Kvikmyndafræðineminn Ari Gunnar Þorsteinsson í Gautaborg í Svíþjóð, er byrjaður með hlaðvarp um kvikmyndir á slóðinni www.myndvarp.libsyn.com og facebook.com/myndvarp.
Í tilkynningu sem Ari sendi til kvikmyndir.is segir hann hlaðvarpið vera blöndu af gagnrýni og umfjöllun um kvikmyndir. Í fyrsta þættinum fer Ari yfir bestu myndir ársins 2009, annar þátturinn fjallar um kvikmyndahátíðina í Gautaborg og í nýjasta þættinum fær Ari Ásgeir Erlendsson, stigavörð Gettu betur með meiru, í heimsókn til að ræða Gettu betur og kvikmyndina Hot Tub Time Machine.
