Sjónvarpsstöðin AMC tilkynnti í vikunni að þættirnir um spillta lögfræðinginn Saul Goodman úr sjónvarpsþáttunum Breaking Bad, verði frumsýndir í nóvember næstkomandi.
Bob Odenkirk fer með aðalhlutverkið í þáttunum og verða þættirnir um störf hans og þá litríku einstaklinga sem leita til hans.
AMC hefur nú þegar búið til vefsíðu fyrir þættina, m.a. má sjá auglýsingu þar sem hann útskýrir hvernig hann geti komið hverjum sem er úr lagalegum erfiðleikum. Einnig eru vitnisburðir frá fíknefnasala og vændiskonu sem segja frá frábærum störfum hans, og hvernig hann kom þeim frá fangelsi.
AMC hefur gefið fá svör um hvað þættirnir munu fjalla um í smáatriðum, þó hafa þeir gefið það frá sér að þættirnir verði staðsettir í sömu borg og Breaking Bad, þ.e.a.s Albuquerque, í Nýju Mexíkó.
Myndböndin má nálgast á heimasíðu Saul Goodman. Hér fyrir neðan er auglýsing frá honum sjálfum og svo má sjá myndband frá vitnisburði Badger, sem margir þekkja úr þáttunum Breaking Bad, og hvernig Goodman kom honum til varnar.
