The Whistleblower (2010)

Kathryn, sem var frá bænum Lincoln í Nebraska, gekk í raðir friðargæslunnar með það markmið að nýta sér reynslu sína til hjálpar fólkinu á því stríðshrjáða svæði sem Bosnía þá var. Það leið ekki á löngu uns Kathryn komst á snoðir um bosnísk glæpasamtök sem rændu og héldu kornungum stúlkum nauðugum og seldu þær síðan í kynlífsþrælkun. En þegar Kathryn lagði fram sannanir fyrir máli sínu til yfirmanna friðargæslunnar og hélt að þar með yrði eitthvað gert í málinu var skýrslu hennar stungið undir stól. Við það gat Kathryn ekki sætt sig en þegar hún fylgdi málinu eftir af fullum þunga og krafðist aðgerða var hún rekin.