Næsta sumar munu ekki bara þeir Christopher Nolan og Joss Whedon sýna hvað í þeim býr eftir að hafa gefið aðdáendum sínum nánast hjartaáfall af spenningi þangað til. Ridley Scott slóst í hópinn fyrir ekki svo löngu síðan enda gerir það lítið annað en að trekkja upp spenning þegar fagmaður eins og hann er að búa til forleik fyrir eina þekktustu og mest íkonísku hrollvekju síðustu áratuga (Alien, fyrir þá sem eru ekki alveg inni í þessu). Og í þokkabót er hann að gera forleik að sinni eigin bíómynd meira en þremur áratugum seinna.
Það styttist örugglega í það að við fáum trailerinn fyrir Prometheus, og þá í almennilegum gæðum. Þangað til ætti nýja plakatið að duga. Er það ekki?
Þetta sýnir svosem lítið sem þessi stilla sýndi ekki nú þegar.
