Stórleikarinn Tom Hanks mun leika í næstu mynd Óskarsverðlaunaleikstjórans Kathryn Bigelow. Hanks er fyrsti leikarinn sem er ráðinn í myndina, Triple Frontier, en búist er við að mjög stór hópur þekktra leikara fái hlutverk í henni. Bigelow, sem vann til ótal margra verðlauna á undanförnu ári fyrir myndin The Hurt Locker, er sögð mjög ánægð með leikaravalið.
Triple Frontier, en sumir vilja meina að titlinum verði breytt í Sleeping Dogs, mun fjalla um alræmt svæði þar sem þrjú lönd mætast; Brasilía, Argentína og Paragvæ. Þar myndast svokölluð þreföld landamæri og gerir það yfirvöldum gríðarlega erfitt að framfylgja lögum á því svæði, en glæpamenn og klíkur ráða þar ríkjum.
– Bjarki Dagur
