Talið er líklegt að Brad Pitt leiki undir stjórn Davids Fincher á nýjan leik í endurgerð myndarinnar 20.000 Leagues Under the Sea.
Pitt myndi leika hetjuna Ned Land í myndinni, sem verður
byggð á skáldsögu Jules Verne. Pitt og Fincher hafa áður unnið saman með góðum árangri við spennutryllinn Seven, Fight Club og The Curious Case of Benjamin Button.
Fincher hefur haft áhuga á verkefninu í tvö ár og hefur handritshöfundur Seven, Andrew Kevin Walker, aðstoðað hann.
Walt Disney framleiddi fyrri myndina sem kom út 1954 með Kirk Douglas í hlutverki Neds Land. Walt Disney myndi einnig framleiða endurgerðina en hefur ekki enn gefið grænt ljós á að hún verði gerð.
