu góðfúslega beðinn um að segja engum frá því og leigja hana í hvelli, helst á breiðtjaldsformi ef hægt er.

Silence of the Lambs er snilldarverk. Jodie Foster leikur Clarice M. Starling mjög vel. Hannibal Lecter er langbesta hlutverk sem Anthony Hopkins hefur leikið hingað til. Þessi mynd verður, í mínu mati, talin ein af bestu myndum sem hafa nokkurn tíma verið gerðar.

Þessi mynd er algjör SNILLD, sú allra besta sem ég hef séð. Hún er ekki ógeðsleg, ekki eins og Hannibal en ógeðslega góð sálfræðilega.. hugurinn á Lecter er algjör TERROR, hann er ógeðsleg mannvera og það hefði enginn annar nema sjálfur snillingurinn Anthony Hopkins geta leikið þessa geðsjúku og siðblindu mannætu jafnvel. Myndin er spennandi, sérstaklega í endann, heldur manni alveg föstum við skjáinn, Jodie Foster er algjör snillingur líka, hefði verið gaman að fá hana í Hannibal, en maður fær ekki allt. Í þessari mynd er miklu meira lagt á sálfræðinga, hvernig Lecter nær sambandi, hvernig samband sem það er, við öll fórnalömb sín og rústar þeim.. hann er nú náttúrlega sálfræðingur.. og kokkur. 4 stjörnur, á það fyllilega skilið. SNILLD, ÞEIR SEM EKKI HAFA SÉÐ HANA.. VERÐA AÐ GERA ÞAÐ.

Ég held að það þurfi ekkert að kynna The Silence of the Lambs - hún er ein þekktasta, og besta, hrollvekja sem gerð hefur verið. Ólíkt öðrum hrollvekjum gerir Silence ekki út á það að sýna okkur blóðsúthellingar og limlestingar og sýnir okkur eins lítið og mögulegt er í staðinn. Við sjáum t.d. aldrei hvað Buffalo Bill gerir við fórnarlömb sín heldur bara hvernig þau líta út eftir á. Jonathan Demme lætur okkur um að fylla út í eyðurnar, rétt eins og David Fincher gerir í Se7en. En það er ekki Buffalo Bill sem er mest ógnvekjandi persónan í þessari mynd heldur Hannibal Lecter, óaðfinnanlega túlkaður af snillingnum Anthony Hopkins og er Jodie Foster sem Clarice Starling alveg jafngóð - ef ekki betri. Hopkins nær samt að skapa eina eftirminnilegustu persónu kvikmyndasögunnar, algjört illmenni sem er samt sem áður raunveruleg persóna. Samtölin milli Hannibal og Clarice sjá um að skelfa áhorfendur og nær Demme ótrúlega creepy-stemningu með flottri myndatöku Tak Fujimoto. Silence of the Lambs er fyrir löngu orðin klassísk og ættu þeir sem ekki hafa séð hana að drífa sig í því og þeir sem séð hafa ættu að kaupa Criterion DVD diskinn sem inniheldur fullt af flottu extra-dóti. Ein besta mynd 10. áratugarins.