Áhættuleikkonan Zoë Bell, sem er líklega þekktust fyrir þátttöku sína í kvikmyndum leikstjórans Quentin Tarantino, stuðlar að því að berjast gegn leiðindum á tímum sóttkvía og samkomubanna.
Nýverið kom Bell af stað gjörningnum Boss Bitch Fight Challenge sem slegið hefur í gegn á samfélagsmiðlum og víðar. Um er þarna að ræða myndband þar sem Bell hefur safnað saman gríðarstórum hópi stórfrægra leikvenna með það að markmiði að (þykjast) slást við hvora aðra.
Myndbandið hefst á áhættuleikkonunni sitja á sófanum að lesa bók í upphafi myndbandsins og segir þá: „Mér leiðist svo! Mig langar bara að leika við vini mína,“ segir hún, kastar síðan bókinni í burtu og segir: „Bíðið nú við, ég get leikið við vini mína!“
Í samklippinu stórskemmtilega má sjá frægar leikkonur á borð við (og dragið andann djúpt) Cameron Diaz, Halle Berry, Margot Robbie, Scarlett Johansson, Zoe Saldana, Drew Barrymore, Daryl Hannah, Rosario Dawson, Florence Pugh, Thandie Newton, Lucy Lawless, Juliette Lewis og margar fleiri taka þátt í áskoruninni.
Sjón er sögu ríkari.