Einstök bíóupplifun
Fyrsta Bíótöfrasýningin í nokkurn tíma fór fram í júní þegar stórmyndin Troy var sýnd í Smárabíói. Mæting var góð og stemningin frábær, enda var greinilegt að margir höfðu beðið lengi eftir tækifæri til að sjá myndina aftur á hvíta tjaldinu.
Það er eitthvað sérstakt við að upplifa kvikmynd sem maður elskar, í sal fullum af fólki með sömu tilfinningar til myndarinnar.
Hláturinn verður smitandi, spennan magnast og eftirminnileg augnablik verða enn áhrifameiri þegar salurinn bregst við á sama augnabliki. Eftir sýningu skapast oft skemmtilegar umræður um uppáhaldsatriðin og það sem upp úr stóð. Það er einmitt þessi sameiginlega upplifun sem gefur sígildum kvikmyndum nýtt líf þegar þær snúa aftur á hvíta tjaldið. Sama hversu stór sjónvarpsskjárinn er þá er einfaldlega erfitt að endurskapa þessa tilfinningu heima í stofu.
Jurassic Park snýr aftur á hvíta tjaldið í 3D
Næsta Bíótöfrasýning fer fram 15. júlí, þegar Jurassic Park eftir Steven Spielberg verður sýnd í 3D.
Þegar myndin var frumsýnd árið 1993 markaði hún tímamót í kvikmyndasögunni og er af mörgum talin ein besta ævintýra- og spennumynd allra tíma. Hún hefur staðist tímans tönn með glæsibrag og stendur enn sem ein af eftirminnilegustu stórmyndum tíunda áratugarins. Hún er af mörgum talinn einn fullkomnasti Hollywood-blockbuster allra tíma.
Dolby Atmos sem gerir stórmyndunum rétt skil
Með nýju samstarfi Bíótöfra og Smárabíós fara sýningarnar fram í MAX-salnum, sem er búinn glæsilegu Dolby Atmos hljóðkerfi. Munurinn heyrist greinilega. Stórar ævintýramyndir, hasarmyndir og aðrar sígildar stórmyndir verða einfaldlega áhrifameiri þegar þær eru sýndar með hljóði sem fyllir salinn.
Kraftmikil hljóðhönnun Jurassic Park nýtur sín einstaklega vel við þessar aðstæður og áhorfendur fá tækifæri til að upplifa myndina með hljóði sem gerir henni sannarlega rétt skil.
Jurassic Park nýtur sín einnig einstaklega vel í þrívídd. Ég fékk sjálfur tækifæri til að sjá Jurassic Park í 3D í Laugarásbíói fyrir rúmum tíu árum. Þrátt fyrir að hafa séð myndina margoft áður varð upplifunin allt önnur. Risastóra tjaldið, þrívíddin og viðbrögð áhorfenda gerðu þessa sígildu mynd að einni eftirminnilegustu bíóupplifun sem ég hef upplifað.
Það er einmitt það sem Bíótöfrar snúast um – að gefa kvikmyndaunnendum tækifæri til að endurupplifa sígildar kvikmyndir á þann hátt sem þær eiga skilið: á stóra tjaldinu, með framúrskarandi hljóði og í félagsskap fólks sem deilir sömu ástríðu fyrir kvikmyndum.
Ekki láta þessa einstöku bíóupplifun fram hjá þér fara. Bíótöfrasýningin á Jurassic Park í 3D fer fram í MAX-sal Smárabíós þriðjudaginn 15. júlí. Tryggðu þér miða og sæti á sýningunni hér.
Jurassic Park (1993)
8.2 
91% 
8/10 Aðgengilegt á Íslandi
