W.E. (2011)

Sagan af einhverju frægasta ástarsambandi 20. aldarinnar þegar erfingi bresku krúnunnar, Játvarður prins, afsalaði sér konungstign til að geta verið með og kvænst Wallis Simpson. Myndin gerist að hluta til í nútímanum og við kynnumst Wally Winthrop sem verður hugfangin af ástarsögunni þegar hún mætir á uppboð sem haldið er á eigum Wallis Simpson árið 1998. Í framhaldinu einsetur Wally sér að skoða betur þátt Wallis í því máli sem skók bresku þjóðina þegar Játvarður prins tilkynnti í útvarpsávarpi að hann hefði ákveðið að taka ást sína til hinnar tvífráskildu Wallis fram yfir skyldur sínar sem erfingi bresku krúnunnar og afsalaði sér konungdóminum. Þetta þótti gríðarlegt hneyksli á sínum tíma og skók breska konungsdæmið rétt fyrir upphaf síðari heimsstyrjaldarinnar. Meðfram rannsóknum Wallyar á málinu hverfum við aftur í tímann til að kynnast hinum raunverulegu atburðum sögunnar en fólk hafði á þeim tíma litla innsýn, ef einhverja, í hvernig Wallis sjálf leit á málið.