Nú er fyrsta stiklan úr Pirates of the Caribbean: On Stranger Tides lent á netinu og gefur hún nokkuð vel til kynna við hverju má búast. Í þetta skiptið þarf sjóræninginn léttgeggjaði Jack Sparrow að vinna með tálkvendi úr fortíð sinni til að komast að hinum dularfulla æskubrunni. Það verður hægara sagt en gert því hinn alræmdi Svartskeggur er tilbúinn til að gera hvað sem er til að vera á undan þeim.
Myndin, sem kemur í kvikmyndahús næsta sumar, skartar þeim Johnny Depp, Penelope Cruz, Ian McShane og Geoffrey Rush.
– Bjarki Dagur
