Topplisti: tíu eftirminnilegar “coming of age” kvikmyndir

“Coming of age” kvikmyndir fjalla um eitt það mikilvægasta í lífi hvers manns: að átta sig á því hver maður er. Þær sýna tímabilið þegar vinátta dýpkar, sjálfsmynd mótast og sakleysi víkur fyrir markandi lífsreynslu. Bestu myndirnar í þessum flokki ná að fanga þessa umbreytingu á heiðarlegan, trúverðugan og eftirminnilegan hátt.

Hér eru tíu kvikmyndir sem sýna vel breiddina í þessum flokki og hversu áhrifamiklar þessar sögur geta orðið.

10. Mid90s (2018)

https://media.vanityfair.com/photos/5bc8b882d74dbf2da43fc80d/master/pass/Mid90s-Still.jpg

Mid90s segir frá ungum dreng sem vill tilheyra og finnur sig í hópi hjólabrettavina í Los Angeles. Myndin er hrá og raunsæ og sýnir bæði jákvæðar og erfiðar hliðar uppvaxtar. Hún fangar sérstaklega vel stemningu og menningu tíunda áratugarins og leggur áherslu á vináttu og sjálfsmynd.

Mid90s

Mid90s 2018

Gaman, Drama · 84 mín12 ára

Stevie er 12 ára gamall strákur í Los Angeles árið 1995 sem fær mikinn áhuga á hjólabrettaíþróttinni og kynnist í framhaldinu nokkrum eldri strákum sem eru lengra komnir í henni en hann og leggja fyrir sig ýmsar…

Gefa einkunn

9. Licorice Pizza (2021)

Licorice Pizza gerist í Kaliforníu á áttunda áratugnum og fylgir tveimur ungum einstaklingum sem mynda óhefðbundið samband. Myndin er laus í formi og byggir á raunsæri persónusköpun fremur en hefðbundnum söguþræði, en fangar vel andrúmsloftið og þau vandræðalegu augnablik sem fylgja því að vera ungur og óviss um framtíðina.

Licorice Pizza

Licorice Pizza 2021

Gaman, Rómantík, Drama · 133 mín12 áraIMDb 7.1

Uppvaxtarsaga Alana Kane og Gary Valentine þar sem þau lifa og leika sér og verða ástfangin í San Fernando Valley árið 1973.

Horfa:Síminn
Gefa einkunn

8. American Graffiti (1973)

American Graffiti fylgir hópi ungmenna á einu sumarkvöldi áður en þau halda hvert í sína áttina. Myndin fangar vel þann tímamótapunkt þegar æskan er að líða undir lok og framtíðin er óljós. Hún er talin ein áhrifamesta þroskasaga kvikmyndasögunnar.

American Graffiti

American Graffiti 1973

Gaman, Drama · 110 mínÖllum leyfðIMDb 7.4

Sumarið 1962 er á enda í litlum bæ í suður Karólínu. Þetta er kvöldið áður en bestu vinirnir, nýútskrifaðir úr miðskóla, Curt Henderson og Steve Bolander, ætla að fara úr bænum og fara í menntaskóla í austurhluta…

Gefa einkunn

7. The Breakfast Club (1985)

https://www.slashfilm.com/img/gallery/this-famous-breakfast-club-scene-was-actually-improved/l-intro-1647364574.jpg

The Breakfast Club segir frá fimm ólíkum unglingum sem eyða laugardegi saman í eftirsetu í skólanum og neyðast til að kynnast hver öðrum. Myndin sýnir hvernig staðalímyndir brotna niður þegar fólk gefur sér tíma til að hlusta og skilja hvert annað. Hún er ein þekktasta unglingamynd kvikmyndasögunnar.

The Breakfast Club

The Breakfast Club 1985

Gaman, Drama, Unglingamynd · 97 mín6 áraIMDb 7.8

Fyrir utan það að vera í sama bekk í Shermer miðskólanum í Shermer, Illinois, þá eiga þau Claire Standish, Andrew Clark, John Bender, Brian Johnson og Allison Reynolds fátt sameiginlegt, en einnig eru þarna þau Claire…

Gefa einkunn

6. Little Miss Sunshine (2006)

Little Miss Sunshine segir frá fjölskyldu sem ferðast þvert yfir Bandaríkin til að styðja dóttur sína í fegurðarsamkeppni barna. Ferðin verður að prófraun sem dregur fram bæði styrkleika og bresti allra sem taka þátt. Myndin er þroskasaga sem gerist í fjölskylduferðalagi þar sem jafnvel fullorðnir eru enn að mótast og þroskast.

Little Miss Sunshine

Little Miss Sunshine 2006

Gaman, Drama · 101 mín7 áraIMDb 7.8

Fjölskylda leggur af stað í ferðalag til að koma yngsta barninu í fegurðarsamkeppni. Hópurinn samanstendur af keðjureykjandi móður, nær gjaldþrota fjölskylduföður, samkynhneigðum frænda sem er að jafna sig eftir…

Gefa einkunn

5. Dead Poets Society (1989)

https://media.licdn.com/dms/image/v2/C5612AQG5Egb2bWbn_A/article-cover_image-shrink_720_1280/article-cover_image-shrink_720_1280/0/1616113452261?e=2147483647&t=q9CfZ4_rD0vlOAheKiGq7zS67s7IoI_sO3wT_lu9r9k&v=beta

Dead Poets Society segir frá nemendum í ströngum heimavistarskóla sem fá nýjan kennara sem hvetur þá til að hugsa sjálfstætt og fylgja eigin sannfæringu. Myndin fjallar um sjálfsuppgötvun og hugrekki til að fylgja eigin köllun í lífinu. Robin Williams fer á kostum í hlutverki sínu sem kennarinn John Keating. „Seize the day.“

Dead Poets Society

Dead Poets Society 1989

Gaman, Drama · 128 mín6 áraIMDb 8.1

Hinn sjúklega feimni Todd Anderson er sendur í sama skóla og hinn vinsæli bróðir hans og dúx var í. Herbergisfélagi hans Neil, sem er afburða klár og vinsæll, er undir hælnum á stjórnsömum föður sínum. Þeir tveir ásamt…

Gefa einkunn

4. Almost Famous (2000)

Almost Famous fylgir ungum blaðamanni frá Rolling Stone tímaritinu sem fær tækifæri til að ferðast með rokkhljómsveit. Myndin fjallar um drauma, frægð og raunveruleikann sem því fylgir, þar á meðal vonbrigði og brostnar væntingar, og sýnir hvernig gildi eins og vinátta, kærleikur og fjölskylda vega þyngra en frægð og frami.

Almost Famous

Almost Famous 2000

Gaman, Rómantík, Tónlist · 122 mín12 áraIMDb 7.9

Myndin gerist árið 1973 þegar rokkið lifir enn í gömlum glæðum. William Miller er 15 ára og afar hæfileikaríkur penni. Tónlist er hans líf og yndi. Greinar hans í óháðu tónlistartímariti vekja athygli ritstjóra…

Gefa einkunn

3. Clerks (1994)

https://miro.medium.com/1%2APm4aHTv6YSda8vwdZlIQOQ.jpeg

Clerks fylgir tveimur vinum sem vinna í verslun og eyða deginum í samtöl um lífið, sambönd og framtíðina. Myndin er einföld í uppbyggingu en hittir beint í mark og er, auk þess að vera þroskasaga, af mörgum talin ein goðsagnakenndasta cult-mynd allra tíma. Framleiðsla myndarinnar kostaði tæplega 30 þúsund dali og hún er því talin ein árangursríkasta kvikmynd sem gerð hefur verið fyrir svo lítinn kostnað.

Clerks.

Clerks. 1994

Gaman · 92 mín7 áraIMDb 7.7

Dante og Randall hata vinnu sína sem afgreiðslumenn í sjoppu/vídeóleigu. Myndin gerist á einum örlagaríkum degi í lífi þeirra þar sem að alls kyns skrautlegir viðburðir eiga sér stað og ýmsar litríkar persónur koma við…

Gefa einkunn

2. Dazed and Confused (1993)

https://assets.sbs.com.au/dims4/default/77cb431/2147483647/strip/true/crop/622x350%2B2%2B0/resize/1280x720%21/quality/90/?url=https%3A%2F%2Fsbs-au-brightspot.s3.ap-southeast-2.amazonaws.com%2Fdrupal%2Ffilm%2Fpublic%2Fimages%2F9%2F6%2F9643_dazed-and-confused-627.jpg

Dazed and Confused gerist á síðasta skóladegi og fylgir hópi ungmenna sem fagna frelsi sumarsins. Myndin fléttar saman fjölmargar smásögur úr ólíkum vinahópum sem renna smám saman saman í eina heild. Hún fangar andrúmsloftið og þá tilfinningu að vera ungur og eiga alla framtíðina fram undan. Hún má að nokkru leyti líta á sem útgáfu áttunda áratugarins af American Graffiti, sem gerist á sjötta áratugnum. Hún telst ein áhrifamesta unglingamynd sinnar kynslóðar.

Dazed and Confused

Dazed and Confused 1993

Gaman, Drama, Unglingamynd · 102 mín12 áraIMDb 7.6

Það er lokadagur miðskólans í litlum bæ í Texas árið 1976. Eldri nemendur níðast á nýnemunum, og allir eru að reyna að komast í vímu, verða drukknir eða komast í bólið með einhverjum, jafnvel fótboltastrákarnir sem hafa…

Gefa einkunn

1. Stand by Me (1986)

https://cdn.i-scmp.com/sites/default/files/styles/1020x680/public/2013/06/21/b5afd9c35408671489903081d58691ab.jpg?itok=mktOV3Vf

Stand by Me segir frá fjórum vinum sem leggja af stað í ferðalag sem breytir þeim að eilífu. Myndin er einföld í uppbyggingu en djúp í áhrifum og fangar vináttu, ótta og þau augnablik sem marka tímamót þegar barnæskan er að líða undir lok og fullorðinsárin taka við. Hún er ein áhrifamesta þroskasaga kvikmyndasögunnar og er af mörgum talin sú allra besta.

Stand by Me

Stand by Me 1986

Drama, Ævintýri · 89 mín6 áraIMDb 8.1

Myndin fjallar um fjóra unga drengi sem halda af stað í leiðangur til að finna lík drengs sem þeir fréttu að væri talinn af. Þeir ganga eftir brautarteinunum og lenda í ýmsum ævintýrum og erfiðleikum á leiðinni…

Gefa einkunn

Honorable mentions

Taking Woodstock, Easy A, Adventureland, The Way Way Back, The Kings of Summer, Fast Times at Ridgemont High, The Graduate, Sixteen Candles, Say Anything, The Outsiders, Empire Records, The Perks of Being a Wallflower, Superbad