The Mill and the Cross (2011)

Myllan og krossinn er byggð á frægu málverki Peter Bruegel þar sem krossfestingin er flutt til Flæmingjalands árið 1564. Listfræðingurinn Michael Francis Gibson skrifaði mikla bók um verkið og í samvinnu við Majewski völdu þeir tólf manneskjur úr mannhafinu á málverkinu til þess að fjalla um í myndinni. Háþróuðum tæknibrellum var beitt til að staðsetja persónurnar innan í málverkinu. Majewski hefur áður ráðist í sambærileg verkefni, t.a.m. mynd byggða á einu af frægustu málverkum Bosch.