Topplisti: tíu eftirminnilegar “coming of age” kvikmyndir

“Coming of age” kvikmyndir fjalla um eitt það mikilvægasta í lífi hvers manns: að átta sig á því hver maður er. Þær sýna tímabilið þegar vinátta dýpkar, sjálfsmynd mótast og sakleysi víkur fyrir markandi lífsreynslu. Bestu myndirnar í þessum flokki ná að fanga þessa umbreytingu á heiðarlegan, trúverðugan og eftirminnilegan hátt.

Hér eru tíu kvikmyndir sem sýna vel breiddina í þessum flokki og hversu áhrifamiklar þessar sögur geta orðið.

10. Mid90s (2018)

Mid90s segir frá ungum dreng sem vill tilheyra og finnur sig í hópi hjólabrettavina í Los Angeles. Myndin er hrá og raunsæ og sýnir bæði jákvæðar og erfiðar hliðar uppvaxtar. Hún fangar sérstaklega vel stemningu og menningu tíunda áratugarins og leggur áherslu á vináttu og sjálfsmynd.

9. Licorice Pizza (2021)

Licorice Pizza gerist í Kaliforníu á áttunda áratugnum og fylgir tveimur ungum einstaklingum sem mynda óhefðbundið samband. Myndin er laus í formi og byggir á raunsæri persónusköpun fremur en hefðbundnum söguþræði, en fangar vel andrúmsloftið og þau vandræðalegu augnablik sem fylgja því að vera ungur og óviss um framtíðina.

8. American Graffiti (1973)

American Graffiti fylgir hópi ungmenna á einu sumarkvöldi áður en þau halda hvert í sína áttina. Myndin fangar vel þann tímamótapunkt þegar æskan er að líða undir lok og framtíðin er óljós. Hún er talin ein áhrifamesta þroskasaga kvikmyndasögunnar.

7. The Breakfast Club (1985)

The Breakfast Club segir frá fimm ólíkum unglingum sem eyða laugardegi saman í eftirsetu í skólanum og neyðast til að kynnast hver öðrum. Myndin sýnir hvernig staðalímyndir brotna niður þegar fólk gefur sér tíma til að hlusta og skilja hvert annað. Hún er ein þekktasta unglingamynd kvikmyndasögunnar.

6. Little Miss Sunshine (2006)

Little Miss Sunshine segir frá fjölskyldu sem ferðast þvert yfir Bandaríkin til að styðja dóttur sína í fegurðarsamkeppni barna. Ferðin verður að prófraun sem dregur fram bæði styrkleika og bresti allra sem taka þátt. Myndin er þroskasaga sem gerist í fjölskylduferðalagi þar sem jafnvel fullorðnir eru enn að mótast og þroskast.

5. Dead Poets Society (1989)

Dead Poets Society segir frá nemendum í ströngum heimavistarskóla sem fá nýjan kennara sem hvetur þá til að hugsa sjálfstætt og fylgja eigin sannfæringu. Myndin fjallar um sjálfsuppgötvun og hugrekki til að fylgja eigin köllun í lífinu. Robin Williams fer á kostum í hlutverki sínu sem kennarinn John Keating. „Seize the day.“

4. Almost Famous (2000)

Almost Famous fylgir ungum blaðamanni frá Rolling Stone tímaritinu sem fær tækifæri til að ferðast með rokkhljómsveit. Myndin fjallar um drauma, frægð og raunveruleikann sem því fylgir, þar á meðal vonbrigði og brostnar væntingar, og sýnir hvernig gildi eins og vinátta, kærleikur og fjölskylda vega þyngra en frægð og frami.

3. Clerks (1994)

Clerks fylgir tveimur vinum sem vinna í verslun og eyða deginum í samtöl um lífið, sambönd og framtíðina. Myndin er einföld í uppbyggingu en hittir beint í mark og er, auk þess að vera þroskasaga, af mörgum talin ein goðsagnakenndasta cult-mynd allra tíma. Framleiðsla myndarinnar kostaði tæplega 30 þúsund dali og hún er því talin ein árangursríkasta kvikmynd sem gerð hefur verið fyrir svo lítinn kostnað.

2. Dazed and Confused (1993)

Dazed and Confused gerist á síðasta skóladegi og fylgir hópi ungmenna sem fagna frelsi sumarsins. Myndin fléttar saman fjölmargar smásögur úr ólíkum vinahópum sem renna smám saman saman í eina heild. Hún fangar andrúmsloftið og þá tilfinningu að vera ungur og eiga alla framtíðina fram undan. Hún má að nokkru leyti líta á sem útgáfu áttunda áratugarins af American Graffiti, sem gerist á sjötta áratugnum. Hún telst ein áhrifamesta unglingamynd sinnar kynslóðar.

1. Stand by Me (1986)

Stand by Me segir frá fjórum vinum sem leggja af stað í ferðalag sem breytir þeim að eilífu. Myndin er einföld í uppbyggingu en djúp í áhrifum og fangar vináttu, ótta og þau augnablik sem marka tímamót þegar barnæskan er að líða undir lok og fullorðinsárin taka við. Hún er ein áhrifamesta þroskasaga kvikmyndasögunnar og er af mörgum talin sú allra besta.

Honorable mentions

Taking Woodstock, Easy A, Adventureland, The Way Way Back, The Kings of Summer, Fast Times at Ridgemont High, The Graduate, Sixteen Candles, Say Anything, The Outsiders, Empire Records, The Perks of Being a Wallflower, Superbad