The Visitor (2007)

Richard Jenkins er einn af þessum gæða karakterleikurum sem maður sér alltaf reglulega í aukahlutverkum. Ég man ekki eftir að hafa séð hann áður í aðalhlutverki en hann mun líklega fá fleiri tækifæri til þess eftir þessa mynd. Jenkins leikur einmanna ekkil sem kynnist ungu pari frá Sýrlandi (maðurinn) og Senegal (konan). Hann flækist óvænt inn í líf þeirra og ég vil ekki segja mikið meira um það. Þetta er einfaldlega góð mynd um gott fólk. Maður er minntur á það að saklaust fólk verður fórnarlamb aðstæðna í heiminum á hverjum degi. Það er næstum því ljótur stimpill að segja að mynd sé hugljúf en hún er það. Hún er líka góð, mjög góð.